Rut 4:10 - Bible in Tzotzil de Chenalhó with Deuterocanon

¹⁰ xchi'uc ti li' chquic' li Rute, ja' li me'on ants liquem tal ta Moabe, yu'un jech li' oy o sbi ta yosil li Mahlone, ja' li anima smalale. Jech mu xtu'p o sts'unubal li' ta jtojoltic li Mahlone, xchi'uc jech mu xch'ay o ta alel li' ta jlumaltic. Ja' yu'un vo'oxuc testigo chacomic cu'un —xut.

Bible in Tzotzil de Chamula

¹⁰ Rexticooxuc xtoc ti ta xquic' ti Rut ti me'unal moabita antse yo' jech mu xch'ay sc'oplal ti Mahlón ta rextoil ti anima smalale. Ja' jech xtoc, mu xtub o sc'oplal ti Mahlón ta stojol ti anitilulique. Mi ja'uc ta xch'ay ta o'ntonal ti li' ta jteclume. Rexticooxuc ti c'ac'al avie.

Rut 4:10 Iomraidhean Croise

Génesis 29:27

Ac'o ts'aquiuc avu'un li jun xemuna q'uin sventa chanupin achi'uc li vixile, jech xu' chacac'bot noxtoc li Raquel me ta jchapantic cha'abtej to yan vucub jabile —xi.

Génesis 38:9

Pero li Onane la sna' ti mu ja'uc yu'un chc'ot me ivoc' li xnich'nabe. Jech c'alal ta xchi'in sbaic jujun velta xchi'uc li yajnil anima sbanquile, la snop lec c'u x'elan mu xna'p xch'ut yu'un. Yu'un mu sc'an ti ja' ta sventa ch-ayin smomnich'nab li anima sbanquile.

Salmos 109:15

Te ac'o t'abaluc o ta yo'nton li Muc'ul Diose, ac'o stu'pbe o sc'oplal ta banamil.

Salmos 34:16

Yan li boch'o chopol c'usi tspasique ja' chopol ch-ilatic yu'un li Muc'ul Diose, yu'un jech ac'o ch'ayuc o sc'oplalic ta banamil.

Proverbios 18:22

Li boch'o sta yajnile ja' xa la sta li c'usi leque; ja' svinajeb ti c'uxubinbil yu'un Muc'ul Diose.

Proverbios 19:14

Li jnatic xchi'uc c'usi oy cu'untique, ta sventa jtot jme'tic ta jtatic; yan li bijil ants ta jtatic ta iq'uele ja' chijyac'butic li Muc'ul Diose.

Isaías 48:19

Jech i'epaj batel amomnich'nab jech chac c'u cha'al yi'tic; ep iloc' aq'uelum jech chac c'u cha'al epal yi' ta nab ti jechuque. Mu'yuc bu ta jc'an ta jtu'p abi; mu'yuc ta jc'an chajloq'uesot ta jtojol ti jechuque”, xi li Diose.

Oseas 12:12

Li Jacobe ijatov batel ta Aram; li Israele tsots c'ot abtejuc te. I'och ta jchabichij sventa la stoj yajnil.

Oseas 3:2

Jech la jman ta vo'lajunsep (15) saquil taq'uin, xchi'uc oxib ciento xchi'uc lajuneb xcha'vinic (330) anmul cebada.

Zacarías 13:2

Ta sc'ac'alil le'e ta jloq'uesbe scotol li c'usitic scuyoj ta sdiosic ta scotol yosilalique, jech mu'yuc xa boch'o tsna' o. Jech noxtoc li j'alc'opetic yu'unic xchi'uc li pucuj ti tsoquesvane ta jip loq'uel ta yosilalic.

Malaquías 2:14

Pero li vo'oxuque jech chavalic: “¿C'u yu'un?”, xachiic. Yu'un li Muc'ul Diose ja' testigo stuc avu'unic achi'uc li avajnil ta aqueremalic ti laj amacbe satique, yu'un muc xc'ot ta pasel avu'unic ti laj avalic ta stojol ti ja' mero avajnilic oe.

Efesios 5:25

Viniquetic, c'ano me avajnilic jech chac c'u cha'al sc'anoj steclumal li Cristoe, yu'un laj yac' sba ta milel ta scoj.

Deuteronomio 25:6

C'alal me ivoc' sba yolique, ja' ac'o yac'be sbiinbe sbi li anima sbanquil, o me yits'ine, yu'un jech mu xch'ay o sbi te ta atojolic boch'o chcham, vo'oxuc li israeloxuque.

Hebreos 13:4

Ich'ic me ta muc' acotolic li nupinele. Mu me xasoquesic ta sventa mulivajel li nupinele. Yu'un li boch'o chmulivajic, ti tsc'opan sbaique ta ono'ox xich'ic chapanbel smulic yu'un Dios.

Josué 7:9

Me laj ya'yic scotol li canaanetic li'i xchi'uc li yan jnaclumetic li' ta banamile, xu' ta xtal yulesuncutic o jcotolcutic. J'ech'el chtu'p o jc'oplalcutic li' ta banamil. ¿C'usi chc'ot ta pasel ta sventa ti vinajem ac'oplal ech'em amuc'ule? —xut.

Rut 4:9

Li Booze jech laj yalbe li banquilaletique xchi'uc li boch'otic te oyique: —Vo'oxuc testigooxuc cu'un ti li' ta jmanbe Noemí li yosil Elimelec, Quelión, xchi'uc Mahlone,