Rut 1:16 - Bible in Tzotzil de Chenalhó with Deuterocanon

¹⁶ Itac'ov li Rute: —Mu xatacun sutel, yu'un ta jc'an chbat jchi'inot. Ti bu chabate, te chibat ec; ti bu chanaquie, te chinaqui ec. Li achi'iltac ta alumale ja' jchi'iltac chc'ot ec; li Dios avu'une ja' Dios cu'un ec.

Bible in Tzotzil de Chamula

¹⁶ Ja'uc le' une, xi tac'bat yu'un ti Rute: —Mu xavalbun ti ta xaquictaote, ti ta jch'ac jbatique. Yu'un nabal ta xibat ti bu ta xabate. Ta xinaqui ti bu ta xanaquie. Ta jlumalin ti alumale. Ta xc'ot ta jDios ti aDiose.

Rut 1:16 Iomraidhean Croise

2 Samuel 15:21

Itac'ov li Itaie: —Ajvalil, ta xcal ta jamal ta stojol Muc'ul Dios xchi'uc ta atojol ec, me cuxulun, o me te chicham batel, te ono'ox chajchi'inot batel buyuc no'ox chabat —xi.

Salmos 45:10

Tseb, a'yo ava'ay c'usi chacalbot. Ch'ayo ta avo'nton li achi'iltaque xchi'uc li sna atot ame'e.

Proverbios 17:17

Li boch'o lec jc'opan jba jchi'uctique lec ono'ox sc'anojutic; ja' jchi'iltic ta voq'uel chc'ot ti c'alal oy jvocoltique.

Isaías 14:1

Ta melel, li Muc'ul Diose c'ux ta yo'nton o li Jacobe. Staoj yav t'ujbil o yu'un li Israele. Jech ta xac' suticuc tal ta naclej ta yosilalic li israeletique. Li yantic lumetique ta xnopaj tal ta stojolic; jun chc'otic xchi'uc li yalab xnich'nab Jacobe.

Daniel 2:47

Jech laj yalbe li Daniele: —Ta melel, li Dios avu'une ja' Dios yu'un li yantic diosetique, ja' Ajvalil yu'un li muc'tic ajvaliletique; ja' chac' ta ilel li c'usi mu'yuc boch'o sna'e, jech ivu' avu'un laj avinajes li c'usi mu xvinaje —xut.

Daniel 3:29

Ja' yu'un li' ta xcal mantal: Acotolic ta jujun lum, ta jujun banamil, ta jujuchop ac'opic, li boch'o chchopolc'opoj ta stojol Dios yu'unic li viniquetic li'i, biq'uitic ta xich' sesinel. Li snae puru slilijemal xa te chcom, yu'un mu'yuc xa yan dios xu' yu'un chcoltavan jech chac c'u cha'al li Dios le'e!”, xi li ajvalile.

Daniel 4:37

“Ja' yu'un vu'un li Nabucodonosorune, ta xcalbe slequilal, ta xquich' ta muc', ta xcac' ta ich'el ta muc' li Ajvalil ta vinajele, yu'un li yabtele puru melelic; tuc' scotol li c'usitic tspase, xchi'uc xu' yu'un ta sbic'tajes li boch'otic tstoy sbaique”, xi li ajvalile.

Oseas 13:4

Li Muc'ul Diose jech chal: “Vu'un Muc'ul Diosun avu'unic ti c'alal lic jloq'uesoxuc tal ta Egiptoe. Mu'yuc yan dios avu'unic jech chac c'u cha'al vu'un; vu'un no'ox jtuc jcoltavanejun avu'unic.

Zacarías 8:23

C'alal me la sta sc'ac'alil le'e, lajuneb viniquetic ta jujuchop c'op ta scotol banamil chbat stsacbeic yoc sc'u' jun judá vinic, jech chalbeic: ‘Ta xbat jchi'inotcutic ec, yu'un laj ca'icutic ti te oy ta atojolic li Diose’, xutic”, xi li Diose.

San Mateo 8:19

Te ital jun jchanubtasvanej yu'unic, jech laj yalbe li Jesuse: —Cajval, ta jchi'inot batel ti buyuc no'ox chabate —xut.

San Juan 13:37

Itac'ov li Pedroe: —Cajval, ¿c'u yu'un ti mu xu' ta jchi'inot batel ta orae? Xu' ta xcac' jba ta milel ta aventa —xut.

Hechos 21:13

Li Pabloe jech laj yal: —¿C'u yu'un chavoc'taicun? ¿C'u yu'un chavaq'uic cat co'nton? Li vu'une xu' te chichucat; xu' te chicham ta Jerusalén ta scoj li Cajvaltic Jesuse —xi.

1 Tesalonicenses 1:9

Yu'un stuquic xa chalic c'u x'elan laj avich'uncutic ta muc' ti c'alal lic'otcutic te ta atojolique, xchi'uc ti laj acomtsanic yich'el ta muc' li c'usitic cuybilic ta diose, ti ja' latalic ta stojol li bats'i cuxul Diose, ti ja' xa chatunic yu'une.

Josué 24:18

Xchi'uc ja' la snutsbutic loq'uel ta jtojoltic scotol li yajvaltac lumetique xchi'uc li amorretic ti li' to'ox nacajtique. Ja' yu'un li vu'uncutique ja' no'ox chituncutic yu'un ec li Muc'ul Diose yu'un ja' Dios cu'untic —xiic.

Apocalipsis 14:4

Le'e ja' li boch'otic muc soques sbaic ta sventa antsetique, ti co'olic jech chac c'u cha'al tojol queremetique. Ja' chchi'inic batel li Ch'ium Chij ti buyuc no'ox chbate. Yu'un icoltaatic xa loq'uel ta stojol li cristianoetique, ja' jech ic'otic ta stojol Dios xchi'uc ta stojol Ch'ium Chij jech chac c'u cha'al li sba sat c'usi chich' aq'uel ta smoton Diose.

Rut 1:15

Li Noemie jech laj yalbe li Rute: —Q'uelavil, li avit'ixe isut xa batel ta slumal, bat yich' ta muc' yan velta li sdiosique. Ja' lec sutan batel ec li vo'ote —xut.

Rut 1:17

Te ac'o chamcun ec ti bu chachame; te ac'o quich' muquel noxtoc. Me ta jvoc' jba batele, ac'o yac'bun jtoj li Muc'ul Diose. Yan me ta scoj yu'un lijcham ti ta jvoc' jbatique, mu xa c'u xcutic obi —xi.

Rut 2:6

Itac'ov li capurale: —Ja' Moab tseb yic'oj tal li Noemie.

Rut 4:15

Ja' chaspatbot avo'nton xchi'uc chascoltaot ti c'alal me'elot xae. Yu'un ja' yol avalib ti lec sc'anojote, ti toj ven bal laj ava'ay jech chac c'u cha'al vucub queremetique —xutic.