Éxodo 15:2 - Bible in Tzeltal Bachajón

² Te Jehová ha quip soc ha c'ayoj cu'un, ha jcolel c'ohemix. Ha te Dios cu'un, ya calbe bayel yutsil sc'oblal; ha te Dios yu'un te jtat, ya calbe muc' sc'oblal.

Bible in Tzeltal de Oxchuc y Tenejapa

² Ja' yu'un ya jc'ajintay te Cajwale, ja' quip soc ja' Jcoltaywanej. Ja' Dios cu'un, cajal yutsil sc'oplal, ja' Dios yu'un te jtate, muc' sc'oplal stuquel.

Éxodo 15:2 Iomraidhean Croise

Génesis 17:7

Ya jchahp jc'op soc ha'at soc ats'umbal ta cajalcaj bahel, ha chapbil-c'op te mayuc bin ora ya xlaj sc'oblal: te Ho'on Dioson awu'un soc yu'un jayeb ats'umbal ta patil bahel.

Génesis 49:18

Yacon ta smahliyel te coltayel awu'un, Jehová.

2 Samuel 22:3

ha Dios cu'un, ha muc'ul ton cu'un ta banti ya jnac' jba; ha jmahquil soc ha yip te jcolele, ha toyol ahnibal cu'un soc jcoltaywanej cu'un, la acoltayon ta uts'inel.

2 Samuel 22:47

¡Cuxul te Jehová, bayel yutsil te muc'ul ton cu'un! Muc'uc sc'oblal te Dios te Jcoltaywanej cu'un.

2 Samuel 22:51

Ha ya scoltay ta tsalaw te ajwalil yu'un; ya ya'be yil sc'uxul yo'tan te mach'a tsahbil yu'un, ha te David soc te sts'umbal ta sbahtel q'uinal, xchi ta c'ayoj.

2 Samuel 7:24

Como la awac' te ha pueblo ya xc'oht awu'un te Israel scuenta sbahtel q'uinal; soc ha'at, Jehová, Diosat c'ohat yu'unic.

2 Samuel 7:5

Bahan halbeya te ca'bat David: Hich la yal te Jehová: ¿Yu'un bal ha'at yac apasbon jna te banti ya xnahinon?

1 Reyes 8:13

pero ho'on la jpasbatix jun na ta banti ya xnahinat, jun lugar te banti ya xnahinat spisil ora, xchi.

1 Reyes 8:27

Pero ¿melel bal te ya xnahin Dios ta bahlumilal? Como te ch'ulchan, soc te stoyolil ch'ulchan, ma xhu' ya x'ochat a, ¿ha'uc to balix a te Na te la jpase?

1 Crónicas 16:14

Te Jehová, ha Dios cu'untic; ay ta spisil q'uinal te chahpanel yu'une.

Salmos 109:1

Dios cu'un, te ya calbat bayel awutsil, ma me xch'abat ta c'op,

Salmos 118:14

Ha quip soc ha jc'ayoj te Jehová; ha jcoltaywanej cu'un.

Salmos 118:21

Ya calbat wocol yu'un la ajac'bon te jc'ope, soc ha'at jcoltaywanejat cu'un c'ohat.

Salmos 118:28

Ha'at Diosat cu'un, ya calbat wocol; Diosat cu'un, ya calbat yutsil ac'oblal.

Salmos 132:5

ha to c'alal ya jta jun lugar yu'un Jehová, te banti ya xnahin te Mach'a yu'un Jacob te ay yu'el, te xchihe.

Salmos 140:7

Cajwal Jehová, jcoltaywanejat cu'un te ay awu'el, la amacbon jol ta yorahil guerra.

Salmos 145:1

Ya jtoybat ac'oblal, Dios cu'un, Ajwalil cu'un, ya calbe yutsil sc'oblal abihil ta spisil ora soc sbahtel q'uinal.

Salmos 18:46

¡Cuxul te Jehová, bayel me yutsil te muc'ul ton cu'une! Ac'a yich' tohytesbeyel sc'oblal te Dios te Jcoltaywanej cu'une,

Salmos 22:10

Te c'alal ma to x'ayinon a, ac'oton ta atojol; te c'alal ayon to ta sch'uht jnan a, ha'at Diosat cu'un a.

Salmos 22:3

Pero ha'at Ch'ul Diosat, ha'at te nahinemat ta yohlil banti ay ta halel yutsil ac'oblal yu'un Israel.

