Proverbios 1:5 - Bible in Tzotzil de Chenalhó with Deuterocanon

⁵ Li boch'o bij ti xa'ibe lec smelole, ta to xbijub batel; ep to ta xchan batel c'usi lec ta pasel.

Bible in Tzotzil de Chamula

⁵ Ti buch'u xjoybij no'ox sjol xchi'uc ti sbijile, ta sts'etan lec xchiquin ta ya'yiel, jech ta stailan batel ti sbijile, ta xlic yojtiquin sba ti c'u s'elan oye,

Proverbios 1:5 Iomraidhean Croise

2 Crónicas 25:16

C'alal laj yal jech li j'alc'ope, li ajvalile jech laj yal: —¿Me vo'ot avich'oj avabtel sventa chavalbe c'usi lec ta pasel li ajvalile? ¡Avocoluc mu xa xaval jech! ¿O me yu'un chac'an milel? —xut. Li j'alc'ope te la spajes sba, pero jech to laj yal comel: —Jna'oj lec, li Diose snopoj xa chasjinesot o ta sventa ti jech laj apase, yu'un mu xach'unbun li c'usi chacalbote —xut.

Job 34:10

“Vo'oxuc ti oy abijilique, a'yic lec li c'usi ta xcale. Li Diose mu snop c'usi chopol; li Boch'o ech'em svu'ele mu spas c'usi mu'yuc lec.

Job 34:16

“Me bijote, a'yo lec; tuc'ulano lec li c'usi chcale.

Job 34:2

—Vo'oxuc ti bijoxuque, a'yo ava'yic c'usi ta xcal; vo'oxuc ti lec chanubtasbiloxuque, tuc'ulanbicun ava'yic li ca'yeje.

Job 34:34

“Li boch'otic bijic ti cha'ibeic smelol c'usi ta xcale, xchi'uc li boch'o oy c'usi lec sna'ique, jech chlic yalbicun:

Proverbios 12:1

Li boch'o tsc'an lec chanubtasele yu'un tsc'an chbijub; yan li boch'o mu sc'an taq'uiele yu'un tsc'an te no'ox bol o.

Proverbios 14:6

Li jlabanvaneje ta sa' bijubtasel yaloj, pero mu sta; yan li boch'o tuc' yo'ntone mu vocoluc tsta.

Proverbios 18:15

Li boch'o sna'be smelole oy ta yo'nton chbijub; li boch'o bije ta to sa' bijubtasel.

Proverbios 19:25

Me chich' ac'bel stoj smul li jlabanvaneje, ta xlic bijubuc li boch'o mu'yuc bije; me chich' lec taq'uiel li boch'o xa'ibe ono'ox smelole yantic ta xbijub batel.

Proverbios 21:11

C'alal chich' ac'bel stoj smul li jtoybae, te chlic bijubuc li boch'o mu'yuc sbijile; c'alal chich' taq'uiel li boch'o bije, oy c'usi lec chlic xchan.

Proverbios 8:33

A'yo lec ava'yic li chanubtasele jech chabijubic; mu me xabajic li tojobtasele.

Proverbios 9:8

Mu xavulilan li jlabanvaneje, yu'un jech mu xascontrainot; yan me chacolta li boch'o bije, ja' lec chayilot.

Proverbios 9:9

Bijubtaso li boch'o xa'ibe ono'ox smelole, jech ech'em to ta xbijub; chanubtaso lec li boch'o tuc' yo'ntone, jech ta to xtojob batel.

Eclesiastés 9:11

Oy to c'usi yan laj quil noxtoc li' ta banamile: li boch'otic lec sobique oy ma'uc tstsalvanic ta anil; li boch'otic toj simaronique ma'uc toj ech'em xu' yu'unic pleito; li boch'otic lec x'abtejique ma'uc oy ep sve'elic; li boch'otic lec bijique ma'uc toj c'ulejic; li boch'otic oy c'usi lec xchanojique ma'uc lec ich'bilic ta muc'. Scotolic le'e co'ol li c'usi macal ta stojolique.

1 Corintios 10:15

Li' ta orae ja' jech chajc'opanoxuc tal jech chac c'u cha'al li boch'otic bijique, ja' yu'un nopo ava'yic li c'usi chacalboxuc tale.

Deuteronomio 4:6

C'otuc me ta pasel avu'unic, xchi'uc chanic me spasel scotol. Yu'un jech tsna'ic yantic lumetic ti oy lec abijilique xchi'uc ti xana'beic lec smelol c'usi lec ta pasele. C'alal cha'yic scotol li mantaletic avu'unique, jech chlic yalic: ‘Lec bijic xchi'uc lec sna'beic smelol li jun muc'ta lum le'e’, xi ac'oplalic.