Proverbios 26:2 - Bible in Tzotzil de Chenalhó with Deuterocanon

² Li j'ilc'ope mu xc'ot ta jtojoltic ti me muc ta jmulticuque, jech chac c'u cha'al mut, o xaval-eq'uen ti xvilet no'ox jelovel ti mu xluchi ta jtojoltique.

Bible in Tzotzil de Chamula

² Ma'uc ti q'uelel xa talel bac vocol mi mu'yuc c'usi pasbile, ech'el no'ox ta xjelav batel jech c'u cha'al jch'ayemal ts'unun, mi mo'oje, jech c'u cha'al xjaval-eq'uen ti mu sna' bu com ti stase.

Proverbios 26:2 Iomraidhean Croise

2 Samuel 16:12

C'alal chiyilbun jvocol li Muc'ul Diose, oy van yic'al chisc'atajesbun ta bendición li c'usi chopol chquich' albel li' ta orae —xut.

2 Samuel 16:8

Li Muc'ul Diose laj xa yac'bot atoj amul ta sventa ti laj amilbe yuts' yalal li Saule, xchi'uc ti vo'ot lapojbe li yabtel ta ajvalilale. Li Muc'ul Diose ja' xa laj yac'be ta sc'ob anich'on Absalón li avabtele. Li vo'ote oyot xa ta vocol ta scoj achopolil, yu'un vo'ot jmilvanej vinicot —xut.

Nehemías 13:2

Yu'un li stuquique mu'yuc x'ay snupic ta be xchi'uc ve'lil xchi'uc vo' li israeletique; ja' no'ox la stojic ta taq'uin li Balaam sventa ac'o lajesbatuc stsatsalique. Pero li Diose la sc'atajes ta lec li c'usi chopol ta xa'ox spase.

Salmos 109:28

Mu'yuc sc'oplal chca'ay ti chchopolc'opojic ta jtojole, ja' no'ox venta ti chavac'bun jlequilal li vo'ote. Ac'o q'uexovicuc li stuquique; ac'o cuxetuc no'ox co'nton vu'un li avajtunelune,

Proverbios 27:8

Li boch'o chjatov no'ox loq'uel ti bu ivoq'ue ja' jech chac c'u cha'al jcot mut ti chicta comel stase.

Isaías 16:2

Li jnaclumetic ta Moabe ja' jech te no'ox xjoyetic ta taqui bevo' Arnón jech chac c'u cha'al mut ti sibtasbil loq'uel ta stase.

Números 23:8

Pero ¿c'uxi chcut ta xcuts'intaic ti me mu jechuc tsc'an li Diose? ¿C'uxi chcut ta jc'an ac'o oyuc svocolic me mu sc'an stuc li Muc'ul Diose?

1 Samuel 17:43

Jech laj yalbe: —¿Me yu'un ts'i'un ti ate' no'ox avich'oj tale? —xut. Te lic xchopolc'opta ta sbi li dios yu'une.