Rut 1:1 - Bible in Tzotzil de Chenalhó with Deuterocanon

¹ C'alal ja'o yorail oy jchapanvanejetic yu'un li israeletique, ja'o ital tsots vi'nal. Oy jun vinic te ta Belén ta yosilal Judá, ibat nacluc ta yosilal Moab xchi'uc yajnil xchi'uc chib xnich'on.

Bible in Tzotzil de Chamula

¹ C'alal yorail pasbilic ta mantal ti israeletic yu'un ti buch'utic sva'anoj sbaic ta jpojvaneje, c'ot ta pasel ti lic muc' ta vi'nal ta sjunlej ti jteclum taje. Va'i un, oy jun vinic ti nacal ta Belén ti bat nacluc ta yosilal Moab, xchi'uc yajnil, xchi'uc cha'vo' xnich'on.

Rut 1:1 Iomraidhean Croise

Génesis 12:10

Ts'acal to ital vi'nal ta scotol yosilal Canaán banamil. Li Abrame ibat nacluc ta Egipto jayibuc c'ac'al, yu'un toj tsots ital li vi'nale, yu'un mu'yuc xa c'usi tsve'ic ti bu oyique.

Génesis 26:1

C'alal jech orae, ital tsots vi'nal ta scotol banamil yo' bu nacal li Isaaque. Co'ol jech chac c'u cha'al ital vi'nal c'alal cuxul to'ox li Abrahame. Ja' yu'un li Isaaque ibat nacluc ta Gerar yo' bu nacal li Abimelec, ja' li ajvalil yu'un filistaetique.

Génesis 43:1

Te ta Canaán banamile, itsatsub ta jyalel li vi'nale.

2 Samuel 21:1

C'alal ochem ta ajvalilal li Davide, ital tsots vi'nal oxib jabil. Li Davide lic sjac' ta stojol li Muc'ul Diose, jech itac'bat: “Li vi'nale ja' ital ta scoj li Saúl xchi'uc xnich'nabtaque, yu'un ja' la smilic li gabaonetique”, x'utat.

1 Reyes 18:2

Jech ibat ta stojol Acab li Eliase. Te ta Samariae bats'i tsots li vi'nal cha'yique.

1 Crónicas 2:51

xchi'uc Salma stot Belén, xchi'uc Haref stot Bet-gader.

1 Crónicas 2:54

Li xnich'nab Salmae ja' Belén, netofaetic, Atrot-bet-joab, xchi'uc zoraetic, xchi'uc j'o'lol manahetetic.

Salmos 105:16

Ts'acal to laj yac' taluc vi'nal te ta yosilalic; la spojbe scotol li sve'elique.

Salmos 107:34

Xu' yu'un tspaq'ues yaxal banamil ta scoj smulic li boch'otic te nacajtique.

Jeremías 14:1

Li Jeremiase ital c'opanatuc yu'un li Muc'ul Diose, yu'un chtal q'uepelaltic. Jech i'albat:

Ezequiel 14:13

“Vo'ot xnich'on cristiano, me oy jun banamil tsa' smul ta jtojol, me solel ja' tspas o li c'usi tsc'an yo'ntone, ta xcac' jc'ob ta stojol; ta xculesbe scotol li ve'lil oy yu'une; ta jtacbe tal tsots vi'nal; ta jmilbe scotol li yajvaltaque xchi'uc li chonbolometic yu'une.

Ezequiel 14:21

“Ja' yu'un jech chcal vu'un li Muc'ul Diosun ti Yajvalun scotole: ¿C'u to x'elan c'alal me ta jtac tal ta Jerusalén li chanchop vocol ti toj xi'balic sbae; ja' li milel ta espadae, li vi'nale, li jti'val chonbolometique, xchi'uc li tsatsal chamel sventa ta xcules o scotol li jnaclumetique xchi'uc li chonbolometique?

Levítico 26:19

Ta jbic'tajesoxuc o ta j'ech'el ta scoj li atoyobbailique. Mu'yuc xa ta xyal tal vo' ta vinajel, jech mu xa xch'i c'usitic chats'unic ta banamil, yu'un ta jbacubtas jech chac c'u cha'al ton.

Amós 4:6

“Li vu'une laj cac' taquilevtajuc aveic ta scotol lumetic avu'unic; laj cac' ti ac'o mu'yucuc ave'elic ta scotol ti butic nacaloxuque, pero muc ono'ox xasutic o tal ta jtojol”, xi li Muc'ul Diose.

Miqueas 5:2

Vo'ot, Belén Efrata, biq'uitot ta scotol li jaychop sts'unubal Judae, pero ja' te ta xloc' ta atojol li Ajvalil yu'un Israele. Vo'one ono'ox sliquel tal sts'unubal.

Deuteronomio 28:38

Ac'o me chats'unic ep li c'usitic chac'anique, pero jutuc no'ox chloc' avu'unic yu'un chlaj ta c'ulubetic scotol.

Jueces 12:8

C'alal icham li Jeftee, ja' i'och ta jchapanvanej yu'un israeletic jun vinic liquem ta Belén, Ibzán sbi.

Jueces 17:7

Oy jun querem te ta Belén; ja' no'ox te xnabet ta stojol li jchop liquemic ta Judae. Ja' leví querem.

Jueces 17:8

Li quereme iloc' tal ta Belén, yu'un tal sa' yan bu xu' chnaqui. Te ixanov tal ta vitsetic yu'un Efraín; te ivul ta loq'uel ta sna Micaía.