Rut 1:5 - Bible in Tzotzil de Chenalhó with Deuterocanon

⁵ ja'o ichamic ec li Mahlón xchi'uc Quelione, jech li Noemie solel stuc xa icom; mu'yuc xa yalab, xchi'uc mu'yuc xa smalal.

Bible in Tzotzil de Chamula

⁵ Cham ti Mahlone xchi'uc ti Quelione, xch'ul tuc xa com ti Noemie, mi ja'uc xa junuc ti squeremtaque, mi ja'uc ti smalale.

Rut 1:5 Iomraidhean Croise

Isaías 49:21

Li vo'ote jech chlic anop: ‘¿Boch'o xnich'nab scotol le'e? yu'un li vu'une mu'yuc ono'ox jnich'nab; chucbilun batel ta yan banamil, jtuc bu oyun batel. ¿Boch'o la sts'ites scotol le'e? yu'un vo'one ictabilun. ¿Bu to'ox oyic scotolic le'e?’, xachi”, xi li Muc'ul Diose.

Jeremías 2:19

Achopolilic no'ox chayac'boxuc atoj amulic; atoyobbailic no'ox chayac'oxuc ta vocol. Nopic me lec, q'uelo lec avilic ti toj chopol, ti acomtsanojicun vu'un li Muc'ul Diosun avu'unique, ti muc xavich'icun ta muq'ue. Jech chcal jtuc vu'un li Muc'ul Diosune, vu'un li Diosun ti ta jpas ta mantal scotol te ta vinajele.

San Lucas 7:12

C'alal nopol xa'ox x'ech'ic batel ta ti'coralton yu'un lume, laj yil te xq'uechojic loq'uel tal jun anima, yu'un chbat smuquic. Ja' squerem jun me'on ants, c'ajumal jun li yole. Ep cristianoetic te ta lum xchi'inojic batel.

Deuteronomio 32:39

Vu'un no'ox jtuc Muc'ul Diosun, mu'yuc yan diosetic jech chac c'u cha'al vu'un. Vu'un ta xcac' acuxlejalic; vu'un ta jpoj sutel noxtoc. Vu'un ta xcac' yayijanic; vu'un ta jpoxta noxtoc. Mu'yuc boch'o xu' yu'un tspoj sba loq'uel ta jc'ob.

Rut 1:2

Li vinique ja' Elimelec sbi. Li yajnile ja' Noemí sbi. Yan li xnich'nabe ja' Mahlón xchi'uc Quelión sbiic. Ja' efrataetic, liquemic ta Belén ta yosilal Judá. C'alal ic'otic ta Moabe, te inaquiic o.

Rut 1:4

Ta yan c'ac'al la sa' yajnil li queremetique; ja' Moab tsebetic. Orfa sbi li sbae; li yane Rut sbi. C'alal iloc' lajuneb jabile,

Rut 1:6

Li Noemie laj ya'ay a'yej te ta Moab ti laj xa xc'uxubin xnich'nab te ta Belén li Muc'ul Diose; laj xa yac'be sve'elic.