Éxodo 12:21 - Bible in Tzeltal Bachajón

²¹ Te Moisés la stsob tal spisil te mamaletic yu'un Israel, hich la yalbe: Bahan, tsahahic jcolel tuminchij ta jujun anahic, milahic te tuminchij scuenta pascua.

Bible in Tzeltal de Oxchuc y Tenejapa

²¹ Te Moisés la sticun ta iq'uel spisil te mamaletic ich'bilic ta muc' yu'un Israel. Jich la yalbey: —Tsacaic jcojt' chij o tentsun, juju-jcojt' ta swenta juju-jchajp na. Milaic, ya xtuun yu'un te ya yich' pasel a te Pascua.

Éxodo 12:21 Iomraidhean Croise

2 Reyes 23:21

Te ajwalil hich la spas ta mandar spisil te pueblo: Pasahic te Q'uin Pascua yu'un Jehová te Dios awu'unic, hich te bin ut'il ts'ihbabil ta libro yu'un te chapbil-c'op ini, xchi.

Esdras 6:20

Te sacerdotehetic soc te levitahetic slecubtesejix sbahic ta junax, spisilic lecubtesbilic a. Te levitahetic la smilic te tuminchijetic yu'un te Q'uin Pascua yu'un spisil te mach'atic suhtemic tal ta chuquel, soc yu'un te smohlolic ta sacerdotehil, soc nix la smilic scuenta yu'unic.

Éxodo 12:11

Hich yac awe'ic: achucojix ach'uhtic soc alapojix atepic soc atsacojix anahbate'ic a; ora nax me xawe'ic. Ha te Pascua yu'un Jehová.

Éxodo 12:20

Ma me xawe'ic te bin yich'oj levadura; ta bayuc banti ya xnahinex ya me awe'ic pan te ma ba yich'oj levadura, xchi te Jehová.

Éxodo 12:3

C'opona spisil te pueblo Israel, hich me xawalbe: Ta slajunebal c'ahc'al yu'un te u ini, jujutuhl ya stsac jcoht jcolel tuminchij, ha chican jaytuhl te mach'atic ay yu'un ta sna, jujucoht ta jujun na.

Éxodo 17:5

Te Jehová la yalbe te Moisés: C'axan bahel ta stojol te pueblo soc ic'a bahel sjoquinat cha'oxtuhl te mamaletic yu'un Israel, soc ich'a bahel te anahbate' te la amaj a te muc'ul-ha'.

Éxodo 19:7

Ha yu'un suht cohel te Moisés, la yic' tal te mamaletic yu'un te pueblo soc la ya'be sna'ic spisil te c'op ini te pasot ta mandar yu'un te Jehová.

Éxodo 3:16

Bahan, tsoba te mamaletic yu'un Israel soc halbeya: Te Jehová te Dios yu'un ame'atatic, te Dios yu'un Abraham, Isaac, soc Jacob la yac' sba ta ilel ta jtojol, hich la yalbon: Ta mero melel la jquilexix soc la jquilix te bin ya xpasbotex ta Egipto.

Números 11:16

Ha yu'un te Jehová hich la yalbe te Moisés: Tsobon lajuneb schanwinic (70) ta tuhl winiquetic ta yohlil te mamaletic yu'un Israel te ana'oj te ha mamaletic yu'un te pueblo soc príncipaletic yu'unic; ic'a tal ta Nahilpac' Templo yu'un tahojibal, ac'a sjoquinat ta mahlab tey a.

1 Corintios 10:4

soc pajal la yuch'ic te ha' scuenta espíritu; como la yuch'be ya'lel te muc'ul ton scuenta espíritu te joquimbilic yu'une. Te muc'ul ton ha te Cristo.

Hebreos 11:28

Ta scuenta sch'uhunel yo'tan la spas te Q'uin Pascua soc la stsihtsin ta ch'ich' te puertahetic, scuenta yu'un ma ba ya xtahotic yu'un te mach'a ya smil te ba-alaletique.

Josué 5:10

Te c'alal ayiquix ta campamento ta Gilgal a te snich'nab Israel la spasic te Q'uin Pascua ta schanlajunebal (14) c'ahc'al yu'un te u, ta stibiltayel q'uinal, ta spamlej yu'un Jericó.