Rut 2:12 - Bible in Tzotzil de Chenalhó with Deuterocanon

¹² Muc'ul Dios chayac'bot atojol ti jech laj apase. Li Muc'ul Diose, ja' li Dios yu'un Israel ti laj asa' sventa chascoltaote, ja' chayac'bot amoton ta sventa scotol li c'usitic laj apase —xut.

Bible in Tzotzil de Chamula

¹² Scotol ti c'usi lec laj apas talele, Dios, ac'o xa xq'uextabot sutel. Ac'o xayac'bot amoton ti Ajvalil ti ja' Dios yu'un ti Israele, ti laj asa' apojel ta stojole.

Rut 2:12 Iomraidhean Croise

Salmos 17:8

Chabiun me jech chac c'u cha'al lec chchabi yuninal sat li cristianoetique; luts'un lec ta yolon axic',

Salmos 19:11

Ja' sventa chibijub o vu'un li avajtunelune; toj lec chibat yu'un me ta jch'une.

Salmos 36:7

Toj jun no'ox yutsil li c'uxubinel avu'une, Dios cu'un, ja' yu'un li cristianoetique te chtal spoj sbaic ta yolon axic'.

Salmos 57:1

Dios cu'un, c'uxubinun me, avocoluc c'uxubinun me, yu'un jch'unoj ti vo'ot no'ox chacoltaune; ta jnac' jba ta yolon axic', ja' to me ijelov scotol li jvocole.

Salmos 58:11

Jech chlic yalic: “Ta melel xloc' venta ti tuc' co'ntontique; ta melel oy jun Dios chchapanbe smul li cristianoetique”, xiic.

Salmos 61:4

Ta jc'an te chinaqui o ta ch'ulna avu'un sbatel osil, jech lec nac'alun o ta yolon axic' chic'ot.

Salmos 63:7

Yu'un vo'ot laj acoltaun; toj xcuxet no'ox co'nton, yu'un amacojun ta yolon axic' ya'yel.

Salmos 91:4

Ja' chasmacot ta sc'uc'umal, jech jun avo'nton lec nac'alot o ta yolon xic'. Ja' amac c'otem ti lec jun yo'nton o ta atojole.

Proverbios 11:18

Li boch'o chopole chopol stojol chich'; yan li boch'o lec c'usi tsts'une toj lec smoton chich'.

Proverbios 23:18

Jech jbel sc'oplal chata li c'usi chamalae; li c'usi sc'oplal chatae ta persa chc'ot ta pasel.

Jeremías 31:16

Pero li Muc'ul Diose jech chalbe: “Raquel, mu epuc xa'oc'; mu loq'uel xamal ya'lel asat, yu'un li avocole chavich'be stojol, li avalabtaque ta to sutic tal te ta slumal li yajcontraique.

San Mateo 23:37

“¡Jerusalén, Jerusalén, vo'ot ti atalel o chamil li yaj'alc'optac Diose, ti chavac'be ton li boch'otic tacbilic tal yu'un Dios li' ta atojole! Pero ep xa velta ta jc'an ta jtsob jnaclumetic avu'un jech chac c'u cha'al ta stsob yol ta yolon xic' jcot me'caxan, pero muc xac'anic.

San Mateo 5:12

Cuxetuc no'ox avo'ntonic yu'un. Yu'un chc'ot ata ep amotonic te ta vinajel. Yu'un jech ono'ox laj yich'ic uts'intael ec li yaj'alc'optac Dios ti ba'yuc ijelov avu'unique.

San Mateo 6:1

Jech to laj yal li Jesuse: “Q'uelo me abaic ti c'alal chapasic c'usi tsc'an Diose. Mu me xapasic ta sventa yu'un chac'anic ti ac'o lec yiloxuc li cristianoetique. Me jech chapasique, mu'yuc chayac'boxuc amotonic li Jtotic Dios ta vinajele.

