Éxodo 13:5 - Bible in Tzeltal Bachajón

⁵ Te c'alal Jehová ya yiq'uex ochel ta sq'uinal te cananeo, heteo, amorreo, heveo soc te jebuseohetic, ha te q'uinal te jc'axel yalbeyej ta jamal te antiguo ame'atatic te ya ya'beyex, ha te q'uinal te banti ya x'oquin leche soc chab, ya me apasic te q'uin ta u ini.

Bible in Tzeltal de Oxchuc y Tenejapa

⁵ Jich yu'un ja' ni me te u te ya apasic q'uin yu'un sna'jibal te la yiq'uex bael Cajwaltic ta q'uinal te bay ya ataic te ya x'oquin leche soc chab c'oeme, te bay sq'uinal te cananeoetic, hititaetic, amorreoetic, heveoetic soc te jebuseoetique. Ja' te albil yu'un Cajwaltic te antiguo jme'il-tatiletic te ja' ya xc'otix ta awentaic te ja'exe.

Éxodo 13:5 Iomraidhean Croise

Génesis 26:3

Nahinan hich te bin ut'il jbehyom li' ta q'uinal ini. Ya joquinat soc ya ca'bat bendición, yu'un ya ca'bat aq'uinalin soc ats'umbal spisil te q'uinal ini, soc ya cac' c'ohtuc ta pasel te bin caloj ta jamal ta stojol te atat Abraham.

Génesis 50:24

Te José hich la yalbe ya'iyic te yermanotac: Te ho'one ya xchamonix; pero Dios me ya xtal scoltayex, ya me yiq'uex loq'uel li' ta q'uinal ini, ya me yiq'uex bahel tey ta q'uinal te yaloj ta jamal te ya ya'be te Abraham, te Isaac soc te Jacob, xchi.

1 Crónicas 1:15

heveo, araceo, sineo,

Éxodo 12:24

Ya me apasulanic soc te cajalcaj bahel ats'umbalic scuenta mandaril te ma xlaj sc'oblal.

Éxodo 13:10

Ha yu'un ya me apasulan bahel ta jujun ha'bil ta mero sc'ahc'alel.

Éxodo 13:11

C'alal ya yic'at ochel te Jehová ta sq'uinal te cananeohetic, hich te bin ut'il jc'axel yalbeyejat ta jamal soc te antiguo ame'atatic, te c'alal la ya'batix ta ac'ab te sq'uinale,

Éxodo 3:17

Soc la jcalix te ho'on ya jcoltayex ta libre yu'un te wocol ta Egipto, ya quiq'uex bahel ta sq'uinal te cananeo, heteo, amorreo, ferezeo, heveo, soc te jebuseo, ta q'uinal te banti ya x'oquin leche soc chab, xchihat.

Éxodo 3:8

Ha yu'un cohonix tal ta scoltayel loq'uel ta sc'ab te egipciohetic soc ta sloq'uesel bahel tey ta q'uinal; ya quic' bahel ta q'uinal te buen lec soc buen jamal, te q'uinal te banti ya x'oquin leche soc chab, ta banti ay te cananeo, heteo, amorreo, ferezeo, heveo soc te jebuseo.

Éxodo 32:13

Na'a me te Abraham, Isaac, soc Israel, te a'batetic awu'un, te jc'axel awalbeyej ta jamal ta atojol nix, te hich la awalbe: Ya cac' p'ohluc ats'umbalic hich te bin ut'il eq'uetic ta ch'ulchan; soc ya ca'be ats'umbalic spisil te q'uinal ini te la jcalbeyex sc'oblal, ha yu'unic ya xc'oht spisil ora, te xchihate, xchi.

Éxodo 33:1

Te Jehová la yalbe te Moisés: Bahan, loc'an bahel soc te pueblo te la aloq'ues tal ta sq'uinal Egipto, bahan tey ta q'uinal te la jcalbe ta jamal te Abraham, Isaac soc Jacob: Ya ca'be te ats'umbal, te xchihone.

Éxodo 34:11

Pasa te bin ya calbat ta mandar yo'tic. Ya jtenticlan loq'uel ta atojolic te amorreo, cananeo, heteo, ferezeo, heveo soc te jebuseo.

Éxodo 6:4

Soc la jchap jc'op soc, ha te ya ca'be sq'uinalin te sq'uinal Canaán, ha te q'uinal banti hich nahinic te bin ut'il jbehyometic.

