Éxodo 13:3 - Bible in Tzeltal Bachajón

³ Te Moisés hich la yalbe te pueblo: Na'ahic me te c'ahc'al ini, ha te bin ora loq'uex tal ta Egipto te banti ayex ta mosohil, como te Jehová la sloq'uesex tal ta scuenta smuc'ul yu'el sc'ab; ha yu'un ma me xawe'ic te bin yich'oj levadura.

Bible in Tzeltal de Oxchuc y Tenejapa

³ Te Moisés la yalbey te lume: —Na'aic me in c'aal to, te bit'il ta swenta smuc'ul yu'el te Cajwaltic te la sloq'uesex tel ta Egipto ta bay ainex ta mozoile. Ma me xawe'ic te waj yich'oj levadura.

Éxodo 13:3 Iomraidhean Croise

Génesis 15:16

Ta schancajal ats'umbal ya suhtic tal li'i, yu'un ma to sts'acay te smul te amorreohetique, xchi.

1 Reyes 8:42

(como ya me ya'iybeyic sc'oblal te muc' abihil, te yip ac'ab soc te ac'ab te ahachoj) teme ya xtal sc'oponat li' ta Na ini,

1 Crónicas 16:12

Na'ahic me te yutsil ya'tel spasoj, te jchahp a'teliletic yu'un soc te bintic yaloj ta chahpanwanej,

Nehemías 1:10

Ha'ic te a'batetic soc te pueblohetic awu'un te la acoltay ta scuenta smuc'ul awu'el soc ta scuenta yip ac'ab.

Nehemías 9:10

La apas señahiletic soc jchahp a'teliletic ta scontrahinel te faraón, soc spisil te a'batetic yu'un, soc spisil te pueblo ta sq'uinal, como la ana' te ta scuenta stoybahilic la scontrahinic te jme'jtatcotic. La awac' te muc' c'oht abihil, hich te bin ut'il ta ora ini.

Salmos 105:5

Na'ahic me te yutsil a'teliletic spasoj, te jchahp a'teliletic soc te bin yaloj ta chahpanwanej,

Salmos 114:1

Te c'alal loc' tal ta Egipto te Israel, ha te sna Jacob ta pueblo te yan te sc'opique,

Salmos 136:11

te la sloq'ues ta Egipto te Israel, como sbahtel q'uinal ay te sc'uxul yo'tan,

Salmos 136:12

ta scuenta yip sc'ab soc te sc'ab shachoj, como sbahtel q'uinal ay sc'uxul yo'tan;

Salmos 89:14

Ha yich'o-ip te amuc'ul-huctajib te bin toj ta pasel soc te stojil chahpanel; te c'uxul-o'tanil soc te bin smelelil ya xnahilijic bahel ta atojol.

Éxodo 12:15

Huqueb c'ahc'al yac awe'ic pan te ma ba yich'oj levadura. Ta sba c'ahc'alil ya me aloq'uesic spisil levadura ta anahic, yu'un mach'ayuc a te ya swe' te bin yich'oj levadura ta sba c'ahc'alil ha to ta shuquebal c'ahc'al ya me yich' loq'uesel ta Israel.

Éxodo 12:17

Ya me apasulanic te Q'uin yu'un Pan te ma ba yich'oj levadura, como ha nix sc'ahc'alel a te la jloq'uesex tal apisilic ta Egipto; ha yu'un ta cajalcaj bahel ats'umbalic ya me awich'ic ta muc' te c'ahc'al ini scuenta mandaril te ma xlaj sc'oblal.

Éxodo 12:19

Huqueb c'ahc'al ma me ayuc levadura ta anahic. Mach'ayuc a te ya swe' te bin yich'oj levadura, teme jyanlum o teme alumal, ya me yich' loq'uesel ta pueblo yu'un Israel.

Éxodo 12:2

Te u ini ha bayel sc'oblal ya xc'oht awu'unic; ha shahchibal u ya xc'oht yu'un te ha'bile.

