Éxodo 12:3 - Bible in Tzeltal Bachajón

³ C'opona spisil te pueblo Israel, hich me xawalbe: Ta slajunebal c'ahc'al yu'un te u ini, jujutuhl ya stsac jcoht jcolel tuminchij, ha chican jaytuhl te mach'atic ay yu'un ta sna, jujucoht ta jujun na.

Bible in Tzeltal de Oxchuc y Tenejapa

³ Albeya ta stsojbol alumal israeletic: “Ta slajunebal c'aal yu'un te u, juju-jtul ta apisilic ya me atsaquic juju-jcojt' chij o tentsun ta chajbalchajp na.

Éxodo 12:3 Iomraidhean Croise

Génesis 22:8

La sjac' te Abraham: Dios nix ya slehbotic te tuminchij te ya xtuhun yu'un te scohtol chic'bil mahtanil, jnich'an, xchi. Hich pajal behenic bahel schebalic.

Génesis 4:4

Yan te Abel la yac' te sba yal stuminchij te buen juhp'en. Lec yo'tan Dios yu'un te Abel soc te mahtanil la yac'.

2 Crónicas 35:7

Te Josías la ya'be spisil mach'atic tey ayic a oxpic soc ho'lajunbahc' (30,000) ta coht tuminchijetic soc tentsunetic yu'un te Q'uin Pascua, soc j'ohlil swaxacbahc' (3,000) torohetic. Spisil talem ta sq'uinal te ajwalil.

Éxodo 12:2

Te u ini ha bayel sc'oblal ya xc'oht awu'unic; ha shahchibal u ya xc'oht yu'un te ha'bile.

Éxodo 12:21

Te Moisés la stsob tal spisil te mamaletic yu'un Israel, hich la yalbe: Bahan, tsahahic jcolel tuminchij ta jujun anahic, milahic te tuminchij scuenta pascua.

Éxodo 12:4

Pero teme mayuc tsobol yajwal te jchahp na te ma xlaj sti'belic te jcolel tuminchij, ya me sjoquinic te spat-xuhc, chican te jaytuhlic ayic ta nahinel tey a. Yac apucticlanic te tuminchij chican te hich yipal ya xlaj sti'belic ta jujutuhl.

Éxodo 12:6

Ya me acanantayic ha to c'alal ta schanlajunebal (14) c'ahc'al te u ini, ha yorahil a te spisil te pueblo Israel ya smilic te chambahlam ta stibiltayel q'uinal.

Éxodo 14:15

Ha yu'un te Jehová la yalbe te Moisés: ¿Bin yu'un yac awawtaybelon? Halbeya te snich'nab Israel te ac'a behenicuc.

Éxodo 20:19

Ha yu'un hich la yalbeyic te Moisés: Ha'at yac ac'oponotcotic, ya me ca'iycotic; pero ma me ha'uc ya sc'oponotcotic te Diose, scuenta yu'un ma ba ya xlajotcotic a, xchihic.

Éxodo 4:30

Te Aarón la yalbe ya'iyic spisil te bintic halbot yu'un Jehová te Moisés, soc la spas te jchahp a'teliletic ta stojol te pueblo.

Éxodo 6:6

Ha yu'un hich me xawalbe te snich'nab Israel: Ho'on Jehovahon; ya jcoltayex loq'uel ta tulan a'tel ta Egipto; ya caq'uex ta libre yu'un te mosohil, soc ya jloq'uesex ta scuenta yu'el jc'ab soc ta scuenta tulan castigo.

Ezequiel 40:1

Ta yo'ebal scha'winic (25) ha'bil te ayotic ta chuquel a, ta shahchel te ha'bil, ta slajunebal c'ahc'al yu'un te u, ta schanlajunebal (14) ha'bil a te tsalot te muc'ul pueblo, ha nix ta sc'ahc'alel a te la yac' tal sc'ab ta jtojol te Jehová, la yic'on bahel tey a.

Levítico 1:2

Halbeya te snich'nab Israel: Teme ay mach'a ya ya'be smahtan te Jehová, ya xhu' ya yac' wacax, tuminchij o tentsun.

Levítico 5:6

soc ya me yic' tal ta stojol Jehová jcoht yantsilel tuminchij o tentsun scuenta mahtanil yu'un stojel smul te stahoje. Hich te sacerdote ya spasbe te stojel smul te stahoje.

Números 15:11

Hich ya yich' pasbeyel te jujucoht toro, tat tuminchij, jcolel tuminchij, o tentsun.

San Juan 1:29

Ta schebal c'ahc'al te Juan la yil yac ta talel te Jesús, hich la yal: ¡Ha te Jcolel Tuminchij yu'un Dios te ya sch'aybe smul mach'atic ayic ta bahlumilal!

San Juan 1:36

C'alal la yil te Juan te tey yac ta behel a te Jesús, hich la yal: ¡Ilawil te Jcolel Tuminchij yu'un Dios! xchi.

San Juan 12:1

Waqueb c'ahc'al ma to sta yorahil Q'uin Pascua a, te Jesús baht ta Betania ta banti ay te Lázaro, ha te mach'a cham soc te cha'cuxajtesot tal ta yohlil chamen winiquetic.

San Juan 12:12

Ta schebal c'ahc'al tsobol mach'atic talemic ta il-q'uin, c'alal la ya'iyic te c'ohelix ta Jerusalén te Jesús,

1 Corintios 5:7

Loq'uesa te poco' levadura scuenta yu'un yach'il harina ya xc'ohex te mayuc levadura yich'oj, hich te bin ut'il ayexe. Como te Pascua cu'untic, ha te Cristo, yich'ojix milel ta jcuentatic.

Josué 7:14

Pajel ya me xnohpojex tal ta jujuchahp; te jchahp te ya stsa Jehová ya me xnohpoj tal te jujuchahp na; te jchahp na te ya stsa Jehová ya me xnohpoj tal te jujuchahp sme'stat; te jchahp sme'stat te ya stsa Jehová ya me xnohpoj tal te jujutuhl winic.

Apocalipsis 13:8

Spisil mach'atic nahinemic ta bahlumilal la sch'uhuntayic, spisil te mach'atic ma ba ts'ihbabil sbihilic te ma to ba pasbil a te bahlumilal ta libro scuenta cuxlejal yu'un te Jcolel Tuminchij te yich'oj milel.

1 Samuel 7:9

Te Samuel la stsac jcoht alal-tuminchij te ya to schu'un, la ya'be scuenta scohtol chic'bil smahtan te Jehová; soc awon ta stojol Jehová ta scuenta Israel; a'iybot sc'op yu'un Jehová.