Proverbios 1:9 - Bible in Tzotzil de Chenalhó with Deuterocanon

⁹ Yu'un ja' scoronail ajol chc'ot ti lec c'upil sbae, xchi'uc ja' anats' chc'ot.

Bible in Tzotzil de Chamula

⁹ Xi s'elan c'otem ta alequilal ti alac' aba xac'ot o xchi'uque: avuil ti jun yutsile, mi mo'oje, c'otem ta sronail ajol.

Proverbios 1:9 Iomraidhean Croise

Génesis 41:42

la sloq'ues li yixtolal sc'ob sventa ajvalilal ti yich'oj sello yu'une. La xojbe ta sc'ob li Josee. Ta ora lic yal mantal ti ac'o yac'beic slap c'u'iletic pasbil ta lino ti ven lequique, xchi'uc ac'o xojbeic ta snuc' jlic nats'il pasbil ta c'anal taq'uin.

Salmos 73:6

Ja' xa snats'inojic o li stoyobbailique; ja' xa slapojic o li sa'c'op, li majbaile.

Proverbios 3:22

Yu'un ja' sventa alequilal; ja' chast'ujumtasot jech chac c'u cha'al nats'il.

Proverbios 3:3

Mu me xacomtsan li c'uxubinvaneje xchi'uc li yalel c'usitic melele. Pasilano jech chac c'u cha'al li boch'o te xojol o ta snuc' snats'e; te ts'ibabil ac'o comuc o ta avo'nton.

Proverbios 4:9

Ja' chayac'bot lec xnichimal ajol; ja' jech chc'ot jech chac c'u cha'al acorona yu'un”, xiyutun li jtote.

Cantares 1:10

Lec xa c'upil sba asat c'otem yu'un li staq'uinal achiquine; toj alac' xa sba anuc' c'otem yu'un li anats'e.

Cantares 4:9

Laj xa alo'labun co'nton cunin ixlal, cunin elub; ta jun no'ox velta laj aq'uelun ti laj avu'uninbun co'ntone, xchi'uc ta jbej no'ox anats' laj apich'ajesbun co'nton.

Isaías 3:19

li snats'ique, li staq'uinal xchiquinique, li xoj snuc' sc'obique, li jayal poc' sventa smac satique,

Jeremías 35:8

Ja' no'ox ta jch'uncutic c'usi yaloj li jmoltotcutic Jonadab xnich'on Recabe, yu'un laj yal ti mu xu' ta xcuch'cutic pasem ya'lel ts'usub ti jayib c'ac'al cuxuluncutic xchi'uc cajnil jnich'nabcutique,

Ezequiel 16:11

Laj cac'bot lec at'ujumal; laj cac'bot lec xoj ste'el ac'ob, laj cac'bot lec anats'.

Daniel 5:16

Jech laj ca'ay ti vo'ot xu' avu'un chavalbe smelol li c'usi tsotsique, li c'usi mu stac' na'ele. Me chavalbun c'usi chal li c'usi li' ts'ibabile xchi'uc me xu' avu'un chavalbun c'usi smelole, chavich' ac'bel alap yax'elan c'u'il, xchi'uc jlic nats'il pasbil ta c'anal taq'uin. Jech noxtoc vo'ot yoxibal ajvalil chac'ot ta scotol ti c'u smuc'ul jventainoje —xut.

Daniel 5:29

Ja' yu'un li ajvalil Belsasare laj yal mantal ti ac'o yich' lapbel yax'elan c'u'il li Daniele, xchi'uc ti ac'o xojbeic snats' pasbil ta c'anal taq'uine, xchi'uc laj yal ti ja' yoxibal ajvalil chc'ot ti c'u smuc'ul sventainoje.

Daniel 5:7

Li ajvalile tsots i'avan; laj yic' scotol li bijil viniquetic te ta Babiloniae, xchi'uc li boch'otic chilic c'usitic chc'ot ta pasele, xchi'uc li yantic bijil viniquetique, jech laj yalbe: —Li boch'o xu' yu'un sq'uelel c'usi chal li c'usi ts'ibabil le'e, xchi'uc ti chiyalbun c'usi smelole, ta xich' ac'bel slap yax'elan c'u'il, xchi'uc jlic nats'il pasbil ta c'anal taq'uin, xchi'uc ja' yoxibal ajvalil chc'ot ti bu c'alal jventainoje —xut.