Éxodo 12:41

Ta mero sc'ahc'alel te ts'acay te jbahc' soc lajuneb scha'winic (430) ha'bil spisil te pueblo yu'un Jehová loq'uic bahel ta sq'uinal Egipto.

Éxodo 12:42

Ha te ahc'abal te q'uelel sit te Jehová yu'un ya sloq'ues tal ta sq'uinal Egipto. Ha te ahc'abal te q'uelel me sitic scuenta yich'el ta muc' Jehová spisil te snich'nab Israel ta cajalcaj te yal-snich'nabique.

Éxodo 12:8

Ha nix yorahil ta ahc'abal a, ya me swe'ic te ti'bal wohbil ta c'ahc' soc ya swe'ic pan te ma ba yich'oj levadura, soc ch'ahal itaj.

Éxodo 13:14

Te c'alal ya sjoc'obat te anich'an: ¿Bin scuentahil ini? teme xchihe, hich me xawalbe: Te Jehová, ta scuenta yu'el sc'ab la sloq'uesotic tal ta Egipto te banti ayotic ta mosohil;

Éxodo 13:9

Te q'uin hich ac'a c'ohtuc awu'un te bin ut'il jun seña ta ac'ab soc sna'ojibal ta ati'ba, scuenta yu'un yac awalulan te ley yu'un Jehová; como ta scuenta yu'el sc'ab la sloq'uesat tal ta Egipto te Jehová.

Éxodo 20:2

Ho'on Jehovahon, te Dioson awu'un, te la jloq'uesat tal ta sq'uinal Egipto ta banti nahinat ta mosohil.

Éxodo 20:8

Na'a me te sc'ahc'alel cux-o'tan yu'un yac ach'ultes.

Éxodo 23:15

Ya me apas te Q'uin yu'un Pan te ma ba yich'oj levadura. Hich te bin ut'il la jcalbat, huqueb c'ahc'al yac awe' pan te ma ba yich'oj levadura, ta yorahil te u yu'un Abib, como ha yorahil te loq'uex tal ta Egipto. Ma me ayuc mach'a jochol sc'ab ya xtal ta jtojol.

Éxodo 3:20

Pero ya jach jc'ab, ya quehchentes te Egipto ta spisil te jchahp a'teliletic ya jpasbe tey a, hich ya yaq'uex bahel.

Éxodo 34:18

Ya me apas te Q'uin yu'un Pan te ma ba yich'oj levadura. Huqueb c'ahc'al yac awe' pan te ma ba yich'oj levadura, hich te bin ut'il la jcalbat, ta sc'ahc'alel ta u Abib, como ha ta u Abib te loq'uex tal ta Egipto.

Éxodo 6:1

Te Jehová la sjac'be sc'op te Moisés: Ya me awil yo'tic bin ya jpasbe te faraón, yu'un ta scuenta yip jc'ab ya me yac'ticlan bahel, ta scuenta yip jc'ab ya me stenticlan loq'uel ta sq'uinal, xchi.

Éxodo 6:6

Ha yu'un hich me xawalbe te snich'nab Israel: Ho'on Jehovahon; ya jcoltayex loq'uel ta tulan a'tel ta Egipto; ya caq'uex ta libre yu'un te mosohil, soc ya jloq'uesex ta scuenta yu'el jc'ab soc ta scuenta tulan castigo.

Éxodo 6:7

Ya quiq'uex yu'un pueblo cu'un ya xc'ohex, soc ho'on Dioson ya xc'ohon awu'unic. Hich yac ana'ic a te ho'on Jehovahon te Dioson awu'unic te la jcoltayex loq'uel ta tulan a'tel ta Egipto.

Éxodo 7:4

Te faraón ma ba ya ya'iybeyex ac'opic; pero ya cac' jc'ab ta stojol Egipto soc ya jloq'ues te jujuchahp cu'un, ha te pueblo cu'un, ha te snich'nab Israel, ta sq'uinal Egipto ta scuenta tulan castigohetic.

