Proverbios 1:7 - Bible in Tzotzil de Chenalhó with Deuterocanon

⁷ Li sliqueb c'u x'elan chijbijube ja' ti chquich'tic ta muc' li Muc'ul Diose; li boch'otic bolique ta sbajic li bijubtasel xchi'uc chanubtasele.

Bible in Tzotzil de Chamula

⁷ Ti bijilil ta xlic ayanuque, ja' ti ta xich' xi'tael ti Diose; ti buch'utic pimunebe ta sjip ta sten ti bijubtasel ta xich'ique xchi'uc ti chanubtasele.

Proverbios 1:7 Iomraidhean Croise

Job 28:28

Jech laj yalbe li cristianoetique: ‘A'yo ava'yic, me chavich'icun lec ta muq'ue, ja' abijilic chc'ot; me chacomtsanic li c'usi chopole ja' sjamubil aba asatic chc'ot’, xi.

Salmos 111:10

Li sliqueb c'u x'elan xu' chijbijube ja' ti chquich'tic ta muc' li Muc'ul Diose; li boch'otic ja' tspasilanic o c'usi chal li smantaltac Muc'ul Diose yu'un lec bijic, lec sna'ic snopel. Ich'biluc o ta muc' sbatel osil li Diose.

Eclesiastés 12:13

Li slajeb c'usi tsc'an ta jpastic ta sventa scotol li c'usi laj xa ca'itic tale ja' li'i: Ich'o me ta muc' li Diose; ch'unbo scotol li smantaltaque. Ja' no'ox jech oy ta sventa ac'o spas li cristianoetique.

Proverbios 9:10

Me chquich'tic ta muc' li Muc'ul Diose, ja' to te chlic bijubcutic batel; me chcotquintic batel li Muc'ul Diose, ta xjam lec jsatic.

Proverbios 15:33

Li boch'o chich' ta muc' Muc'ul Diose te chchan batel lec c'u x'elan chbijub; ti c'u x'elan xu' ta jtatic ich'el ta muq'ue tsc'an biq'uit chcac' jbatic ba'yuc.

Proverbios 18:2

Li boch'o bole mu'yuc ta yo'nton chbijub batel; ja' xa no'ox oy ta yo'nton chac ta ilel li c'usi sna'oje.

Proverbios 1:22

Jech ta xal li bijubtasele: “Vo'oxuc ti mu c'usi xana'ique, ¿me lec no'ox chava'yic ti jech oyoxuc oe? Vo'oxuc li jlabanvanejoxuque, ¿baq'uin to chacomtsanic li labanvaneje? Vo'oxuc ti boloxuque, ¿baq'uin to chacomtsanic sna'leel li chanubtasele?

Romanos 1:28

Ta sventa ti muc xich'ic ta muc' c'u x'elan xu' chcotquintic o li Diose, jech i'ac'bat snopic o yu'un Dios li c'usitic mu'yuc stue, yu'un jech ac'o spasic o li c'usi mu jechuc sc'oplal ta pasele.

Proverbios 15:5

Li boch'o bole mu'yuc stu cha'ay li taq'uiel ch-albat yu'un stote; yan li boch'o chch'un taq'uiele ja' bij chbat.

Deuteronomio 4:6

C'otuc me ta pasel avu'unic, xchi'uc chanic me spasel scotol. Yu'un jech tsna'ic yantic lumetic ti oy lec abijilique xchi'uc ti xana'beic lec smelol c'usi lec ta pasele. C'alal cha'yic scotol li mantaletic avu'unique, jech chlic yalic: ‘Lec bijic xchi'uc lec sna'beic smelol li jun muc'ta lum le'e’, xi ac'oplalic.

Proverbios 2:5

chlic ana' c'u x'elan ta ich'el ta muc' li Muc'ul Diose, chlic avotquin batel c'usi tsc'an li Diose.

Proverbios 15:32

Li boch'o mu xich' ta muc' li taq'uiele mu xc'uxubin sba stuc; yan li boch'o lec cha'ay taq'uiele ta sta sbijil.

Proverbios 23:9

Mu me teuc yabinoj chalo'ilaj li boch'o bole, yu'un ja' no'ox ta sna'le li c'usi lec chavale.