Proverbios 3:4 - Bible in Tzotzil de Chenalhó with Deuterocanon

⁴ Jech lec cha'ilat, lec ac'oplal ta stojol Dios xchi'uc ta stojol cristianoetic.

Bible in Tzotzil de Chamula

⁴ jech ta xata ti lec xa'ile yu'un ti Diose, xchi'uc ta stojol ti jnaclejetique.

Proverbios 3:4 Iomraidhean Croise

Génesis 39:21

Pero li Muc'ul Diose te ono'ox xchi'inoj li Josee; lec la xc'uxubin. Jech lec i'ilat yu'un li banquilal jchabichuquinabe.

Salmos 111:10

Li sliqueb c'u x'elan xu' chijbijube ja' ti chquich'tic ta muc' li Muc'ul Diose; li boch'otic ja' tspasilanic o c'usi chal li smantaltac Muc'ul Diose yu'un lec bijic, lec sna'ic snopel. Ich'biluc o ta muc' sbatel osil li Diose.

Proverbios 12:2

Li boch'o leque ta sta coltael yu'un li Muc'ul Diose; yan li boch'o chopol yo'ntone ja' no'ox ta sta chapanbel smul.

Proverbios 13:15

Me chquich'betic lec sjam smelole, lec jc'oplaltic; yan li boch'o mu xtojob c'usi tspasique ta vocol no'ox oyic.

Proverbios 8:35

Yu'un li boch'o chistaune ta sta xcuxlejal, xchi'uc lec ch-ilat yu'un li Muc'ul Diose.

Daniel 1:9

Li Diose laj yac' ti ac'o lec ilatuc, ti oyuc slequil yo'nton ta stojol Daniel li banquilal j'abtel yu'un ajvalile.

San Lucas 2:52

Li Jesuse lec ich'i, oy lec sbijil. Lec i'ilat yu'un Dios, lec i'ilat yu'un cristianoetic noxtoc.

Hechos 2:47

Laj yalic slequilal Dios. Lec i'ilatic yu'un scotol cristianoetic. Ta jujun c'ac'al i'epajesatic yu'un Cajvaltic, yu'un laj yic' tal li boch'otic sc'oplal chcolique.

Romanos 14:18

Li boch'o jech tspas ta sventa Cristoe lec sc'oplal yu'un Dios, lec sc'oplal yu'un cristianoetic noxtoc.

2 Corintios 8:21

Yu'un ta jc'an lec tuc' ac'o batuc scotol li c'usitic ta jpase. Ma'uc no'ox ta jc'an lec chil li Diose; ja' ta jc'an lec chil noxtoc li cristianoetique.

1 Samuel 2:21

Li Muc'ul Diose laj yac'be bendición li Anae, jech ina'p xch'ut yan velta. Jech lic to alajuc li Anae; ivoc' oxib squeremetic xchi'uc chib stsebetic. Yan li Samuele te chch'i o batel ta stojol li Muc'ul Diose.

1 Samuel 2:26

Li querem Samuele te yochel ch'iel batel. Lec ch-ilat yu'un Muc'ul Dios xchi'uc lec ch-ilat yu'un cristianoetic.