Jeremías 34:13

Hich yaloj te Jehová, te Dios yu'un Israel: La jchahp jc'op soc te ame'atatic te c'alal la jloq'ues tal ta sq'uinal Egipto, ta banti ayic ta mosohinel, hich la jcal:

Daniel 9:15

Yo'tic, Cajwaltic Dios, te la aloq'ues te pueblo awu'un ta sq'uinal Egipto ta scuenta yip ac'ab, soc te la awac' ta na'el abihil ha to c'alal ora yo'tic, la jta jmulcotic, la jpascotic te bin chopole.

San Mateo 10:12

C'alal ya xc'ohex tey ta na, patbeyahic yo'tan.

San Lucas 22:19

Ha nix hich la stsac te pan, la yalbe wocol Dios yu'un, la xet' soc la spucticlambe, hich la yal: Ha jbaq'uetal ini te ac'bil ta acuentahic; pasahic ta scuenta jna'ojibal, xchi.

1 Corintios 11:24

c'alal la yalbe wocol Dios yu'un, la xet', hich la yal: Tsacahic, we'anic; ha jbaq'uetal ini te ac'bil ta acuentahic; pasahic ini scuenta jna'ojibal, xchi.

1 Corintios 5:8

Ha yu'un ac'a jpastic te q'uin, ma ha'uc soc te poco' levadura, ha te levadura yu'un te bin chopol soc te bin mulil, ac'a jpastic te q'uin soc te pan te ma ba yich'oj levadura, ha te ich'bil scuentahil soc smelelil.

Efesios 1:19

soc yu'un yac ana'ic te c'ax muc' te yu'el te ya x'a'tej ta jtojoltic ho'otic te jch'uhunejtique; ha nix te yu'el

Deuteronomio 13:10

Ya me ach'oj ta ton ha to teme laj, yu'un ya c'an ya'bat awihquitay te Jehová te Dios awu'un te la sloq'uesat tal ta sq'uinal Egipto ta mosohil,

Deuteronomio 13:11

scuenta yu'un spisil Israel ya ya'iyic soc ya xiwic, scuenta yu'un ma ba hich ya xc'oht ta pasel yan buelta ta awohlilic.

Deuteronomio 13:5

Te jalwanej o hal-wayichil ya me yich' milel ta scaj te la ya'bat anop toybahil ta stojol Jehová te Dios awu'unic te la sloq'uesat tal ta sq'uinal Egipto soc te la scoltayat loq'uel tal ta mosohil, ya c'an ya'bat awihquitay hilel te be yalbeyejat at'un te Jehová te Dios awu'une. Hich me yac aloq'ues a te bin chopol ta awohlil.

Deuteronomio 13:6

Teme abanquil o awihts'in, aquerem-nich'an, awantsil-nich'an, awihnam o awamigo te mero jun awo'tan aba soc, teme hich ya sjucat ta muquen: Conic, ya jch'uhuntic yantic diosetic te ma xana'be sba ni ha'uc te ame'atatic la sna'beyic sba,

Deuteronomio 15:15

Ya me ana' te ayat ta mosohinel ta sq'uinal Egipto soc te la scoltayat loq'uel tal te Jehová te Dios awu'un; ha scuentahil te hich ya jpasat ta mandar ta ora ini.

Deuteronomio 16:1

Ya me acanantay te u Abib, ya me apas te Q'uin Pascua yu'un Jehová te Dios awu'un, como ta u Abib, ta ahc'abal, la yic'at loq'uel tal ta sq'uinal Egipto te Jehová te Dios awu'une.

Deuteronomio 16:12

Na'a me te c'axat ta mosohil ta Egipto; ha yu'un ya me acanantay soc ya me apas te bintic chapal ini.

Deuteronomio 16:3

Ma me xawe' soc pan te yich'oj levadura. Huqueb c'ahc'al yac awe' soc pan te ma ba yich'oj levadura, ha te pan scuenta wocolijel, como ahnimal loc'at tal ta sq'uinal Egipto; scuenta yu'un te jayeb c'ahc'al cuxulat ya me ana' te bin c'ahc'alil loc'at tal ta Egipto.

