Rut 4:5 - Bible in Tzotzil de Chenalhó with Deuterocanon

⁵ Li Booze lic yalbe lec ta jamal: —Na'o me, me laj amanbe yosil li Noemie, tsc'an chavic' noxtoc li Rute, ja' li me'on ants liquem tal ta Moabe, yu'un jech mu x'ul o sts'unubal li anima cuts' calaltique —xut.

Bible in Tzotzil de Chamula

⁵ Va'i un, ti Booze xi jamal laj yale: —Na'o ava'i lec un, mi ta xamanbe yosil ti Noemie, tsots sc'oplal ta xavic' ti Rute, ti jun me'unal moabita antse, yo' jech mu xch'ay yajval ti rextoil yu'un ti animae.

Rut 4:5 Iomraidhean Croise

Génesis 38:8

Li Judae jech laj yalbe li Onane: —Ic'bo yajnil li anima abanquile. Paso jech chac c'u cha'al sc'oplal chapas ta sventa ti vo'ot mu'ilote yu'un jech vo'ot ta aventa ch-ayin smomnich'nab li abanquile —xut.

San Mateo 22:24

—Jchanubtasvanej, li Moisese jech laj yal: ‘Me oy ta xcham jun vinic, me mu'yuc xnich'on chcome, li its'inale ja' ac'o yic'be yajnil li anima sbanquile, yu'un jech mu xch'ay o sts'unubal li banquilale’, xi.

San Lucas 20:28

—Jchanubtasvanej, li Moisese jech la sts'ibabuncutic comel chac li'i: ‘Me oy ta xcham jun vinic, me mu'yuc xnich'on chcome, li its'inale ac'o yic'be yajnil li anima sbanquile, yu'un jech ac'o xq'uextabe sts'unubal li sbanquile’, xi ts'ibabil.

Deuteronomio 25:7

Pero me mu sc'an xic' smu' li vinique, li antse ac'o batuc ta stojol li jchapanvanejetique. Jech ac'o c'ot yalbe: ‘Li jmu'e mu sc'an ti te tsacaluc o sbi li' ta Israel li xchi'il ta voq'uele. Mu sc'an spas li c'usi sc'oplal tspas ta sventa ti ja' jmu'e’, ac'o xiuc.