Proverbios 13:3 - Bible in Tzotzil de Chenalhó with Deuterocanon

³ Li boch'o tsq'uel sba xchi'uc yee ja' sventa chc'uxubin sba; yan li boch'o c'usiuc no'ox tsvontol ale ta sta svocol.

Bible in Tzotzil de Chamula

³ Ti buch'u ta stuc'ulan sba ti c'usi ta xloc' ta yee, ta xich' sba ta c'ac'al, ja'uc ti buch'u xlic no'ox ta lum ti c'usi ta xale, ye no'ox x'aq'ue ta vocol yu'un.

Proverbios 13:3 Iomraidhean Croise

Salmos 141:3

Muc'ul Dios, ac'bun tal boch'o chchabibun li quee; chabibiluc lec li c'usi chloc' ta quee.

Salmos 34:13

Q'uelo me abaic, mu me xloc' c'usi chopol ta aveic; pajeso me aveic ta epalc'op,

Salmos 39:1

Jnopoj ti ta jq'uel jba ta sventa li c'usitic ta jpase. Mu jc'an jsa' jmul xchi'uc li coq'ue; ta xcac'be lec freno li quee, yu'un li' oyic ta jtojol li boch'otic chopol yo'ntonique.

Proverbios 10:14

Li boch'o bije ta to x'epaj li sbijile; yan li boch'o bol xlo'ilaje jeche' no'ox chac' svocol.

Proverbios 10:19

Li boch'o toj ep chlo'ilaje ep tsta smul; yan li boch'o tspajes yee ja' bij.

Proverbios 10:8

Li boch'o bije chich' ta muc' li mantal ch-albate; yan li boch'o bol xlo'ilaje ta sta ep svocol.

Proverbios 12:13

Li boch'o chopol yo'ntone te chucbil chc'ot ta scoj yepalc'op; yan li boch'o tuc' yo'ntone mu sta svocol.

Proverbios 13:4

Li boch'o ch'aje oy c'usi tsc'an, pero mu sta; yan li boch'o sna' x'abteje mu'yuc c'usi sc'an cha'ay.

Proverbios 14:3

Li toybail chloc' ta ye boch'o bole te tsta majel o xchi'uc; yan li c'usi chloc' ta ye boch'o tuc' yo'ntone ja' scoltael chc'ot.

Proverbios 18:21

Li jlajel jchameltic xchi'uc jcuxlejaltique te ta jtatic ta sventa c'u x'elan chijlo'ilaj; li boch'o toj ep chlo'ilaje tstabe stojol.

Proverbios 18:7

Li boch'o bole ja' no'ox ta soques sba stuc; ja' no'ox sventa ta xchuc snuc' ta lasu ta scoj li c'usi chloc' ta yee.

Proverbios 20:19

Li boch'o toj ech'em xlo'ilaje mu sna' snaq'uel li c'usi chapanbil ta mucule; ja' lec mu me xachi'in li boch'o xpuquet no'ox ta lo'ile.

Proverbios 21:23

Li boch'o tspajes yee ja' sventa chc'uxubin sba, jech mu sta svocol.

Santiago 1:26

Me oy boch'o chal ti lec xch'unoje, pero me mu sna' spajesel yee, ja' no'ox ta slo'la sba. Mu'yuc stu chc'ot li c'usi xch'unoje.

Jueces 16:11

Itac'ov li Sansone: —Me chixchuquicun ta ach' lasu ti mu'yuc to picbile, ta xch'ay o li jtsatsale; co'olun xa chic'ot jchi'uc yantic viniquetic ti mu'yuc tsots slomoique —xi.

Jueces 16:17

Jech ta slajeb c'op jamal xa lic yalbe o: —Ja' ta sventa ti mu'yuc boch'o sloc'ojbun o li jole yu'un t'ujbilun ono'ox yu'un Dios ti c'alal mu'yuc to'ox chivoq'ue. Pero me oy boch'o tsloc'bun li jole, mu'yuc xa jtsatsal chicom o; bats'i c'un chicom o jech chac c'u cha'al yantic viniquetic ti mu'yuc tsots slomoique —xi.