Deuteronomio 24:18

ya me ana' te c'axat ta mosohil ta Egipto, te tey la sloq'uesat tal a te Jehová te Dios awu'une; ha scuentahil te ya jpasat ta mandar te hich yac apas.

Deuteronomio 24:22

Na'a me te c'axat ta mosohil ta sq'uinal Egipto; ha scuentahil te ya jpasat ta mandar te hich yac apase.

Deuteronomio 26:8

Te Jehová la yic'otcotic loq'uel tal ta Egipto ta scuenta yu'el sc'ab shachoj, ta scuenta te bin mero xiweltic sba soc ta scuenta señahiletic soc jchahp a'teliletic;

Deuteronomio 4:34

¿O ay bal yan dios te tal yu'untay jun nación ta yohlil yan nación ta scuenta pruebahetic, señahiletic, jchahp a'teliletic, guerra, ta scuenta yu'el soc sc'ab shachoj, soc te mero xiweltic sba te bin la spas, hich te bin ut'il la spasbeyex ta Egipto te Jehová te Dios awu'unique?

Deuteronomio 5:15

Na'a me te ayat ta mosohil ta namey ta sq'uinal Egipto, te tey la sloq'uesat tal a te Jehová te Dios awu'un ta scuenta yu'el soc ta sc'ab shachoj. Ha scuentahil te Jehová te Dios awu'un la spasat ta mandar te yac acanantay te sc'ahc'alel cux-o'tan.

Deuteronomio 5:6

Ho'on Jehovahon te Dioson awu'un te la jloq'uesat tal ta Egipto te banti nahinat ta mosohil.

Deuteronomio 6:12

ma me xch'ay ta awo'tan te Jehová te la sloq'uesat tal ta sq'uinal Egipto te banti ayat ta mosohil.

Deuteronomio 6:21

hich me xawalbe te anich'an: Ta nahil to ayotic ta mosohil yu'un faraón, pero te Jehová la sloq'uesotic tal ta Egipto ta scuenta yu'el sc'ab.

Deuteronomio 7:8

Pero ha ta scaj te c'uxex ta yo'tan te Jehová soc la sc'an te la sc'ohtes ta pasel te bin jc'axel la yalbe ta jamal te ame'atatique; hich la sloq'uesex tal ta scuenta yu'el sc'ab soc la scoltayex loq'uel ta mosohil ta sc'ab faraón te ajwalil yu'un Egipto.

Deuteronomio 8:14

te hich ya xhahchat ta toybahil yu'un soc ya xch'ay ta awo'tan te Jehová te Dios awu'un te la sloq'uesat tal ta Egipto ta mosohil;

Deuteronomio 9:12

Hich la yalbon te Jehová: Hahchan, cohan bahel ta ora, como te pueblo awu'un te la awic' loq'uel tal ta Egipto, bohlobenix. Ora nax la yihquitayic hilel te be te la jpasic ta mandar; la spasiquix loc'omba pasbil ta uhltesbil taq'uin, xchi.

Josué 24:17

Como ha te Jehová te Dios cu'untic te la sloq'uesotic tal soc te jme'jtatic ta sq'uinal Egipto te banti ayotic ta mosohil; ha te mach'a la spas te muc'ul señahiletic ini soc te la scanantayotic ta spisil be banti behenotic soc ta spisil te nacionetic banti c'axotic tale.

Jueces 2:12

La yihquitayic te Jehová te Dios yu'un te sme'static te loq'uesotic tal yu'un ta sq'uinal Egipto, la st'unic bahel yantic diosetic yu'un te pueblohetic te ayic ta sjoyobalic; la squejan sbahic ta stojolic, hich la shachbeyic yilimba te Jehová.

Jueces 6:8

te Jehová la sticombe jtuhl jalwanej te hich c'oht yalbe: Hich yaloj te Jehová te Dios yu'un Israel: Ho'on la jloq'uesex tal ta Egipto soc la jloq'uesex tal ta mosohil.