Éxodo 11:4 - Bible in Tzeltal Bachajón

⁴ La yal te Moisés: Hich yaloj te Jehová: Ta ohlil ahc'abal ya xc'axon ta yohlil te Egipto,

Bible in Tzeltal de Oxchuc y Tenejapa

⁴ Te Moisés la yalbey te faraón: —Jich la yal te Cajwale: “Ta olil ajc'ubal ya me xc'axon ta spamal Egipto.

Éxodo 11:4 Iomraidhean Croise

2 Samuel 5:24

Te c'alal yac awa'iybe sc'op ta sni'il te balsamo-te'etic hich te bin ut'il ay mach'atic yac ta behel, hahchan ta ora, como te Jehová ya xnahilij bahel awu'un ta yehchentesel te campamento yu'un te filisteohetic, xchi sc'oblal.

Job 34:20

Jts'ihn nax ya xchamic, ta ohlil ahc'abal; ya yehchentes, ya xch'ayic bahel, te mach'a ay yip ya'tel ma ta scuentahuc c'abal ya yich' loq'uesel.

Salmos 60:10

¿Ma bal ha'ucat, Dios cu'untic, te la ap'ajotcotic soc te ma ba ya xloc'atix bahel soc te soldadohetic cu'uncotique?

Salmos 81:5

Ha la yac' scuenta testigo-c'op ta stojol José te c'alal loc' tal ta sq'uinal Egipto. La jca'iy c'op te ma ba jna'oj, hich la yal:

Éxodo 12:12

Ha nix ta ahc'abal a ya xc'axon ta sq'uinal Egipto soc ya jmil spisil ba-alaletic soc sba-al chambahlametic ta sq'uinal Egipto; soc ya ca'be castigo spisil te diosetic yu'un Egipto. Ho'on Jehovahon.

Éxodo 12:23

Yu'un ya me xc'ax te Jehová ta yehchentesel te egipciohetic. Te c'alal ya yil te ch'ich' ta sjol soc ta smarcohil te ti'nahil ya me sohl bahel ta yahc'olal te ti'nahil, ma ba ya yac' ochel te j'ehchenteswanej ta anahic yu'un ya smilex.

Éxodo 12:29

Ta ohlil ahc'abal te Jehová la yehchentes scuenta lajel spisil te ba-alaletic ta sq'uinal Egipto, te ba-alal yu'un faraón te hucul ta shuctajib c'alal ta ba-alal yu'un te mach'a ay ta cárcel, soc spisil sba-al chambahlametic.

Isaías 42:13

Te Jehová ya xloc' tal hich te bin ut'il soldado, hich te bin ut'il jtuhl winic yu'un guerra ya shachbe xut'et yo'tan; ya stoy sc'op, ya x'awon yu'un guerra, ya stsal te scontrataque.

Amós 4:10

La jticombeyex tal jmilawal-chamel hich te bin ut'il ta Egipto; la jmil ta espada te queremetic awu'unic, chucotic bahel te acawuhic, la jcac' mohuc ta ani'ic stuhil te campamento awu'unic, pero ma ba suhtex tal ta jtojol yu'un, xchi te Jehová.

Amós 5:17

Ay oq'uel ta spisil ts'usubiletic, yu'un ya xc'axon ta awohlil, xchi te Jehová.

Miqueas 2:13

Te mach'a ya sjam te be ya xnahilij bahel yu'unic; ya sjamic bahel te be, ya xc'axic ta yochibal, tey ya xloq'uic bahel a. ¡Ha ya xnahilij bahel te ajwalil yu'unic, soc ha jolal yu'unic te Jehová!

San Mateo 25:6

Ta ohlil ahc'abal ay chicnaj aw: ¡Tal me ix te mach'a ya xnuhpun! ¡La' me, tahahic bahel! xchi ta aw la ya'iyic.