Rut 2:6 - Bible in Tzotzil de Chenalhó with Deuterocanon

⁶ Itac'ov li capurale: —Ja' Moab tseb yic'oj tal li Noemie.

Bible in Tzotzil de Chamula

⁶ Ti jq'uel-j'abtele xi laj staq'ue: —Ja' jun moabita ti xchi'inoj talel ta Moab ti Noemie.

Rut 2:6 Iomraidhean Croise

Génesis 15:2

Li Abrame jech la stac': —Cajval, Muc'ul Dios, ¿c'usi chtun o cu'un li jmoton chavac'bune yu'un lec xana' ti mu'yuc jnich'one? Ta sventa ti mu'yuc avac'ojbun junuc jnich'one, scotol li c'usitic oy cu'une ja' ta xich' comel li jun jmozo Eliezer liquem tal ta Damascoe —xut.

Génesis 24:2

Oy jun smozo ti ven mol xae; ja' yac'ojbe sventain scotol li c'usitic oy yu'une. Jech laj yalbe: —Ac'o ac'ob li' ta yolon co'e.

Génesis 39:4

Jech lec i'ilat yu'un yajval li Josee. Li Potifare la stic' ta scoltaubbail ta abtel stuc li Josee, xchi'uc la stic' ta jchabina yu'un. Ja' laj yac'be sventain scotol li c'usitic oy yu'une.

San Mateo 20:8

“C'alal yu'un xa'ox chch'ay c'ac'ale, jech laj yalbe yaj'abtel li ajvalile: ‘Ic'o tal scotol li jvinictac ta abtele; ac'bo stojolic. Ja' ba'yuc xavac'be stojol li boch'otic ts'acal ivulique, xquechet xatoj batel; ja' ta slajeb ac'o c'otuc li boch'otic ba'yuc ivule’, xut.

San Mateo 24:45

“¿Me ja' jechoxuc jech chac c'u cha'al jun j'abtel ti jun yo'nton ta x'abtej ta stojol yajvale, ti lec bije, ti ja' ta x'ac'bat yabtel yu'un ta smac'lin xchi'iltac ta abtel ti c'alal yorail ta xve'ique?

Rut 1:16

Itac'ov li Rute: —Mu xatacun sutel, yu'un ta jc'an chbat jchi'inot. Ti bu chabate, te chibat ec; ti bu chanaquie, te chinaqui ec. Li achi'iltac ta alumale ja' jchi'iltac chc'ot ec; li Dios avu'une ja' Dios cu'un ec.

Rut 1:19

Jech te ibatic xchibalic; te ic'otic ta Belén. C'alal ic'otic ta Belene, li yajvaltac lume labal laj ya'yic. Jech laj yalic li antsetique: —¿Me mu ja'uc Noemí le'e? —xiic.

Rut 1:22

Ja' jech isut tal li Noemie xchi'uc li yalib Rute, ja' li Moab antse. Ja' la scomtsanic o li yosilal moabetique; te ic'otic ta Belén ta yorail chich' tuch'el cebada.

Rut 2:5

Li Booze jech lic sjac'be li scapurale: —¿Boch'o tsebal le'e? —xut.

Rut 2:7

Jech vul yal: ‘Avocoluc ac'bun jtsob ec li trigo bu chcom ta tuch'el yu'unic jtuch' trigoetique’, xi. Jech te lic stsob. Sob lic sjapu, yoquel to sbats'il o; me jutuc mu'yuc bu chcux —xi li capurale.