Éxodo 11:8 - Bible in Tzeltal Bachajón

⁸ Spisil te a'batetic awu'un ya me xtal squejan sbahic ta jtojol, hich me ya yalbonic: Bahan me, ha'at soc spisil te pueblo te ay ta acuenta, ya me yutonic. Patil ya xloc'on bahel, xchi. Hich bayel ilinem a loc' bahel ta stojol faraón te Moisés.

Bible in Tzeltal de Oxchuc y Tenejapa

⁸ Te ajo'tac ta ajwalile ya laj me xtal squejan sbaic ta jtojol ta sc'anel te ya quic' loq'uel ta ora spisil te jlumale. Ja' to me ya xboon abi —xi' te Moisese. Bayal ilinem loq'uel Moisés ta stojol faraón.

Éxodo 11:8 Iomraidhean Croise

1 Reyes 20:10

Te Ben-adad la sticombe xan ta halbeyel: Ac'a ya'bon tulan castigo te diosetic, teme tic' ya xhil a te sts'ubil Samaria te ya yich'ic johpuc jujutuhl te st'unojonic, xchi.

2 Reyes 3:9

Hich loq'uic bahel te ajwaliletic yu'un Israel, yu'un Judá soc yu'un Edom. Te bin ut'il la sc'an te ya sjoybetayic te jochol taquin q'uinal huqueb c'ahc'al, laj te ha' yu'un ya yuch'ic te soldadohetic soc te ha' yu'un te chambahlametic yu'unique.

Nehemías 5:6

Bayel ilinon yu'un te c'alal la jca'iybe te sc'opic soc te yawique.

Salmos 6:1

Jehová, ma me socuc awilimba yac awuton, ma me socuc sc'ahc'al awo'tan yac awa'bon castigo.

Éxodo 10:29

Hich la sjac' te Moisés: ¡Lec te bin la awal! Ma ba ya quilbatix xan asit awelaw, xchi.

Isaías 49:23

Te ajwaliletic hich ya xc'ohtic te bin ut'il atatic, soc te ajwalil-antsetic yu'unic ha jcanan-alal ya xc'oht awu'unic. Ya me spahcan sbahic ta lum ta atojolic, soc ya me sleq'uic te stanul awoquic. Hich yac ana'ic a te ho'on Jehovahon; soc ma ba ya xq'uexawic te mach'atic smuc'ulinejon yo'tanic, xchi te Jehová.

Isaías 49:26

Te mach'atic la yuts'inat ya cac' te ha nix ya sti' te sbaq'uetalic, soc hich ya xyacubic yu'un te sch'ich'elic te bin ut'il vino. Hich me ya sna'ic spisilic te ho'on Jehovahon, Jcoltaywanejon awu'un soc J'ac'awon ta libre awu'un, te Mach'a yu'un Jacob te ay yip.

Ezequiel 3:14

Te espíritu la slicon hahchel, la yic'on bahel; pich'il co'tan soc ilin co'tan bahel, tulan stsacojon a te sc'ab Jehová.

Daniel 3:19

Hich te Nabucodonosor bayel ilin, yanij sit yelaw ta stojol te Sadrac, Mesac soc Abed-nego, la yal mandar te ya yich' xan q'uixnayel huqueb buelta te sc'ahc'al te horno te c'ahyemic ta spasele.

Números 12:3

Te winic Moisés mero peq'uel yo'tan ta winiquil, c'ax hich a te bin ut'il spisil winiquetic ayic ta bahlumilal.

San Marcos 3:5

Ilinem a te Jesús la yilticlan ta sjoyobal, la smel yo'tan ta scaj te tulan yo'tanic, hich la yalbe te winique: Xach'a ac'ab, la yut. Hich la xach' sc'ab, lecub te sc'abe.

Deuteronomio 29:24

Spisil te nacionetic hich me ya yalic: ¿Bin yu'un te hich pasbot yu'un Jehová te q'uinal ini? ¿Bin scuentahil te tihl hahchel te tulan ilimba ini? xchihic.

Deuteronomio 32:24

Ya xlajic yu'un wi'nal, ya xlajinotic yu'un tulan c'ahc' soc jmilawal-chamel; soc ya jticon sbaquel ye jti'awal chambahlametic ta stojolic, soc veneno yu'un chanetic ayic ta q'uinal.

Hebreos 11:27

Ta scuenta sch'uhunel yo'tan la yihquitay hilel te Egipto, ma ba la xi' te yilimba te ajwalil, como la yich' yip yo'tan yu'un te yac yilbel ya'iyel te Mach'a ma chicanuc ta ilele.

Apocalipsis 3:9

Te mach'atic ta sinagoga yu'un Satanás, te ha judío ta sc'opic, pero ma ha'uc, ya me cac' taluc squejan sbahic ta ye'tal awoc soc ya me sna'ic te c'ux la jca'iyat ta co'tane.

Jueces 4:10

Te Barac tey la stsob tal te jchahp yu'un Zabulón soc yu'un Neftalí. Mo bahel soc te jpic soc ho'bahc' (10,000) ta tuhl winiquetic te ayic ta scuenta, soc joquinot bahel yu'un te Débora.

Jueces 8:5

Hich la yalbe te winiquetic yu'un Sucot: Awocoluc, a'beyahic jtebuc pan te mach'atic st'unojonic tal, yu'un mero luhbeniquix, te ho'on yacon ta snutsel bahel te Zeba soc Zalmuna, te ajwaliletic yu'un Madián, xchi.