Proverbios 3:3 - Bible in Tzotzil de Chenalhó with Deuterocanon

³ Mu me xacomtsan li c'uxubinvaneje xchi'uc li yalel c'usitic melele. Pasilano jech chac c'u cha'al li boch'o te xojol o ta snuc' snats'e; te ts'ibabil ac'o comuc o ta avo'nton.

Bible in Tzotzil de Chamula

³ J'ech'eluc mu xavicta ti xc'uxul avo'ntone, ti meleluc ti ac'ope, ti uinbiluc avu'un jech c'u cha'al ti nats'ile. Bejeluc ta ajol ta avo'nton,

Proverbios 3:3 Iomraidhean Croise

2 Samuel 15:20

Xchi'uc ja' to no'ox lavul volje. Mu smeloluc ti chaquic'ot batel ta anil yu'un chbat achi'inune, yu'un li vu'une mu jna' c'uxi chibat ec. Ja' lec sutan batel, ic'o sutel scotol li achi'iltaque. Muc'ul Dios chayac'boxuc bendición, xchi'uc ja' chaxchi'inoxuc o scotol c'ac'al —xut.

Salmos 119:11

La jchabi ta co'nton li ac'ope, yu'un jech mu jta jmul ta atojol.

Salmos 25:10

Yu'un scotol ti bu chijyic'utic Muc'ul Diose puru c'uxubinel, puru melelic ta sventa li boch'otic ja' chch'unbeic smantaltaque xchi'uc ti chich'ic ta muc' c'usi chapanbil yu'une.

Salmos 85:10

Li c'uxubinel xchi'uc li c'usi melele laj xa snup sbaic; li tuc' o'ntonal xchi'uc li jun o'ntonale laj xa sts'uts' sbaic.

Éxodo 13:9

Ja' yu'un tsc'an chcom senyail ta ac'obic, o ta ati'baic ya'yel, yu'un jech cht'ab ta avo'ntonic ti tsc'an ja' chalo'iltaic o li mantaletic yu'un Muc'ul Diose. Yu'un ja' la sloq'uesutic tal ta smuc'ul stsatsal te ta Egipto banamil.

Éxodo 34:6

Ijelov batel ta stojol li Moisese, tsots ic'opoj, jech laj yal: —Vu'un Muc'ul Diosun. Vu'un Muc'ul Diosun. Jc'uxubinvanejun, toj lec co'nton, muc ta aniluc chi'ilin, toj ep c'uxubinel cu'un, xchi'uc melel c'usi chcal.

Proverbios 1:9

Yu'un ja' scoronail ajol chc'ot ti lec c'upil sbae, xchi'uc ja' anats' chc'ot.

Proverbios 14:22

Li boch'o puru chopol c'usi tsnopique te chch'ayic o ta be; yan li boch'o ja' tsnopic o c'usitic leque tstaic c'uxubinel xchi'uc c'anel.

Proverbios 16:6

Ta sventa c'uxubinel xchi'uc smuc'ul o'ntonal ta xch'ay li mulile; ta sventa yich'el ta muc' Muc'ul Dios ta xcom yu'un c'usi chopol li cristianoetique.

Proverbios 20:28

Me ja' oy ta yo'nton c'uxubinvanej xchi'uc c'usi melel li ajvalile, lec jun yo'nton te chotol o ta xchotleb.

Proverbios 6:21

Te me oyuc o ta avo'nton; te xanats'in o jech chac c'u cha'al anats'.

Proverbios 7:3

Te xojoluc o ta sbic'tal ac'ob; ts'ibao lec ta yut avo'nton.

Jeremías 17:1

“Judá, li amule te ts'ibabil ta avo'nton; joch'bil lec ta pech'pech' ni' taq'uin, joch'bil lec ta sni' diamante ton. Ts'ibabil noxtoc ta xulubtac scajleb matanaletic avu'un.

Oseas 4:1

Israeletic, a'yo ava'yic c'usi chal li Muc'ul Diose. Chalbe ta jamal smul li jnaclumetic li' ta avosilalique, yu'un mu'yuc xa c'usi melel, mu'yuc xa c'uxubinel; mu'yuc xa boch'o xotquin Dios li' ta avosilalic.

Malaquías 2:6

Ja' no'ox iloc' ta ye li jmantal ti ja' melele; mu'yuc iloc' ta ye c'usi chopol. Ja' la spas c'usi lec xchi'uc c'usi tuc'. Ep boch'o laj yac'be scomtsanic li c'usitic chopole.

San Mateo 23:23

“¡Toj abul abaic, vo'oxuc li jchanubtasvanejoxuc ta smantal Diose xchi'uc vo'oxuc li fariseooxuque, jlo'lavanejoxuc! Yu'un ja' no'ox tsots sc'oplal chava'yic ti chavaq'uic jun ta lajlajuneb li yaravenoe, li anise, xchi'uc li cominoe., Ja' acomtsanojic ti bu toj tsots sc'oplal ta smantal Diose; ja' ti tsc'an pasel c'usi tuq'ue, li c'uxubinvaneje, xchi'uc ti tsc'an jun co'ntontique. Le'e tsots sc'oplal tsc'an pasel, pero mu stac' comtsanel noxtoc li yantique.

2 Corintios 3:3

Lec xvinaj ti vo'oxuc jvuncutic c'otemoxuque, ti ja' la sts'iba stuc li Cristoe. Ja' no'ox ti vu'uncutic laj quich' cabtelcutic ta yaq'uel ta ilele. Muc ta tintauc la sts'iba; ja' la sts'iba ta sventa Ch'ul Espíritu yu'un cuxul Dios. Muc ta jpechuc ton la sts'iba; ta avo'ntonic la sts'ibaboxuc.

Efesios 5:9

Yu'un li yabtelal sac osile ch-ayin slequil co'ntontic yu'un, chijtuq'uib yu'un, melel scotol c'usi chcaltic yu'un.

Deuteronomio 6:8

Ich'-unuc me avu'un scotol c'ac'al li mantaletique. Chuco ta ac'ob xchi'uc ta ati'ba sventa cht'ab ta avo'nton.

Hebreos 10:16

“Ja' jech li c'usi ta jchapan ta stojolique. Me la sta sc'ac'alil cu'une, ta xcac'be ta sjolic li jmantaltaque; ta jts'ibabe lec ta yo'ntonic”, xi.