Proverbios 1:4 - Bible in Tzotzil de Chenalhó with Deuterocanon

⁴ Chtun ta sventa chbijubic li boch'otic mu sna'ic c'usitic lec ta pasele; xchi'uc ta sventa ta xjam lec satic li alab nich'nabetique.

Bible in Tzotzil de Chamula

⁴ ta svulesbel xch'ulel ti queremetic ti ya'binoj no'ox sbaique, ta yojtiquinel sbaic, ta snopilanel ti c'u s'elan oyique.

Proverbios 1:4 Iomraidhean Croise

Salmos 116:6

Ja' chchabi li boch'otic mu'yuc c'usi xu' yu'unique; c'alal ja'o toj ep jvocole, la scoltaun.

Salmos 119:130

C'alal chich' cholbel smelol ac'ope, chjam jba jsat yu'un; ja' sventa chbijub li boch'otic mu'yuc to bijique.

Salmos 119:9

¿C'u x'elan xu' lec tuc' chcuxiic li boch'otic ja' to chch'iique? Ja' no'ox me ta xch'unic lec li ac'ope.

Salmos 19:7

Li smantal Muc'ul Diose toj lec, yu'un chisjelbutic co'ntontic; Li taq'uiel yu'un Muc'ul Diose mu xjel o, lec chbijub li boch'o mu c'usi sna'e.

Salmos 34:11

La'ic me jnich'nab, a'yic c'usi ta xcal; chajchanubtasoxuc ta yich'el ta muc' li Muc'ul Diose.

Proverbios 3:21

Jnich'on, mu me xch'ay ta avo'nton li c'usitic lec laj calbote; ch'uno me li mantal xchi'uc taq'uiele.

Proverbios 8:12

“Vu'un li bijililune li' jchi'uc scotol li bijubtasele; li' oy cu'un scotol li lequil tojobtasele.

Proverbios 8:17

Lec c'ux ta co'nton li boch'o chisc'anune; li boch'o chisa'une chistaun.

Proverbios 8:32

“A'yo ava'yic, jnich'nab, toj xcuxet no'ox yo'nton li boch'otic chtalic ta be cu'une.

Proverbios 8:5

Bol cristianoetic, ja' c'anic li tuq'uibtasele; vo'oxuc ti mu'yuc abijilique, ja' sa'ic li tojobtasele.

Eclesiastés 11:9

Querem tsebetic, cuxetuc no'ox avo'ntonic ta sventa ti ach'iumalic toe; loq'ueso avo'ntonic ta sc'upinel c'usi oy ta avo'ntonic ti c'alal ja' to avich'ojbeic tal yipale. Pasic scotol li c'usi tsc'an avo'ntonique xchi'uc li c'usi chavil ta asatique, pero na'ic me ti tsta yorail ta xchapanoxuc Dios ta sventa scotol li c'usitic chapasique.

Isaías 35:8

Ta xlic yich' jamel lec be te ta yut, ja' “ch'ul be” sbi chc'ot. Li boch'otic oy yi'lalique mu xu' chjelovic te; mu xu' chanovic te li boch'otic bol yo'ntonique.

Deuteronomio 4:6

C'otuc me ta pasel avu'unic, xchi'uc chanic me spasel scotol. Yu'un jech tsna'ic yantic lumetic ti oy lec abijilique xchi'uc ti xana'beic lec smelol c'usi lec ta pasele. C'alal cha'yic scotol li mantaletic avu'unique, jech chlic yalic: ‘Lec bijic xchi'uc lec sna'beic smelol li jun muc'ta lum le'e’, xi ac'oplalic.

2 Timoteo 2:22

Voc'o me aba ta sventa c'usi stalel ta sc'upin li queremetique. Ja' sa'o li c'usi tuq'ue, li xch'unojel avo'ntone, li c'anvaneje, xchi'uc ti jun avo'nton achi'uc li boch'otic lec yich'ojic ta muc' Cajvaltic, ti lecuben xa yo'ntonique.

SUN TITO 2:6

Jech noxtoc li queremetique, albo mantal ti ac'o sq'uel sbaic leque.