Éxodo 1:11 - Bible in Tzeltal Bachajón

¹¹ Ha yu'un la yac' jpasawetic ta mandar ta stojol te israeletic scuenta yu'un ya ya'beyic swocolic ta tulan a'tel. La spasbeyic pueblohetic yu'un faraón scuenta sq'uejojibal we'elil, ha te Pitón soc Ramesés.

Bible in Tzeltal de Oxchuc y Tenejapa

¹¹ Jich yu'un te egipcioetic la sleic tulan jwolwanejetic, te ya stenic ta tulan at'el te israeletique. La yac'beyic spas cha'pam lum te Pitón soc Ramsés te sbiilique. Yu'un ay ta yo'tan te faraón, te muc' ajwalil xi' c'oem yu'un Egipto, te ja' sq'uejibal te sbiluque.

Éxodo 1:11 Iomraidhean Croise

Génesis 15:13

Hich te Jehová la yalbe te Abram: Na'a me te ya xnahin ats'umbal ta yan q'uinal, ya x'ochic ta mosohil tey a, jbahc' (400) ha'bil ya x'uts'inotic.

Génesis 47:11

Hich te José la yac' nahinuc te stat soc te sbanquiltac ta banti ay te mero lequil q'uinal ta Egipto, ha te q'uinal ta Ramesés, hich te bin ut'il la yal ta mandar te faraón.

1 Reyes 9:19

soc spisil te pueblohetic te banti la sq'uej we'elil, soc te pueblohetic yu'un te carretahetic yu'un guerra soc te jmoheletic ta cawu, soc spisil bintic la sc'an la spas ta Jerusalén, ta Líbano soc ta spisil te q'uinal banti scuentahinej.

2 Crónicas 16:4

Te Ben-adad lec la ya'iy te bin la yal te ajwalil Asa, ha yu'un la sticonlan bahel jtsobaw yu'un soldadohetic ta ya'beyel guerra te pueblohetic yu'un Israel. Hich la stsalticlan Ijón, Dan, Abel-maim soc te pueblohetic yu'un sq'uejojibal we'elil yu'un Neftalí.

2 Crónicas 8:4

Soc la scha'pas te Tadmor ta jochol taquin q'uinal, soc spisil te pueblohetic yu'un sq'uejojibal we'eliletic te la spas ta Hamat.

Salmos 105:13

te c'axic sohlel ta yantic nacionetic, ta stojol yantic ajwaliletic,

Salmos 129:1

Bayel la ya'bonic jwocol c'alal ta jqueremil to, hich ac'a yal te Israel,

Salmos 129:2

bayel la ya'bonic jwocol c'alal ta jqueremil to, pero ma ba la stsalonic.

Salmos 68:13

La amehtsan abahic ta yohlil banti q'uejbil tuminchijetic, hich ya xc'ohex te bin ut'il xic' stsuhmut potsbil ta plata, soc te sc'uc'umal potsbil ta oro.

Salmos 81:6

La jcohtesbatix te awihcats aq'uechoj; colix ac'abic yu'un yalal te moche.

Éxodo 1:14

La ya'beyic swocolic yu'un spasel tulan a'tel ta swots'el ahch'al soc ta spasel adobe, soc ta spasel spisil a'tel ta q'uinal. Ta spisil te ya'telic la stenic ta spasel.

Éxodo 2:11

C'alal muq'uix a te Moisés, ay jun c'ahc'al baht yil te yermanotac. La yil te ayic ta tulan a'tel; soc la yil jtuhl egipcio-winic te yac ta smajel jtuhl hebreo-winic te ha jun sts'umbal soque.

Éxodo 3:7

Patil hich la yal te Jehová: Melel la jquilbeyix swocol te pueblo cu'un te ay ta Egipto, soc la jca'iybeyix yawic yu'un te jsujawetic yu'unic ta a'tel. Ya jna'be yo'bolil sbahic yu'un te swocolique.

Éxodo 5:10

Hich loq'uic bahel te jtsobawetic soc jsujawetic ta a'tel, la yalbeyic te pueblo: Hich la yal te faraón: Ma ba ya ca'beyexix ac.

Éxodo 5:15

Te jsujawetic te ha snich'nab Israel tal yac' spartehic ta stojol faraón, hich la yalbeyic: ¿Bin yu'un te hich yac apasbe te a'batetic awu'une?

Éxodo 5:8

Pero hich nix ts'acal te adobe xawa'beyic spasic te bin ut'il yac spasbelic ta nahil to, ma xawaq'uic pehc'ajuc, como ch'ajic. Ha scuentahil te ya x'awonic: Ya xbaht ca'becotic milbil smahtan te Dios cu'uncotic, te xchihique.

Proverbios 27:4

Te ilimba ya x'uts'inwan, te sc'ahc'al-o'tanil ya xjinawan, pero ¿mach'a ya xcuhch yu'un te ti'ti'o'tantayele?

Números 20:15

ha te bin ut'il te jme'jtatcotic cohic bahel ta Egipto, te tey nahinotcotic bayel ha'bil a, pero te egipciohetic la yuts'inotcotic soc te jme'jtatcotique.

Deuteronomio 26:6

Te egipciohetic la yuts'inotcotic, la ya'botcotic bayel jwocolcotic, la yac' jcuchcotic tulan mosohinel.