Éxodo 10:7 - Bible in Tzeltal Bachajón

⁷ Ha yu'un te a'batetic yu'un faraón hich la yalbeyic: ¿Ban c'alal ya ya'botic jwocoltic te winic ini? Ac'a bahel te winiquetic scuenta yu'un ya sch'uhuntayic te Jehová te Dios yu'unique. ¿Yu'un bal ma to xana' te jihnemix te Egipto? xchihic.

Bible in Tzeltal de Oxchuc y Tenejapa

⁷ Ja'uc me to, c'opojic te sjo'tac te faraón, jich la yalic: —¿Bi to ora ya yijq'uitayotic ta woclajel te winique? Ac'aix loq'uel te ants-winiquetic, ac'a ba yich'ic ta muc' te Yajwalique. ¿Yu'un bal ma'yuc ta awo'tan te ayic to ta woclajel te yajwal Egipto? —xiic.

Éxodo 10:7 Iomraidhean Croise

Salmos 107:34

te lequil q'uinal ya sc'atp'un ta mayuc bin ya xcol a, ta scaj schopolilic te mach'atic nahinemic tey a.

Éxodo 12:33

Te egipciohetic la sujic loq'uel te pueblo Israel te yacuc xloq'uic bahel ta ora ta sq'uinalic, yu'un hich la yalic: Ya xchamotcotic ta jpisilcotic, xchihic.

Éxodo 23:33

Ma xawac' nahinicuc ta aq'uinal, teme repente ya ya'bat ale amul ta jtojol ta sch'uhunel te diosetic yu'unic, te ha ayacolic ya xc'oht, xchi te Jehová.

Éxodo 7:5

Ya me sna'ic te egipciohetic te ho'on Jehovahon, te c'alal ya hach jc'ab ta stojol Egipto soc ya jloq'ues bahel ta yohlilic te snich'nab Israel, xchi.

Éxodo 8:19

Ha yu'un te j'ilojeletic hich la yalbeyic te faraón: Ha'ix te yal sc'ab Dios ini, xchihic. Pero te faraón tulanub yo'tan, ma ba la ya'iybe sc'opic, hich te bin ut'il la yal te Jehová.

Proverbios 29:6

Te mach'a chopol yo'tan ya xyacot yu'un te schopolile, yan te mach'a toj yo'tan ya xc'ayojin soc stse'elil yo'tan.

Eclesiastés 7:26

La jta te bin c'ax hich sch'ahal a te bin ut'il te lajele: ha te ants te ha yaquil soc ya xchucawan te yo'tan, soc te ha cadenahetic te sc'abe. Te mach'a tse'el yo'tan Dios yu'un, ma ba ya x'och ta sc'ab stuquel, yan te jmulawil ya me xchucot yu'un.

Isaías 14:20

Ma ba pajal yac awich' muquel soc, como la ajin te aq'uinal soc la amilticlan te pueblo awu'une. Te sts'umbalic te mach'atic chopolic ma ba ya xhalbotiquix sbihilic.

Isaías 51:9

¡Hahchan, hahchan, lapa awu'el, ha'at c'abalat yu'un Jehová! Hahchan hich te bin ut'il ta namey, hich te bin ut'il ta cajalcaj ts'umbalil ta namey. ¿Ma bal ha'ucat te la asesen te Rahab, te la alow te dragón?

Jeremías 48:4

Yich'ojix jinel te Moab; la yac' chicnajuc yawic te alaletic yu'unic,

Jeremías 51:8

¡Ora nax yahl te Babilonia soc wuybil c'oht! ¡Oq'uetaya! Ich'ahic tal bálsamo-te' yu'un te sc'uxule, ya wan xlecub yu'un, xchi te Jehová.

Sofonías 1:18

Ta sc'ahc'alel yilimba te Jehová ma ba ya xcoltayotic yu'un te plata o te oro yu'unique; ya xlaj spisil te q'uinal ta sc'ahc'al te xut'et yo'tan, como ora nax jc'axel ya slajin spisil te mach'atic nahinemic ta q'uinal.

1 Corintios 7:35

Hich ya calbeyex scuenta yu'un lec ya xc'ohex yu'un; ma yu'unuc ya jchuquex, pero yu'un stojil ya xcuxajex soc te jun awo'tan yac awac' abahic ta stojol te Cajwaltique.

Josué 23:13

na'ahic me te Jehová te Dios awu'unic ma ba ya sloq'uesbeyexix bahel ta awohlilic te nacionetic ini, hich ya xc'ohtic ta atojolic te bin ut'il lazo, ayacolic, smajojibal apatic soc ch'ix ta asitic, ha to c'alal ya xtup'ex bahel ta lequil q'uinal ini te la ya'beyex Jehová te Dios awu'unique.

1 Samuel 18:21

Hich la yal ta yo'tan te Saúl: Ya ca'be yic', pero ha syacojibal ya xc'oht, yu'un ha ya x'och ta sc'ab te filisteohetic, xchi. Ha yu'un te Saúl la yalbe te David scuenta schebal buelta: Jni'al me ya xc'ohat yo'tic, xchi.

1 Samuel 5:11

Ha yu'un la sticonic ta iq'uel te príncipaletic yu'un te filisteohetic, hich la yalbeyic: Ticonahic bahel te scaxahul te chapbil-c'op yu'un te Dios yu'un Israel, ac'a suhtuc bahel ta banti te lugar yu'un, scuenta yu'un ma ba ya smilotcotic soc te jlumalcotic, xchihic; como ay buen tulan xiwel scuenta lajel ta spisil te pueblo, como tulan yac'oj sc'ab Dios tey a.