Rut 1:11 - Bible in Tzotzil de Chenalhó with Deuterocanon

¹¹ Li Noemie jech to laj yalbe: —Tsebetic, ja' lec sutanic batel. Altic ti chbat achi'inicune yu'un mu'yuc xa yan jqueremetic chcac' nupinan achi'uquic.

Bible in Tzotzil de Chamula

¹¹ Xi lic yalolan ti Noemie: —Ja' lec, sutanic batel, jtsebtac. ¿C'usi la ta xabalinic ta xbat achi'inicun? Yu'un mi ja'uc xa ta xquil yan jqueremtac ti xu' to ta xlic avic' abaic xchi'uque.

Rut 1:11 Iomraidhean Croise

Génesis 38:11

Ja' yu'un li Judae jech laj yalbe li yalibe, ja' li Tamare: —Batan ta sna atot ame'; te oyan o. Malao sta lec sjabilal li jnich'on Selae —xut. Yu'un li Judae la snop ti xu' ta xcham noxtoc li Sela jech chac c'u cha'al icham li sbanquiltaque. Ja' yu'un li Tamare te ibat o ta sna li stote.

Génesis 38:9

Pero li Onane la sna' ti mu ja'uc yu'un chc'ot me ivoc' li xnich'nabe. Jech c'alal ta xchi'in sbaic jujun velta xchi'uc li yajnil anima sbanquile, la snop lec c'u x'elan mu xna'p xch'ut yu'un. Yu'un mu sc'an ti ja' ta sventa ch-ayin smomnich'nab li anima sbanquile.

Deuteronomio 25:5

“Me oy chib viniquetic xchi'il no'ox sbaic ta voq'uel ti co'ol nacalic ta jun nae, me ichamic junucale, me mu'yuc xnich'on chcom li boch'o chchame, li yajnile mu me smalin yan vinic. Ja' no'ox ac'o smalin li smu'e, yu'un jech xu' chc'ot ta pasel ti jech sc'oplal tsc'an chich' pasele.

Rut 1:10

Jech laj yalbe li sme'el'alibique: —Mu'yuc chisutcutic batel; ta jchi'inotcutic batel c'alal ta avosilal —xutic.

Rut 1:12

Ja' lec sutanic batel ta anaic, yu'un li vu'une me'elun xa; mu xa ximalij. Ac'o me chimalij, ac'o me oy xa jmalal chivay tana, xu' chvoc' to yan jqueremetic,