Salmos 27:1

Ha sacal q'uinal cu'un soc ha jcolel te Jehová, ¿mach'a ya jxi'? Te Jehová ha ahnibal yu'un te jcuxlejal, ¿mach'a a te ya ya'bon xiwel?

Salmos 28:8

Te Jehová ha yip te pueblo yu'un, ha nac'ojibal te ya scoltay te mach'a tsahbil yu'une.

Salmos 30:1

Ya calbat yutsil ac'oblal, Jehová, como la atohyteson soc ma ba la awac' te ya stse'layon te jcontrataque.

Salmos 34:3

Joquinawon ta stohytesbeyel yutsil sc'oblal te Jehová, pajaluc me ya jtohytesbetic sc'oblal te sbihile.

Salmos 48:14

como te Dios ini ha Dios cu'untic sbahtel q'uinal; ha jtojobteswanej cu'untic sbahtel q'uinal.

Salmos 59:17

¡Ha'at quipat, ya jc'ayojtayat, como ha'at ahnibalat cu'un, ha'at Diosat cu'un te c'uxon ta awo'tan!

Salmos 68:20

Te Dios cu'untic ha ya xcoltaywan, ya scoltayotic ta lajel te Cajwaltic Jehová.

Salmos 99:5

Toybeyahic yutsil sc'oblal Jehová te Dios cu'untic, quejana abahic ta ye'tal yoc. ¡Ha Ch'ul Dios stuquel!

Salmos 99:9

Toybeyahic yutsil sc'oblal te Jehová, te Dios cu'untic, quejana abahic ta stojol te ch'ul wits yu'un, como te Dios cu'untic, ha Ch'ul Dios stuquel.

Éxodo 14:13

Te Moisés hich la yalbe te pueblo: Ma xiwex, ayuc me yip awo'tanic, ya me awilic te colel te ya ya'botic yo'tic te Jehová; como te egipciohetic te yac awilique mayuc bin ora yac awilic xan.

Éxodo 3:6

Soc hich la yal xan: Ho'on Dioson yu'un te atate, ha te Dios yu'un Abraham, te Dios yu'un Isaac, soc te Dios yu'un Jacob, xchi. Ha yu'un te Moisés la smuc yelaw, yu'un la xi' ya yil te Diose.

Éxodo 4:22

Hich me xawalbe te faraón: Hich ya yal te Jehová: Ha jba-nich'an te Israel.

Éxodo 40:34

Ha yu'un te tocal la smuc te Nahilpac' Templo yu'un tahojibal, te yutsilal Jehová noj yu'un te Nahilpac' Templo.

Éxodo 6:7

Ya quiq'uex yu'un pueblo cu'un ya xc'ohex, soc ho'on Dioson ya xc'ohon awu'unic. Hich yac ana'ic a te ho'on Jehovahon te Dioson awu'unic te la jcoltayex loq'uel ta tulan a'tel ta Egipto.

Isaías 12:2

Ha jcoltaywanej te Diose; ha smuc'ulinej co'tan, ma xiwon; como ha ahnibal cu'un soc ha c'ayojil cu'un te Jehová, ha jcoltaywanej cu'un, xchihex.

Isaías 25:1

Jehová, ha'at te Diosat cu'un; ya jtoybat ac'oblal soc ya calbat yutsil abihil, como bayel yutsil bintic la apas, ha melel soc stalel ay te bintic achapoj ta namey.

Isaías 45:17

Pero te Israel ya xcoltayot yu'un Jehová ta scuenta colel te sbahtel q'uinal ay; mayuquix bin ora ya xq'uexawex o ya xpehc'anex.

Isaías 49:6

hich ya yal: Jteb nax ya ca'iy te ha a'bat cu'un yu'un yac ahach te chahpalchahp sts'umbal Jacob, soc te yac apas te ya suhtic xan tal te mach'atic hilemic yu'un Israel; ha nix ya cac' te ha sacal q'uinal ya xc'ohat ta stojol te nacionetic, yu'un yac awich'bon bahel te colel cu'un c'alal ta sti'il te bahlumilale, xchi.

Isaías 66:1

Hich ya yal te Jehová: Ha huctajibal cu'un te ch'ulchan, soc ha scajtajib coc te bahlumilal. ¿Banti ay te na te yac apasbonique? ¿Banti ay te awilal yu'un ya jcux co'tan a?

Jeremías 3:23

Melel jlo'loywanejetic te tsehletic soc bayel c'opetic ta sba witsiltic; melel ta scuenta Jehová te Dios cu'untic ay te colel yu'un Israel.

