Éxodo 12:6 - Bible in Tzeltal Bachajón

⁶ Ya me acanantayic ha to c'alal ta schanlajunebal (14) c'ahc'al te u ini, ha yorahil a te spisil te pueblo Israel ya smilic te chambahlam ta stibiltayel q'uinal.

Bible in Tzeltal de Oxchuc y Tenejapa

⁶ Ya to me scanantayic ja' to me ta xchanlajunebal sc'aalelal te ue. Jich ora ta spisilic juju-jtul israel ya me smilic te chambalam ta mal c'aalil.

Éxodo 12:6 Iomraidhean Croise

2 Crónicas 35:1

Te Josías la spas te Q'uin Pascua yu'un Jehová ta Jerusalén; la smilic te tuminchij yu'un Pascua ta schanlajunebal (14) c'ahc'al ta shahchibal u.

Esdras 6:19

Te mach'atic suhtemiquix tal ta chuquel la spasic te Q'uin Pascua ta schanlajunebal (14) c'ahc'al ta shahchel u.

Éxodo 12:14

Te c'ahc'al ini ha sna'ojibal awu'unic ya xc'oht, ya me apasic scuenta q'uin ta stojol Jehová ta cajalcaj ats'umbalic bahel; ha mandaril te ma xlaj sc'oblal.

Éxodo 12:17

Ya me apasulanic te Q'uin yu'un Pan te ma ba yich'oj levadura, como ha nix sc'ahc'alel a te la jloq'uesex tal apisilic ta Egipto; ha yu'un ta cajalcaj bahel ats'umbalic ya me awich'ic ta muc' te c'ahc'al ini scuenta mandaril te ma xlaj sc'oblal.

Éxodo 12:18

Ta shahchibal u ya me awe'ic pan te ma ba yich'oj levadura, c'alal ta schanlajunebal (14) c'ahc'al ta stibiltayel q'uinjal ha to ta jun scha'winic (21) c'ahc'al ta stibiltayel q'uinal.

Éxodo 12:47

Spisil te pueblo Israel ya me spas.

Éxodo 16:1

Loq'uic bahel ta Elim spisil te pueblo yu'un te snich'nab Israel, c'ohtic ta jochol taquin q'uinal Sin te ohlil yu'un Elim soc Sinaí; jun u soc ho'lajuneb (15) c'ahc'al sloq'uelic tal ta sq'uinal Egipto a.

Éxodo 16:12

La jca'iybe te stijawic ta c'op te snich'nab Israel. Halbeya: Ta tibiltic ya me awe'ic ti'bal, soc ta sab ya me xnoj ach'uhtic ta pan; hich me yac ana'ic a te ho'on Jehovahon te Dioson awu'unic, xchi.

Éxodo 19:1

Ta yoxebal u sloq'uelic bahel ta sq'uinal Egipto a te snich'nab Israel, ta sc'ahc'alel nix, c'ohtic ta jochol taquin q'uinal Sinaí.

Éxodo 29:39

Jcoht tuminchij yac awac' ta sab soc jcoht ta xtibiltay.

Éxodo 29:41

Ta xtibiltay ya me awac' te yan tuminchij soc te mahtanil harina soc malbil mahtanil yu'un, hich te bin ut'il ta sab, scuenta sumet yic' mahtanil a'bot Jehová ta scuenta c'ahc'.

Isaías 53:6

Jpisiltic howiyemotic hich te bin ut'il tuminchijetic, jujutuhl la jt'untic bahel te be cu'untique; pero te Jehová la ya'be scuchbotic jmultic ta jpisiltic.

Ezequiel 45:21

Ta schanlajunebal c'ahc'al ta shahchibal u, ya me apasic te q'uin Pascua, huqueb c'ahc'al ya xhalaj te q'uine; ya me awe'ic pan te ma ba yich'oj levadura.

Levítico 23:5

Ta schanlajunebal c'ahc'al ta shahchel u, ta yihc'ubel q'uinal, ha te Pascua yu'un Jehová.

Números 28:16

Ta schanlajunebal (14) c'ahc'al yu'un shahchel u yu'un te ha'bil, ha me te Q'uin Pascua yu'un Jehová.

Números 28:18

Ta sba c'ahc'alil ay me ch'ul tsoblej; ma me xapas awa'telic a.

Números 9:11

Ha ya spasic ta schanlajunebal (14) c'ahc'al ta schebal u, ta yihc'ubel q'uinal; ya swe'ic te tuminchij soc pan ma ba yich'oj levadura soc ch'ahal ha'mal.

San Mateo 27:20

Pero te principal sacerdotehetic soc mamaletic la ya'beyic te ya xc'oht ta yo'tanic te ants-winiquetic te ha'uc ya sc'ambeyic scoltayel te Barrabás soc ha'uc ya xlaj te Jesús.

San Mateo 27:25

Hich la sjac' spisil te pueblo: Ac'a c'ohtuc ta jtojolcotic soc ta stojol te cal-jnich'ancotic te sch'ich'ele, xchihic.

San Marcos 15:1

Te principal sacerdotehetic, te mamaletic, escribanohetic soc spisil mach'atic ay ya'telic schapoj sc'opic ta buen sab, hich chucul a la yiq'uic bahel te Jesús, la ya'beyic ta sc'ab te Pilato.

San Marcos 15:11

Pero te principal sacerdotehetic la sujic te ants-winiquetic te ha'uc ya xcoltaybotic te Barrabás.

San Marcos 15:25

Yoxebalix ora sacubel q'uinal a te la sjihpanic ta cruz.

San Marcos 15:8

Talic tsobol ants-winiquetic, hahch sc'ambeyic Pilato te yacuc xpasbotic te bin c'ahyem ta spasele.

San Lucas 23:1

Hich hahchic bahel spisilic, la yiq'uic bahel ta stojol Pilato.

San Lucas 23:18

Pero spisil te ants-winiquetic junax bin la yalic ta aw: ¡Loc'uc bahel ini! ¡Ha xacoltaybotic bahel te Barrabás! xchihic ta aw.

Hechos 2:23

Te winic ini ac'ot ta c'abal ta scuenta te bin schapoj Dios soc te hich nahil sna'oj, te ta scuenta chopol winiquetic la atsaquic soc la amilic ta cruz.

Hechos 3:14

Ha'ex la amuc ta awo'tanic te Mach'a Ch'ultesbil soc te Mach'a Toj Yo'tan, ha la ac'ambeyic scoltayel te jmilawe;

Hechos 4:27

Como melel la stsob sbahic li' ta pueblo te Herodes, Poncio Pilato, te jyanlum winiquetic soc te pueblo Israel ta scontrahinel te Jesús te Ach'ul-nich'an, te mach'a tsahbil awu'une,

Josué 5:10

Te c'alal ayiquix ta campamento ta Gilgal a te snich'nab Israel la spasic te Q'uin Pascua ta schanlajunebal (14) c'ahc'al yu'un te u, ta stibiltayel q'uinal, ta spamlej yu'un Jericó.