Proverbios 10:2 - Bible in Tzotzil de Chenalhó with Deuterocanon

² Me ta chopol c'u x'elan ta jtatic jc'ulejaltique, mu'yuc stu chc'ot; yan me ta lec c'u x'elan ta jtatique, jun co'ntontic.

Bible in Tzotzil de Chamula

² Ti c'ulejal ti ma'uc lequil tabile, mu'yuc c'usi sbejtsaj yu'un, ja'uc ti bu lequil tabile, jun no'ox o'ntonal yu'un.

Proverbios 10:2 Iomraidhean Croise

Proverbios 11:4

Li c'ulejalile mu'yuc c'usi chtun o ti c'alal yorail chich' chapanel scotol cristianoe; yan li stuq'uil co'ntontique ja' chiscoltautic ta chamel ta lajel.

Proverbios 12:28

Li sbelal c'usitic tuc' ta pasele ja' sventa cuxlejal; ja' lequil be, jech mu'yuc chamel lajel te.

Proverbios 13:11

Li boch'o ta jech no'ox tsta sc'ulejal ta orae, ta ono'ox stsul yalel; yan li boch'o ta slubel ta xchiq'uinel tsta sc'ulejale yantic ta scajtsaj muyel.

Proverbios 21:6

Li jc'ulejaltic ta jtatic ta sventa lo'lavaneje ta anil no'ox ta sac ch'ay jech chac c'u cha'al ch'ayil, ja' no'ox c'u cha'al jsa' jlajel jchameltic o.

Ezequiel 7:19

Ta sjipic ta xoraltic li saquil taq'uin oy yu'unique; mu'yuc stu chcom o li sc'anal taq'uinique. Mu xu' ta spoj sbaic ta saquil taq'uin, ta c'anal taq'uin ti c'alal chlic ilinuc li Muc'ul Diose, yu'un ja' ta scoj ti la sta o smul xchi'uquique. Ac'o me toj ep li saquil taq'uin li c'anal taq'uin yu'unique, mu xnoj xch'utic o yu'un; mu xpaj svi'nalic o.

Daniel 4:27

Ja' yu'un ajvalil, ch'uno li bijubtasel chacalbote: pajeso xa me aba ta sa'el li amule; ja' xa paso batel li c'usi tuq'ue. Quechano spasel li c'usitic chopole; ja' coltao li boch'otic abul sba ta uts'intaele. Oy yic'al jech xu' to chlic ata batel jun avo'nton’, xiyutun li Daniele”, xi li ajvalile.

Sofonías 1:18

Me la sta sc'ac'alil chlic sc'ac'al yo'nton li Muc'ul Diose, mu'yuc boch'o xu' tspoj sba ta c'anal taq'uin o me ta saquil taq'uin, yu'un sbejel banamil ta xchic' c'alal chlic sc'ac'al yo'nton li Muc'ul Diose; ta xchic' scotol li banamile. Ta jliquel no'ox xu' ch-ulic scotol li jnaclumetic li' ta banamile.

Romanos 2:5

Ta scoj toj tsots avo'nton, ta scoj mu'yuc sutem avo'nton, ja' yu'un ja' no'ox avochel stsobel stojol amul c'alal tsta yorail chac' tuq'uil chapanel li Diose.

Romanos 5:21

Jech chac c'u cha'al laj yu'uninutic li mulil, yu'un jech ac'o chamcutic jcotoltique, ja' jech ac'o yu'uninutic noxtoc li slequil yo'nton Diose, yu'un jech ac'o cuxicutic jcotoltic ta sventa li Jesucristoe, ja' li Cajvaltique.

Filipenses 3:9

Xchi'uc jech jun chic'ot o jchi'uc. Muc xa ja'uc ta sventa mantaletic ti mu'yuc jmule, ja' xa ta sventa xch'unojel co'nton ta stojol li Cristoe. Yu'un ti c'u x'elan mu'yuc jmul chijyilutic Diose ja' ta sventa xch'unojel co'ntontic.