Proverbios 4:4 - Bible in Tzotzil de Chenalhó with Deuterocanon

⁴ Li jtote ja' jech la xchanubtasun chac li'i: “Comtsano me ta avo'nton ti c'u x'elan chajchanubtasote; ch'uno me li jmantal chacalbote, jech lec chabat.

Bible in Tzotzil de Chamula

⁴ Xi s'elan laj stojobtasun ti jtote: “Bejano lec ta ajol ti jlo'il ca'yeje; tamo ta spasel ti c'u s'elan laj calbote, ta xavil ti ach'iel ac'opojel unbi.

Proverbios 4:4 Iomraidhean Croise

Génesis 18:19

Vu'un la jt'uj ta sventa ac'o yalbe ya'yic xnich'nab xchi'uc smomnich'nab ti ac'o yich'ic ta muc' li chanubtasel cu'une, xchi'uc ti ac'o spasic scotol c'usitic lec xchi'uc c'usitic tuq'ue, yu'un jech chcac' c'otuc ta pasel scotol li c'usitic calojbe ono'oxe”, xi.

1 Crónicas 28:9

Jech ec li vo'ote, jquerem Salomón, otquino me lec li Dios cu'un, vu'un li atotune. Junuc me avo'nton, yutsiluc me avo'nton tunan yu'un. Yu'un xotquin c'usi ta jnoptic; sna' c'usi oy ta co'ntontic. Me oy ta avo'nton chasa'e, chac' sba ta ilel ta atojol. Yan me chavicta comele, j'ech'el chascomtsanot o ec.

Salmos 119:11

La jchabi ta co'nton li ac'ope, yu'un jech mu jta jmul ta atojol.

Salmos 119:144

Yu'un li amantaltaque staoj yav tuc' sbatel osil, jech ac'bun lec jbijil, jech xu' chicuxi to.

Salmos 119:168

Ta jch'un, ta jpas scotol li chanubtaseletic, li tojobtaseletic avu'une; vo'ot xavotquin scotol ti c'u xi'elane.

Proverbios 22:6

Chanubtasic lec avalab anich'nabic ti bu beal tsc'an tstam batele, jech mu scomtsanic o ti c'alal mol me'elic xae.

Proverbios 23:26

Jnich'on, ac'o lec avo'nton ta jtojol; ja' q'uelo lec avil li c'usi ta jpase.

Proverbios 3:1

Jnich'on, mu me xch'ay ta avo'nton li chanubtasel cu'une; chabio me ta avo'nton li jmantaltaque,

Proverbios 3:2

jech ta xnatub avorail, xchi'uc jech lec chabat.

Proverbios 7:2

Paso c'usi chal li jmantaltaque jech lec chabat; tsotsuc sc'oplal chava'ay jech chac c'u cha'al tsots sc'oplal chava'ay chachabi yuninal asate.

Isaías 55:3

A'yo ava'yic lec li c'usi chacalboxuque; la'ic ta jtojol, jech chacuxiic. Jech te chcom o ta atojolic sbatel osil li c'usi la jchapan ti jbel sc'oplal c'ux ta co'nton o li Davide.

Jeremías 38:20

Itac'ov li Jeremiase: —Ajvalil, mu'yuc cha'och ta sc'obic. Ja' ch'uno c'usi chal li Muc'ul Dios li' chacalbote; jun avo'nton chacom, mu'yuc chacham.

San Juan 12:50

Li smantal Jtote jna'oj ti ja' cuxlejal sventa sbatel osile. Ja' yu'un li c'usitic ta xcale ja' li c'usi yalojbun Jtote”, xi li Jesuse.

Efesios 6:4

Vo'oxuc totil me'iletic, mu me xasa'beic sc'ac'al yo'nton li avol anich'onique. Tuc' xats'itesic, tojobtasic lec, chanubtasic lec ta sventa li Cajvaltique.

Deuteronomio 4:9

Ja' yu'un q'uelo me abaic. Mu me xch'ay ta avo'ntonic li c'usitic avilojique. Ja' me xanopilanic o. Albo me ya'yic li anich'nabique xchi'uc li amomnich'nabique.

Deuteronomio 6:6

“Ac'o ta avo'nton scotol li c'usitic laj calbot li' ta orae.

2 Timoteo 1:5

Yu'un ta jna' ti ta melel jun avo'nton ach'unoj Cajvaltique. Yu'un ba'yuc jech la xch'unic li ayame' Loida xchi'uc li ame' Eunicee. Ta jna' lec ti jech ach'unoj ec li vo'ote.

2 Timoteo 3:15

Yu'un ta abic'tal ono'ox laj avotquin li sc'op Dios ts'ibabile; jech labijub, jech chacol ta sventa ti laj ach'un li Jesucristoe.

Hebreos 5:9

Ta sventa ti ts'acal ivu' yu'un scotole, jech ja' ic'ot ta yajval xcuxlejalic sventa sbatel osil scotol li boch'otic ta xch'unique.

Jueces 13:12

Li Manoae jech laj yalbe: —C'alal me ic'ot ta pasel li c'usi laj avale, ¿c'u x'elan ta ts'itesel li quereme? ¿C'usi xu' ta jpascutic? —xut.