Proverbios 3:1 - Bible in Tzotzil de Chenalhó with Deuterocanon

¹ Jnich'on, mu me xch'ay ta avo'nton li chanubtasel cu'une; chabio me ta avo'nton li jmantaltaque,

Bible in Tzotzil de Chamula

¹ Ti c'u s'elan laj jchanubtasote, cuni nich'on, mu xach'ay ta avo'nton, bejeluc ta ajol ti jmantaltaque,

Proverbios 3:1 Iomraidhean Croise

Salmos 119:11

La jchabi ta co'nton li ac'ope, yu'un jech mu jta jmul ta atojol.

Salmos 119:153

Q'uelavil li jvocole, coltaun me, yu'un mu'yuc ch'ayem o ta co'nton li amantale.

Salmos 119:16

Xcuxet no'ox co'nton yu'un li c'usitic avaloje; mu xch'ay o ta co'nton li ac'ope.

Salmos 119:176

Ch'ayemun to'ox ta be jech chac c'u cha'al chij ti ch'ayem ta bee. La' me, q'uelun, vu'un li avajtunelune, yu'un mu'yuc jch'ayoj o ta co'nton li amantaltaque.

Salmos 119:34

Jambun lec jol co'nton jech xu' ta jch'un li amantaltaque, jech scotol co'nton ja' ta jch'un o.

Salmos 119:61

La syaquicun ta ch'ojon yalojic li boch'otic chopolique, pero mu'yuc ono'ox la jch'ay ta co'nton li amantale.

Salmos 119:93

Me jutuc mu'yuc bu ta jch'ay ta co'nton li amantaltaque; ja' xa no'ox te cuxulun o laj ca'ay.

Salmos 91:16

Ta xcac' sc'upinic ti jal chcuxiique; ta xcac'be yilic ti ta jcoltae”, xi li Muc'ul Diose.

Éxodo 20:6

Pero li boch'o chiyich'un ta muq'ue, me chch'unbun jmantale, ep c'ux ta co'nton, ac'o me c'alal to jmil (1,000) ta c'ol smomnich'nabic.

Proverbios 1:8

Jnich'on, a'yo me lec ava'ay c'u x'elan chaxchanubtasot li atote; mu me xabaj li bijubtasel chayac'bot ame'e.

Proverbios 16:31

Li boch'o tuc' yo'ntone jal chcuxi; c'alal sac xa sjol yu'un smalubele ja' scorona c'otem.

Proverbios 2:1

Jnich'on, me chavich' ta muc' li c'usi chcale, me chachabi ta avo'nton li jmantaltaque,

Proverbios 23:26

Jnich'on, ac'o lec avo'nton ta jtojol; ja' q'uelo lec avil li c'usi ta jpase.

Proverbios 31:5

Me jech te chuch'ilanic o poxe, xu' chlic ch'ayuc ta yo'ntonic li mantaletique, jech mu xa stuc'ulanbeic o ya'yej li boch'o abul sbaique.

Proverbios 4:2

Yu'un lec li chanubtasel chacac'boxuque, mu me xach'ay ta avo'ntonic li chanubtasel cu'une.

Proverbios 4:21

Mu me xch'ay ta avo'nton; comtsano lec ta yut avo'nton.

Proverbios 4:5

Ja' me c'ano li abijile xchi'uc ti oyuc c'usi lec xana'e; mu me xajip xaten ta avo'nton li c'usitic chacalbote.

Proverbios 8:1

Li bijubtasele ta x'avan; li tojobtasele tsots xc'opoj.

Proverbios 9:1

Li bijubtasele la sva'an sna; laj yaanbe vucbej yoyal.

Isaías 51:17

Jerusalén, julovan me, lican me. Vo'ot ti laj xa ava'ibe xc'uxul scotol li sc'ac'al yo'nton Muc'ul Diose, ti jeche' xatamlajet lacom yu'un jech chac c'u cha'al li boch'o tsyalbun ta uch'el scotol li pasem ya'lel ts'usube ti chyacub o xchi'uque, yu'un laj avuch' scotol; solel taquin icom avu'un li yavile.

Jeremías 31:33

“Ja' jech li c'usi ta jchapan ta stojolique: C'alal me la sta sc'ac'alil cu'une, ta xcac'be ta sjolic li jmantaltaque, ta jts'ibabe ta yo'ntonic, vu'un Diosun yu'unic chic'ot; ja' jteclumal chc'otic o ec.

Oseas 4:6

Li jteclumale laj yich'ic ulesel, yu'un muc sna'ic spasel c'usi lec. Ta sventa ti laj ajip comel li abijile, jech ta jipot loq'uel ta paleal ec. Ta sventa ti lach'ay ta avo'nton mantaletic cu'un, vu'un li Diosun avu'une, jech ta jch'ay ta co'nton ec li amomnich'nabtaque.

Deuteronomio 4:23

Pero bijanic me. Mu me xch'ay ta avo'ntonic li c'usi la xchapan Muc'ul Dios ta atojolique. Mu me c'usi xapasbeic sloc'obal jech chac c'u cha'al laj yalboxuc Muc'ul Dios cu'untic ti mu xu' chapasique.

Deuteronomio 4:9

Ja' yu'un q'uelo me abaic. Mu me xch'ay ta avo'ntonic li c'usitic avilojique. Ja' me xanopilanic o. Albo me ya'yic li anich'nabique xchi'uc li amomnich'nabique.

Deuteronomio 5:16

‘Ich'o ta muc' atot ame'ic, jech chac c'u cha'al calojboxuc ono'ox vu'un li Muc'ul Diosun avu'unique. Jech lec chabatic, xchi'uc jech jal chacuxiic te ta avosilic ti bu chacac'boxuque.

Deuteronomio 5:33

Ja' me xat'unic o li be laj yac'boxuc avilic Muc'ul Dios cu'untique, yu'un jech lec chabatic, xchi'uc jech jal chacuxiic te ta avosilic ti bu chayac'boxuque.

Deuteronomio 8:1

“Aq'uic me persa spasel scotol li mantaletic li' laj calboxuc ava'yique, yu'un jech xu' chacuxiic, xchi'uc jech cha'epajic. Jech chac'otic ta jun muc'ta lum, xchi'uc jech xu' avu'unic chavu'uninic li banamil ti yalojbe ono'ox Muc'ul Dios jmoltotactic ta vo'one chayac'boxuque.