Éxodo 10:6 - Bible in Tzeltal Bachajón

⁶ Ya xnoj ta anahic soc ta snahic te a'batetic awu'un soc ta snahic spisil te egipciohetic, te mayuc hich yilojic te ame'atatic soc te antiguo ame'atatic te c'alal chicnajic ta q'uinal c'alal ora, xchi. Hich la sut sba, loc' bahel ta stojol faraón.

Bible in Tzeltal de Oxchuc y Tenejapa

⁶ Ya me snojesbat te amuc'ul palacio soc te snaic te ajo'tac ta ajwalile, soc ta spisil snaic te alumal te ma'yuc bay jich la yilic a te ame'-atatic soc te amamique, te chicnajic tel te namey ja' to ta ora to”, xi' te Diose —xi' te Moisés. C'alal laj yo'tan ta c'op te Moisés, sujt' tel ta ora. Loc' bael ta stojol faraón.

Éxodo 10:6 Iomraidhean Croise

Éxodo 10:11

Ma hichuc; ha nax ac'a bahticuc te winiquetic ta sch'uhuntayel te Jehová, te hich yaquex ta sc'anel, xchi. Hich tenotic loq'uel ta stojol te faraón.

Éxodo 11:6

Ya me xhahch tulan oq'uel ta spahmal sq'uinal Egipto te mayuc hich c'axem ta pasel ta nahilal o ta patil.

Éxodo 11:8

Spisil te a'batetic awu'un ya me xtal squejan sbahic ta jtojol, hich me ya yalbonic: Bahan me, ha'at soc spisil te pueblo te ay ta acuenta, ya me yutonic. Patil ya xloc'on bahel, xchi. Hich bayel ilinem a loc' bahel ta stojol faraón te Moisés.

Éxodo 8:21

Yu'un teme ma xawac' loq'uel te pueblo cu'une, ya jticon tal bayel ta chahp hahetic ta atojol, ta stojol te a'batetic, te pueblo soc ta nahetic awu'un. Spisil te sna egipciohetic ya xnoj ta hahetic, ha nix hich te lumq'uinal banti ayique.

Éxodo 8:3

Te muc'ul-ha' ya xnoj ta xch'uch'etic te ya xmohic tal soc ya x'ochic ta ana soc ta banti ya xwayat, ta snahic te a'batetic soc te pueblo awu'un, ta hornohetic soc ta swots'ojibal pan awu'unic.

Éxodo 9:18

Ta hich ora pajel ya cac' tal bat te mero al te mayuc hich c'axem ta Egipto c'alal shahchibal c'alal ora.

Éxodo 9:24

Tal bat, soc ay c'ahc' capal soc te bat, mero niwac, mayuc hich c'axem ta spahmal sq'uinal Egipto ta shahchibal talel.

Joel 2:2

Ha sc'ahc'alel yihc'al q'uinal soc ahc'abal, sc'ahc'alel tocal soc spimil yihc'al q'uinal. Hich te bin ut'il ya slim bahel ta witsiltic te sacubel q'uinal, hich ya xtal jchahp soldadohetic te c'ax bayelic soc ay yipic; mayuc hich chicnajem ta ilel soc mayuc hich ya xchicnaj ta patil ta bayel ha'bil ta cajalcaj ts'umbalil.

Joel 2:9

Ya yochintayic te pueblo, ya x'ahnimajic ta sba ts'ahc, ya xmohic ta nahnatic, ya x'ochic ta ventana hich te bin ut'il j'eleq'uetic.

Hebreos 11:27

Ta scuenta sch'uhunel yo'tan la yihquitay hilel te Egipto, ma ba la xi' te yilimba te ajwalil, como la yich' yip yo'tan yu'un te yac yilbel ya'iyel te Mach'a ma chicanuc ta ilele.