Jeremías 31:33

Hich ay te chapbil-c'op te ya jpas soc te sna Israel ta patil bahel, xchi te Jehová: Ya cac' ta sjolic te ley cu'un soc ya jts'ihbabe ta yo'tanic. Ho'on Dioson yu'unic ya xc'ohon, soc ha pueblo cu'un ya xc'ohtic.

Jeremías 32:38

Ha pueblo cu'un ya xc'ohtic, soc ho'on Dioson yu'unic ya xc'ohon.

Habacuc 3:13

Loc'at tal ta scoltayel te pueblo awu'un, ta scoltayel te mach'a tsahbil awu'une. La ajimbe te jolal yu'un te sna te mach'a chopol, la achicnajtesbe te yich'o-ip c'alal ta ton.

Zacarías 13:9

Te jtsal xan ini ya cotses ta c'ahc', ya jlecubtes hich te bin ut'il ya yich' lecubtesel te plata, ya jtsaj hich te bin ut'il ya yich' tsajel te oro. Ya sc'oponon ta jbihil, soc ho'on ya ca'iybe sc'opic. Hich ya cal: Ha pueblo cu'un, xchihon; hich me ya yal: Ha Dios cu'un te Jehová, xchi.

San Lucas 1:77

yac awa'be sna'ic te pueblo yu'un sc'oblal colel te ay ta scuenta spasel perdón yu'un smulic,

San Lucas 2:30

como la yilix jsit te colel awu'un,

San Juan 4:22

Te ha'ex ma xana'beyic sba; yan te ho'otcotic ha ya quich'cotic ta muc' te mach'a ya jna'becotic sba, como tey ya xtal ta stojol te judíohetic te colele.

San Juan 5:23

scuenta yu'un spisil ya me yich'ic ta muc' te Nich'anil, hich te bin ut'il ya yich'ic ta muc' te Tatile. Te mach'a ma ba ya yich' ta muc' te Nich'anil, ma ba yich'oj ta muc' te Tatil te ticonot tal yu'une.

Hechos 4:12

Mayuc mach'a yan ay colel ta scuenta, como ta bayuc ta swohlol bahlumilal mayuc yan mach'a hich halbil sc'oblal ta stojol ants-winiquetic te ya xhu' ya xcolotic yu'un, xchi.

2 Corintios 5:19

Como te Dios, ta scuenta Cristo, la yac' te junuc yo'tan sbahic ya xc'oht soc Dios te ants-winiquetic, ma ba ich'bot ta cuenta te smulique, soc la ya'botic ca'teltic ta yalel bin ut'il jun yo'tan sbahic ya xc'ohtic soc Dios.

Efesios 2:22

Ha nix hichex pajal yaquex ta ts'ahcuyel soc te yantic scuenta yu'un tey ya xnahin Dios a ta scuenta te Espíritu.

Deuteronomio 10:21

Ha me te yac awalbe yutsil sc'oblal, soc ha me te Dios awu'un, te la spas ta atojol te bin muc' soc te bin xiweltic sba te awiloj ta asit.

Filipenses 2:11

soc spisilic ya me yalic ta jamal te ha Ajwalil te Jesucristo, scuenta yutsil sc'oblal ya xc'oht te Jtatic Dios yu'une.

Filipenses 4:13

Spisil ya xhu' cu'un ta scuenta Cristo te ya ya'bon yip co'tan.

Colosenses 2:9

Como te stalel te Dios ts'acal ya xnahin ta stojol Cristo, ta sbaq'uetal,

Apocalipsis 15:3

soc yac sc'ayojtaybelic te sc'ayoj Moisés, te ya'bat Dios, soc te sc'ayoj te Jcolel Tuminchij, hich yac yalbelic: Buen muc' soc bayel yutsil spisil awa'tel, Cajwaltic Dios te spisil ya xhu' awu'un; stojil soc smelelil te behetic awu'un, ha'at Muc'ul Ajwalilat yu'un te nacionetique.

Apocalipsis 19:1

Patil la jca'iybe tulan sc'op tsobol mach'atic ayic ta ch'ulchan te hich yacalic ta yalel ta aw: ¡Aleluya! Te colel, yutsilal soc te yu'el, ha yu'un te Diose,

Jueces 5:21

Te snojel ha' Cisón la smesticlan bahel, te antiguo snojel ha', te snojel ha' Cisón. ¡Behenan, jch'uhlel, soc awip!