Éxodo 6:8

Ya cotsesex tey ta q'uinal te la jtoy jc'ab ta yalel ta jamal te ya ca'be te Abraham, Isaac soc Jacob. Ya ca'beyex awu'untayic te q'uinale. Ho'on Jehovahon, xchi.

Jeremías 11:5

Hich ya jc'ohtes ta pasel te bin la jcalbe ta jamal te ame'atatic te ya ca'be te q'uinal te banti ya x'oquin leche soc chab, hich te bin ut'il ta ora ini, xchihon. La jac': Hichuc, Jehová, xchihon.

Jeremías 32:22

La awa'be yich'ic te q'uinal ini te la awal ta jamal te sme'static te yac awa'be, ha te q'uinal te banti ya x'oquin leche soc chab.

Ezequiel 20:6

Te bin ora la jach jc'ab, te la jcal jba ta jamal te ya quic'ticlan loq'uel tal ta sq'uinal Egipto yu'un ya xbahtic ta q'uinal te tsahbil cu'un, ha te q'uinal banti ya x'oquin leche soc chab soc c'ax hich t'ujbil a te bin ut'il spisil q'uinaletic,

Levítico 20:24

Pero hich la jcalbeyex te ha'exe: Ya me awu'untayic te slum sq'uinalic, ho'on ya ca'beyex yu'un yac awu'untayic, ha te q'uinal te banti ya x'oquin leche soc chab. Ho'on, Jehovahon, te Dioson awu'unic te parte la jcaq'uex yu'un te yantic nacionetique.

Números 11:12

¿Yu'un bal ho'on la jwol spisil te pueblo ini? ¿Ho'on bal la jcalatay, yu'un te hich yac awalbon: Peticlana bahel, hich te bin ut'il ya spet chu'alal te jcanan-alal, c'alal ta q'uinal te jc'axel la awal ta jamal te yac awa'be te sme'statique?

Números 13:27

Soc hich la yalbeyic: C'ohotcotic ta q'uinal te la aticonotcotic bahel ta yilel, te mero melel ya x'oquin leche soc chab; ha me ini te sit ts'unub-awalil yu'une.

Números 14:16

Te bin ut'il ma ba hu' yu'un Jehová te ya yotses bahel ta q'uinal te jc'axel yalojix ta jamal te ya ya'be, hich la smilticlan hilel ta jochol taquin q'uinal, xchihic me yu'un.

Números 14:30

Ta smelelil mayuc jtuhluc ya x'ochex ta q'uinal te la jtoy jc'ab ta yalel ta jamal te tey ya cac' ya xnahinex a, ha nax te Caleb snich'an Jefone, soc te Josué snich'an Nun.

Números 32:11

Te mach'atic loq'uic tal ta Egipto te ayix jtahb ya'bilalic ma ba ya yilic te q'uinal te la jcalbe ta jamal te Abraham, Isaac soc Jacob te ya ca'beyic, yu'un ma ba jun yo'tan la st'unonic bahel;

Deuteronomio 12:29

Te c'alal lajimbilix yu'un Jehová te Dios awu'un te nacionetic te yac awu'untaybe sq'uinalic, teme ayix ta acuenta soc tey ayatix ta nahinel ta sq'uinalic a,

Deuteronomio 19:1

Te Jehová te Dios awu'un c'alal ya slajinlan te nacionetic te ya ya'bat awu'untay te sq'uinalic, te c'alal yac awich' soc ya xnahinat ta pueblohetic soc ta nahetic yu'unic,

Deuteronomio 26:1

Te c'alal ochematix a tey ta q'uinal ya ya'bat te Jehová te Dios awu'un soc te yac awu'untay te q'uinal soc ya xnahinat tey a,

Deuteronomio 7:1

Te c'alal la yic'atix ochel a te Jehová te Dios awu'un ta q'uinal te yac awu'untay, soc te c'alal la stenticlan loq'uel ta atojol tsobol nacionetic, ha te heteo, gergeseo, amorreo, cananeo, ferezeo, heveo soc te jebuseo, huqueb nacionetic te c'ax bayelic soc c'ax hich yipic a te bin ut'il ha'ate,

Josué 24:11

Sohlex bahel ta muc'ul-ha' Jordán, c'ohex ta Jericó. Te mach'atic nahinemic ta Jericó la ya'beyex guerra, soc nix te amorreo, ferezeo, cananeo, heteo, gergeseo, heveo soc te jebuseo; ho'on la jca'beyex ta ac'abic spisilic.