Rut 4:11 - Bible in Tzotzil de Chenalhó with Deuterocanon

¹¹ Li banquilaletique xchi'uc li boch'otic te oyique jech laj yalic: —Lec oy, vu'un testigo chicomcutic. Li Muc'ul Diose ac'o yac' ti xu' chavic' li Rute; ac'o comuc jech chac c'u cha'al Raquel xchi'uc Lea ti ja' la sliquesic sts'unubal li Israele. Vo'ot lec ich'bil ta muc' chacom li' ta Efrata, xchi'uc oy lec ac'oplal chcom li' ta Belén.

Bible in Tzotzil de Chamula

¹¹ Ti moletique xchi'uc scotol ti c'u yepal joyolique, xi laj staq'uique: —Melel ava'uc unbi, rexticouncutic. Ti ants ti ta x'och ta anae, ¡ac'o sva'an sba ti Dios ta stojole jech c'u cha'al c'ot ta stojol ti Raquele xchi'uc ti Leae, ti jcotoltic lic talel jts'unubaltic yu'unic ti vo'otic ti israelotique! Ti vo'ote ja'uc junuc vinicot ti caj tsacal xava'i aba li' ta Efratae, ti ja'uc junuc vinicot ti ich'bilucot ta muc' li' ta Belene.

Rut 4:11 Iomraidhean Croise

Génesis 23:10

Li Efrón liquem ta Hete te oy ec. C'alal jech laj ya'ye, tsots la sc'opan li Abrahame, yu'un ac'o ya'yic scotol li xchi'iltaque xchi'uc li boch'otic te chjelovic batel ta ti'coralton yu'un lume.

Génesis 24:60

Laj yalbeic ti ac'o ac'batuc li Rebecae, jech laj yalbeic: “Li vo'ote, tseb, ac'o c'otuc ta pasel ti ep ta millón chbat avalabe. Li ayal'alabtaque ac'o vu'uc yu'unic stsalel li yajcontraique”, xutic.

Génesis 29:16

Li Labane oy chib stsebetic: li vixile Lea sbi; li muquile Raquel sbi.

Génesis 29:25

Ta yoc'omal laj yil Jacob ti ja' la xchi'in ta vayel li Leae, jech laj yalbe li Labane: —¿C'usi smelol ti jech laj apasbune? ¿C'u yu'un ti laj alo'laune? ¿Me mu ja'uc li'abtej vucub jabil avu'un ta sventa li Raquele? —xut.

Génesis 29:32

Li Leae lic xchi'in yol, jech ivoc' jun squerem. Rubén laj yac'beic sbi yu'un jech laj yal: “Li Muc'ul Diose laj yil ti chcat co'ntone, ja' yu'un li' ta orae xu' chlic sc'anun li jmalale”, xi.

Génesis 35:23

Li yalabtac Leae ja' Rubén sbi li banquilale; ja'o ital Simeón, Leví, Judá, Isacar, xchi'uc Zabulón.

Génesis 35:24

Li yalabtac Raquele ja' José xchi'uc Benjamín.

1 Reyes 21:8

Li antse ta ora la spas cartaetic ta sbi li Acabe; laj yac'be lec sello yu'un li ajvalile. La stacbe batel li moletic, xchi'uc li banquilaletic te ta lum yo' bu nacal li Nabote.

1 Crónicas 2:51

xchi'uc Salma stot Belén, xchi'uc Haref stot Bet-gader.

Salmos 132:6

Laj ca'itic ti te oy ta Efrata li xcaxail smantal Diose; te la jtatic ta yosilal Jaar.

Proverbios 14:1

Li bijil antse ta sq'uel lec c'u x'elan chbat te ta sna; yan li bol antse ja' no'ox ta soques li snae.

Proverbios 31:23

Li smalale lec ich'bil ta muc' te ta slumal, xchi'uc te chchi'in ta chotlej li banquilaletic ta lume.

Jeremías 32:10

La jpasbe lec svunal, laj cac'be lec sello; laj yac' sfirmaic noxtoc li testigoetique, xchi'uc lec ts'acal la jtoj ti c'u yepal stojol tsc'ane.

Miqueas 5:2

Vo'ot, Belén Efrata, biq'uitot ta scotol li jaychop sts'unubal Judae, pero ja' te ta xloc' ta atojol li Ajvalil yu'un Israele. Vo'one ono'ox sliquel tal sts'unubal.

San Mateo 2:6

‘Vo'ot Belén, te ta yosilal Judá; mu'yuc biq'uitot ta stojol li muc'tic lumetic ta Judae. Yu'un ja' te ta xloc' ta atojol jun Ajvalil; ja' ta xlic sventainoxuc vo'oxuc li israeloxuque’, xi ono'ox li Diose —xiic li paleetique.

Deuteronomio 25:7

Pero me mu sc'an xic' smu' li vinique, li antse ac'o batuc ta stojol li jchapanvanejetique. Jech ac'o c'ot yalbe: ‘Li jmu'e mu sc'an ti te tsacaluc o sbi li' ta Israel li xchi'il ta voq'uele. Mu sc'an spas li c'usi sc'oplal tspas ta sventa ti ja' jmu'e’, ac'o xiuc.

Deuteronomio 25:9

li antse ac'o nopajuc tal ta sts'el li smu'e. Te ta sat banquilaletic ac'o sloc'be xonob li smu'e, xchi'uc ac'o stubtabe sat. Jech ac'o yalbe: ‘Ja' jech tsc'an chich' pasbel li vinic ti mu sc'an ac'o ayinuc sts'unubal li xchi'il ta voq'uele’, ac'o yut.

Rut 1:2

Li vinique ja' Elimelec sbi. Li yajnile ja' Noemí sbi. Yan li xnich'nabe ja' Mahlón xchi'uc Quelión sbiic. Ja' efrataetic, liquemic ta Belén ta yosilal Judá. C'alal ic'otic ta Moabe, te inaquiic o.