Proverbios 2:4 - Bible in Tzotzil de Chenalhó with Deuterocanon

⁴ me xajotet ta sa'el jech chac c'u cha'al chasa' saquil taq'uine, me avac'ojbe yipal sa'el jech chac c'u cha'al chasa' c'ulejalile,

Bible in Tzotzil de Chamula

⁴ Batuc avo'nton ta sa'el jech c'u cha'al ta xasa' ti platae, mi ja' ti c'ulejal bu nac'ale.

Proverbios 2:4 Iomraidhean Croise

Génesis 26:32

Ja'o te italic smozotac li Isaaque; tal yalic ti laj xa staic vo' ti bu yochelic sjoq'uel li joq'ue.

Job 3:21

¿C'u yu'un ti li' to cuxul li boch'o ja' xa no'ox tsmala ac'o chamuc ti mu xchame, ti solel tsa'ilan xchamel jech chac c'u cha'al li boch'o tsa'ilan sc'ulejale

Salmos 119:127

Yu'un li vu'une ja' jc'anoj o li mantaletic avu'une; jeloven jc'anoj jech chac c'u cha'al bats'i lequil c'anal taq'uin.

Salmos 119:14

Toj xcuxet no'ox co'nton c'alal ta jch'un li mantaletic avu'une; ja' toj xcuxet chca'ay, ja' mu sta jech ti c'alal oy ep jc'ulejale.

Salmos 119:72

Ja' toj ech'em tsots sc'oplal chca'ay li chanubtasel chloc' ta avee; ja' mu sta jech tsots sc'oplal chca'ay li c'anal taq'uin xchi'uc saquil taq'uine, ac'o me bats'i ep ta mil.

Salmos 19:10

Ja' toj ven tsots sc'oplal jech chac c'u cha'al bats'i lequil c'anal taq'uin, xjelov to xchi'il jech chac c'u cha'al spom muc'ta pom.

Proverbios 16:16

Ja' toj tsots sc'oplal li jbijiltique, ja' mu tsotsuc sc'oplal li c'anal taq'uine; ja' xloc' venta me jamal jba jsatique, ja' jutuc sc'oplal li saquil taq'uine.

Proverbios 2:3

me xavocolet ta sc'anel li abijile, me xa'avet ta sc'anel li lequil chanubtasele,

Proverbios 23:23

C'ano me li bijubtasel, li chanubtasel, xchi'uc li tojobtasele; oyuc me ta avo'nton chasa'.

Proverbios 4:7

Ja'uc no'ox me toj tsots sc'oplal chava'ay li abijile; ja' me c'ano ti chabijube; yu'un ja' tsots sc'oplal ta scotol li c'usitic oy avu'une.

Proverbios 8:17

Lec c'ux ta co'nton li boch'o chisc'anune; li boch'o chisa'une chistaun.

Eclesiastés 4:8

oy jun vinic stuc no'ox, mu'yuc xchi'iltac, mu'yuc xnich'nab, mu'yuc yuts' yalaltac, pero me jutuc mu xcux ta abtel; mu x'ech' yo'nton o ta sc'upinel, ta stsobel li sc'ulejale. Me jutuc mu'yuc to bu jech tsnop: “¿Boch'o chich' comel li epal abtel ta jpase? ¿Me mu jeche'uc no'ox chcac' jvocol?”, mu'yuc bu xi. Scotol le'e mu'yuc stu o; altic chac' svocol.

San Mateo 13:44

Jech laj yal noxtoc li Jesuse: “Ti c'u x'elan chventainvan li Dios te oy ta vinajele ja' jech chac c'u cha'al epal taq'uin mucul ta banamil ti oy jun vinic la stae. Te la xcha'muc lec comel yan velta, xcuxet no'ox yo'nton bat xchon scotol li c'usitic oy yu'une, ja' bat sman li banamil yo' bu mucul li taq'uine”, xi li Jesuse.

San Mateo 19:29

Li boch'otic tscomtsan snaic, me sbanquiltac, me yits'inabtac, me xvixubtac, me yixlaltac, me xi'meltac, me smucubtac, me stot, me sme', me xnich'nab, me yosil, ta scoj ti vu'un chiyich'un ta muq'ue, ta stabe ep xq'uexol. Xchi'uc ta xcuxiic sbatel osil noxtoc.

San Lucas 16:8

Li yajvale jech laj yal: ‘Toj lec bij li vinique’, xi. Yu'un li boch'o ja' batem ta yo'ntonic c'u x'elan lec ch-ech'ic li' ta banamile, ja' toj bijic ta snopel c'usi tspasic. Yan li boch'o oyic ta sac osile, mu sta jech sbijilic.