Éxodo 10:16 - Bible in Tzeltal Bachajón

¹⁶ Ha yu'un te faraón ora la sticon ta iq'uel te Moisés soc Aarón, hich la yalbe: La jta jmul ta stojol Jehová te Dios awu'unic soc ta atojolic.

Bible in Tzeltal de Oxchuc y Tenejapa

¹⁶ Te faraón ora la sticun ta iq'uel te Moisés soc Aarón, jich la yalbey: —La jta jmul ta stojol te Awajwalic te Dios awu'unique, soc ta atojolic.

Éxodo 10:16 Iomraidhean Croise

2 Samuel 19:20

Como ho'on, te a'baton awu'un, jna'oj te jtahoj jmul; pero ho'on nahil talon yu'un spisil te mach'atic ay yu'un José ta stahel bahel te ajwalil cu'une, xchi.

2 Samuel 24:10

Te c'alal laj yo'tan te David ta yahtayel te pueblo, pich'bot yo'tan yu'un, hich la yalbe te Jehová: Mero bayel la jta jmul yu'un te bin la jpas. Ya calbat wocol ta atojol, Jehová, te yacuc apasbe perdón te smul te awa'bate. Scaj jsonsohil te hich la jpase, xchi.

2 Samuel 24:17

C'alal la yil David te ch'ul a'bat te yac ta slajinel te pueblo, hich la yalbe te Jehová: Ho'on la jta jmul, ho'on la jpas te bin chopole. ¿Bin la spasic te ants-winiquetic ini? Ya calbat wocol te ha'uc ya xc'oht ac'ab ta jtojol soc ta stojol te sna te jtate, xchi.

Éxodo 8:25

Ha yu'un te faraón la yic' tal te Moisés soc Aarón, hich la yalbe: Bahan, a'beyahic milbil smahtan te Dios awu'unic li' nix ta q'uinali, xchi.

Éxodo 8:8

Ha yu'un te faraón la sticon ta iq'uel te Moisés soc Aarón, hich la yalbe: C'opona te Jehová te yacuc sloq'ues bahel te xch'uch'etic ta jtojol soc ta stojol te pueblo cu'un, ya cac' loc'uc bahel te pueblo awu'un yu'un ya ya'beyic milbil smahtan te Jehová, xchi.

Éxodo 9:27

Ha yu'un te faraón la sticon ta iq'uel te Moisés soc Aarón, hich la yalbe: Yo'tic la jtahix jmul. Te Jehová ha toj stuquel, yan te ho'on soc te jlumale chopolon soc.

Proverbios 28:13

Te mach'a ya smuc smul, ma xp'ohl te bintic ay yu'un, yan te mach'a ya yal ta jamal smul soc ya yihquitay spasel, ya me sta c'uxultayel.

Números 21:7

Ha yu'un te pueblo talic ta stojol Moisés, hich la yalbeyic: La jta jmulcotic ta scontrac'optayel te Jehová soc te ha'ate. C'ambeya Jehová te yacuc sloq'ues te chanetic, xchihic. Hich te Moisés la sc'opombe Dios te pueblo.

Números 22:34

Ha yu'un te Balaam la yalbe te ch'ul a'bat yu'un Jehová: Jtahoj jmul, ma ba la jna' teme ha'at amacbeyejon jbe. Teme ma ba lec yac awa'iy, ya suhton, xchi.

San Mateo 27:4

hich c'oht yal: La jta jmul yu'un la jcac' ta c'abal te Mach'a mayuc smul, xchi. Pero la yalbeyic: ¿Bin cochelcotic a te ho'otcotique? ¡Ila aba atuquel! la yutic.

1 Samuel 15:24

Te Saúl la yalbe te Samuel: La jta jmul, como la jc'axuntaybe smandar te Jehová soc te ac'ope, ta scaj te la jxi' te pueblo soc la jquich'be ta cuenta te sc'opique.

1 Samuel 15:30

La yal te Saúl: La jta jmul; pero awocoluc, ich'awon ta muc' ta stojol te mamaletic yu'un te pueblo cu'un soc ta stojol Israel, joquinawon bahel scuenta yu'un ya jch'uhuntay te Jehová te Dios awu'un, xchi.

1 Samuel 26:21

Ha yu'un hich la yal te Saúl: Jtahoj jmul; suhtan tal, jnich'an David. Mayuc bin chopol xan ya jpasbat, como yo'tic bayel sc'oblal ta atojol te jcuxlejale. Sonsohon, bayel howiyemon, xchi.