San Lucas 6:35

Li vo'oxuque tsc'an chac'anic li avajcontraique. Pasic c'usi lec. Ac'o ta q'uexel c'usi oy avu'unic, ac'o me mu'yuc c'usi chataic, jech cha'ac'bat ep amotonic ta vinajel. Jech chvinaj ti vo'oxuc xnich'naboxuc Diose. Yu'un li Diose ja' jech slequil yo'nton ta stojol li boch'otic mu sna' stojic ta vocole, ti chopol yo'ntonique.

Colosenses 2:18

Mu me xavich'ic ta muc' c'usi chayalboxuc li boch'otic biq'uit chac' sbaic yilele, ti chich'ic ta muc' li j'almantaletique, xchi'uc ti chalic oy c'usi chil ta xvayechique, ti ja' no'ox batem ta yo'nton tstoy sbaic ta sventa no'ox sbec'talique.

2 Timoteo 1:18

Ac'o c'uxubinatuc yu'un Cajvaltic c'alal me la sta sc'ac'alile. Li vo'ote ana'oj lec ti ep la scoltaun te ta Efesoe.

2 Timoteo 4:8

Te xa nac'bil li jcorona ta sventa ti ivu' cu'une. Ja' chiyac'bun li Cajvaltique, ja' li tuq'uil Jchapanvaneje. Ja'o ta xac'bun c'alal me la sta sc'ac'alile. Mu jtucuc no'ox ti chi'ac'bat jmotone; ta x'ac'batic ec li boch'o scotol yo'nton smalaojic ta sut tal li Cajvaltique.

Hebreos 11:26

Yu'un la sna' ti ja' epal c'ulejalil chc'ot yu'un li vocol chich' ta sventa Cristoe, ti ja' mu sta jech yepal chc'ot li sc'ulejal egiptoetique. Yu'un ja' te batem sat yo' bu oy li smoton chc'ot yich'e.

Hebreos 11:6

Yu'un me mu'yuc xch'unojel co'ntontique, mu xu' lec chijyilutic li Diose. Yu'un li boch'o chtal ta stojol Diose persa chch'un ti oy li Diose, xchi'uc ti ch-ac'bat smoton li boch'o ta sa'e.

Hebreos 6:10

Yu'un li Diose tuc' c'usi tspas. Mu xch'ay ta yo'nton ti lec avabtelique, ti chac'uxubinvanique, yu'un laj xa acoltaic li boch'otic voc'bilic yu'une, xchi'uc ti jech avo'nton chapasic o batele.

Rut 1:16

Itac'ov li Rute: —Mu xatacun sutel, yu'un ta jc'an chbat jchi'inot. Ti bu chabate, te chibat ec; ti bu chanaquie, te chinaqui ec. Li achi'iltac ta alumale ja' jchi'iltac chc'ot ec; li Dios avu'une ja' Dios cu'un ec.

Rut 2:11

Itac'ov li Booze: —Yu'un la jna' scotol c'usi lec laj apas ta stojol ame'el'alib Noemí ti c'alal chamen xa'ox li smalale. Ja' laj acomtsan li atot ame' bu lavoq'ue; li' latal ta yan lum ti mu xavotquine.

Rut 2:13

Itac'ov li Rute: —Toj lec avo'nton ta jtojol. Scotol li c'usi laj avalbune, lec chpat co'nton yu'un. Lec ac'anojun, ac'o me muc vu'cun aquiaraun —xi.

Rut 4:15

Ja' chaspatbot avo'nton xchi'uc chascoltaot ti c'alal me'elot xae. Yu'un ja' yol avalib ti lec sc'anojote, ti toj ven bal laj ava'ay jech chac c'u cha'al vucub queremetique —xutic.

1 Samuel 24:19

Ta melel mu'yuc boch'o jech tspas ti cuxul, ti lec tsut yu'un yajcontra me la snup ta bee. Muc'ul Dios chastojot, chayac'bot c'usitic lec ta sventa ti lec c'usi laj apasbun eq'ue.

1 Samuel 24:20

Li' ta orae laj xa jna' ti vo'ot chlic ochan ta ajvalilale, xchi'uc ti vo'ot ta aventa lec chbat scotol li jchi'iltactic ta israelale.