Proverbios 11:3 - Bible in Tzotzil de Chenalhó with Deuterocanon

³ Li boch'o tuc' yo'ntonique ja' chtojobtasatic batel yu'un li stuq'uil yo'ntonique; yan li boch'otic chopol yo'ntonique ta xmilatic yu'un li xchopolilique.

Bible in Tzotzil de Chamula

³ Ti buch'u oy stuq'uil yutsile, tojobtasbil yu'un ti stuq'uile; ti buch'u vinic xa xa'i sba yaloje, ta scoj yuni pac'taobbail ta soques sba xchi'uc.

Proverbios 11:3 Iomraidhean Croise

Salmos 25:21

Chabiun ta sventa ti jun co'nton, ti tuc' co'nton ta atojole, yu'un ja' no'ox te cac'oj o co'nton ta atojol.

Salmos 26:1

Muc'ul Dios, chapanun me, yu'un tuc' c'usi jpasoj ta atojol. Jun co'nton jch'unoj o ti vo'ot chacoltaune.

Proverbios 11:5

Li boch'o tuc' yo'ntonique ta xjambat batel sbeic yu'un li stuq'uil yo'ntonique; yan li boch'o chopolique ta xjipatic ta lum yu'un li xchopolilique.

Proverbios 13:6

Li c'usi tuq'ue ja' tstojobtas batel li boch'o tuc' c'usi tspase; yan li c'usi chopole ja' ta xch'ayes batel ta be li boch'o chopole.

Proverbios 19:3

Li cristianoe ta scoj sbolil yo'nton ta soquesat ta be; ts'acal ja' chlic yac'be ta smul li Muc'ul Diose.

Proverbios 2:22

Yan li boch'otic chopolique ta xich'ic nutsel loq'uel; li jtoybaetique ta xich'ic bulel loq'uel.

Proverbios 21:7

Li boch'o chopolique ja' no'ox te chajvalinic o li xchopolilique, yu'un ja' mu sc'an spasic li c'usitic tuq'ue.

Proverbios 22:12

Li Muc'ul Diose chchabibe lec c'usi tsnop li boch'o bijique; tsmacbe ta be c'usi tsnopic li jlo'lavanejetique.

Proverbios 28:18

Li boch'o tuc' no'ox chanove jun yo'nton; yan li boch'o sa'sun no'oxe ta ono'ox sta svocol.

Eclesiastés 7:17

Jech noxtoc mu me toj chopoluc xapas aba; mu me toj boluc xapas aba. ¿Me yu'un chac'an chacham ti c'alal muc to avorailuque?

Isaías 1:28

Yan li jtoybaetique xchi'uc li jpasmuliletique ta jlilin o ta j'ech'el; li boch'o chiscomtsanicune j'ech'el ta xlajic o.

Números 31:8

La smilic comel noxtoc li Evie, li Requeme, li Zure, li Hure, xchi'uc li Rebae, ja' li vo'ob ajvaliletic ta Madiane. Xchi'uc la smilic comel ec li Balaame, ja' li xnich'on Beore.

San Juan 7:17

Li boch'o tsc'an tspas c'usi tsc'an Diose, cha'ay me ja' sc'op Dios ti chcac' ta chanele, o me ja' no'ox chcal c'usi ta jc'an jtuc.