Éxodo 2:16 - Bible in Tzeltal Bachajón

¹⁶ Te sacerdote yu'un Madián ay huctuhl yantsil-nich'nab, tal sloq'uesic ha' yu'un ya snojesic te yawil ha', ya yac'ticlambe yuch'ic ha' te tuminchijetic yu'un te statique.

Bible in Tzeltal de Oxchuc y Tenejapa

¹⁶ Te Reuel, sacerdote yu'un te madianetic, ay juctul yantsil-nich'nab. Bajt'ic ta sloq'uesel ja' ta bay pozo. Ja' ba snojesic ta bay ya yuch'ic ja' te chijetique, jich ya yac'beyic ja' yuch'.

Éxodo 2:16 Iomraidhean Croise

Génesis 14:18

Ha yu'un te Melquisedec, ajwalil yu'un Salem soc sacerdote yu'un te Dios te mero toyol ay, la yich'be tal pan soc vino,

Génesis 24:11

Ta sti'il te pueblo la ya'be spahcan sbahic te camellohetic ta jun pozo, tibilix a, ha yorahil a te ya xloq'uic tal ta yich'el ya'alic te ach'ixetique.

Génesis 24:13

Ilawil, ayonix ta pozo, ya xloq'uic tal ta yich'el ya'alic te yantsil-nich'nabic te winiquetic yu'un te pueblo ini.

Génesis 29:2

La yil te ay pozo ta aquiltic soc ay oxchahp tuminchijetic tey pacajtic a, yu'un tey ya yuch'ic ha' a. Macal ta muc'ul ton te sti'ile.

Génesis 41:45

Te faraón la ya'be yan sbihil te José: Zafnat-panea c'oht yu'un, soc la ya'be yihnamin te Asenat te yantsil-nich'an Potifera te sacerdote ta On. Hich loc' bahel ta spahmal sq'uinal Egipto te José.

Éxodo 18:1

Te Jetro, te sacerdote yu'un Madián soc ha snihal-mamal Moisés, la ya'iy spisil te bintic pasbot yu'un Dios te Moisés soc Israel te pueblo yu'un, soc te bin ut'il Jehová la sloq'ues tal Israel ta Egipto.

Éxodo 18:12

Te Jetro te snihal-mamal Moisés la ya'be scohtol chic'bil mahtaniletic soc milbil mahtaniletic te Diose. Te Aarón soc spisil te mamaletic yu'un Israel tal sjoquinic ta we'el te snihal-mamal Moisés ta stojol te Diose.

Éxodo 3:1

Te Moisés yac ta scanantaybeyel stuminchij te snihal-mamal Jetro, te sacerdote ta Madián. La yic' bahel te tuminchijetic c'alal ta sjehchelul te jochol taquin q'uinal, c'oht c'alal ta Horeb, te wits yu'un Dios.

1 Samuel 9:11

Te c'alal yacalic ta mohel bahel ta stojol a te pueblo, la stahic ach'ixetic te yacalic ta loq'uel tal yu'un ya xbaht slic tal ya'alic, hich la sjoc'obeyic: ¿Li' bal ay te j'il-q'uinal? xchi.