Éxodo 13:12 - Bible in Tzeltal Bachajón

¹² ya me awa'be te Jehová spisil te ba-alal queremetic; soc ha nix hich spisil te sba-quelmal te achanabahlamic, ha me yu'un Jehová.

Bible in Tzeltal de Oxchuc y Tenejapa

¹² ya me awac'beyic Cajwaltic te sbabial aquerem-nich'anique. Jich nix me te c'alal ya x'ayin yalatac te achambalamic, ja' me yu'un te Cajwaltique.

Éxodo 13:12 Iomraidhean Croise

Nehemías 10:36

Ha nix hich ya quic'tic tal te ba-alaletic cu'untic, te sba-yal te chambahlametic cu'untic, hich te bin ut'il ts'ihbabil ta Ley, soc ya quic'tic tal te sba-yal wacax soc tuminchij cu'untic ta sna te Dios cu'untic ta stojol te sacerdotehetic te ayic ta a'tel ta sna te Dios cu'untique.

Nehemías 10:37

Soc ya quich'tic tal ta snahul biluquetic ta sna Dios cu'untic te shahchibal te bin ya yich' juch'el, te mahtanil harina, te sit spisil te'etic, vino soc aceite, te ha yu'un te sacerdotehetic. Soc ya quich'betic tal te levitahetic te jun ta slajunebal te bintic ya xloc' ta q'uinal, como ha te levitahetic te ya stsobic te jun ta slajunebal ta spisil te pueblohetic banti ya x'a'tejotic.

Éxodo 13:1

Te Jehová la sc'opon te Moisés, hich la yalbe:

Éxodo 13:2

A'bonic ta jtojol spisil te ba-alal queremetic. Ta yohlil te snich'nab Israel, spisil te ba-alal queremetic ho'on cu'un, ha nix hich te sba-quelmal chambahlametic, xchi.

Éxodo 22:28

Ma me xabohlc'optay te Dios soc ma me xabohlobtesbe sc'oblal te príncipal yu'un te alumale.

Éxodo 22:29

Ma me patiluc yac awa'bon jmahtanin te sit ats'unub-awawal soc te ya'lel ats'usub. Ya me awa'bon te ba-alal querem awu'une.

Éxodo 34:19

Spisil te ba-alal ya x'ayin, ho'on cu'un, soc spisil te sba-quelmal awacax o atuminchij.

Éxodo 34:20

Yan te sba-quelmal burro ya me ajeltay ta jcoht tut tuminchij; teme ma ba yac ajeltay, ya me awac'be snuc'. Ya me ajeltay spisil te aba-nich'anique. Soc ma me ayuc mach'a ya xtal ta jtojol te mayuc bin yich'oj ta sc'ab.

Ezequiel 16:20

Soc la awic'ticlan te aquerem-nich'nab soc awantsil-nich'nab te la awalataybon, la awa'be ta milbil smahtan scuenta swe'elic. Ma tic'uc la awa'iy a te la awac' aba ta antsinel,

Ezequiel 44:30

Ha yu'un te sacerdotehetic te sba sit spisil te sba sit te ts'unub-awaliletic, soc spisil te mahtaniletic te ya yich'ic aq'uel awu'unic. Soc ha nix hich ya me awa'beyic te sacerdote te shahchibal ta wots'el te harina awu'unic, scuenta yu'un ya xc'oht bendición ta anahic a.

Levítico 27:26

Pero te sba-al te chambahlametic, te ha nix yu'un Jehová ta scaj te sba-al, ma me ayuc mach'a te ya ya'be Jehová, teme toro o tuminchij, como yu'unix Jehová a.

Números 18:15

Spisil te ba-alaletic yu'un ants-winiquetic soc sba-yal chambahlametic te ya ya'beyic Jehová, ha'at me awu'un. Pero ya me alehbe sjelol te ba-alal yu'un ants-winiquetic soc te sba-al chambahlametic te bohloben sc'oblal.

Números 3:12

Ho'on la jquic' te levitahetic ta yohlil te snich'nab Israel scuenta sjelol spisil te ba-alaletic, ha te queremetic te nahil ya x'ayinic yu'un te snich'nab Israel. Ha cu'un ya xc'ohtic te levitahetic,

Números 3:13

como ho'on cu'un spisil te ba-alaletique. C'alal la jlajin spisil te ba-alal queremetic ta sq'uinal Egipto, ch'ultesbil c'ohtic cu'un spisil te ba-alaletic yu'un te snich'nab Israel soc sba-al schansbahlamic. Ho'on cu'un. Ho'on Jehovahon, xchi.

Números 8:17

Como ho'on cu'un spisil ba-alaletic yu'un te snich'nab Israel, teme winic o chambahlam. C'alal la jcac' lajuc te ba-alaletic ta sq'uinal Egipto tey ch'ultesbil c'ohtic cu'un a.

San Lucas 2:23

(como hich ay te ts'ihbabil ta Ley yu'un Dios: Spisil alal querem te ya sjam te yawil alal, ch'ultesbil ya xc'oht yu'un Dios, te xchihe),

Deuteronomio 15:19

Parte me xawac' ta stojol Jehová te Dios awu'un teme squelmal te sba-al wacaxetic, tuminchijetic soc tentsunetic awu'une. Ma me xawac' x'a'tejuc te squelmal sba-al j'a'tel-wacax awu'un soc ma me xaloq'uesbe stsotsel te squelmal sba-al tuminchijetic o tentsunetic awu'un.