Oseas 3:1 - Bible in Tzotzil de Chenalhó with Deuterocanon

¹ Jech laj yalbun noxtoc li Muc'ul Diose: “Batan, bat xa ic'o, bat c'ano yan velta li avajnile, ac'o me c'anbil yu'un yan vinic, ac'o me jmulavil ants. Yu'un jech jc'anoj ec li israeletique, ac'o me ja' chich'ic ta muc' li yantic diosetique, ac'o me tsve'ic li pan pasbil ta taqui sat ts'usub ti chac'beic smotonin li diosetic yu'unique”, xiyutun.

Bible in Tzotzil de Chamula

¹ Ti Diose xi laj xcha'albune: “Batan, c'uxubajan ta stojol ti jmulivajel ants ti sc'upin ti buch'u lec xil sbaic xchi'uque. Yu'un ti Diose, ja' jech ta xc'uxubaj yo'nton ta stojol ti israeletique, ac'o mi yac'oj sjol yo'ntonic ta stojol ti loc'tabil diosetic ti toj yan ta q'uelele, ti ta sve'ic ti muc'tic panetic ti capbil ta taquintasbil sat uva ti ta xac'beic ta smotone.”

Oseas 3:1 Iomraidhean Croise

2 Samuel 6:19

Scotol li israel vinic antsetic te oyique lic yac'anbe jujun pan, jujulec' ti'bol, xchi'uc yan jujun pan pasbil ta taqui sat ts'usub. Ts'acal isutic batel ta snaic scotolic.

2 Reyes 13:23

Pero li Muc'ul Diose toj c'ux ta yo'nton israeletic ta scoj ti oy ono'ox c'usi xchapanoj xchi'uc li Abraham, Isaac, xchi'uc Jacobe. Jech la scolta; muc xules, mu'yuc sloq'uesoj o ta stojol c'alal to tana.

1 Crónicas 16:3

Scotol li israel vinic antsetic te oyique lic yac'anbe jujun pan, jujulec' ti'bol, xchi'uc yan jujun pan pasbil ta taqui sat ts'usub.

Nehemías 9:31

Pero ta sventa ti toj ech'em smuc'ul avo'ntone, muc xacomtsan, muc xavules o, yu'un vo'ot Diosot ti toj ep slequil avo'ntone; vo'ot li muc'ul jc'uxubinvanejote.

Salmos 123:2

Tete jsat ta atojol jech chac c'u cha'al mozo ti tete sat me oy c'usi yich'oj tal ta sc'ob li yajvale, xchi'uc jech chac c'u cha'al quiara ti tete sat me oy c'usi yich'oj tal ta sc'ob li sme'ajvale. Ja' jech tete jsat ta atojol ec, Muc'ul Dios cu'un, yu'un jmala-mala ti ac'o ac'uxubinune.

Éxodo 32:6

Ta yoc'omal sob iliquic; la xchic'beic smoton, xchi'uc laj yaq'uic yantic matanaletic sventa co'ol yo'ntonic. Scotolic ichotiic; te ive'ic, i'uch'bajic, te lic spasic c'usi tsc'an sbec'talic.

Cantares 2:5

Ac'bun jve' taqui ts'usubetic sventa oy lec jtsatsal, ac'bun jlo' mantsanoetic, yu'un xlaj xtu'p xa co'nton yu'un li ac'anele.

Isaías 45:22

“La'ic ta jtojol acotolic, buyuc no'ox oyoxuc ta sbejel banamil, vu'un chajcoltaoxuc, yu'un vu'un jtuc Diosun, mu'yuc yan dios.

Jeremías 3:20

Pero ja' jech laj apas jech chac c'u cha'al jun ants ti mu junuc yo'nton ta stojol smalale. Ja' no'ox jech muc xapas ta jun avo'ntonic ta jtojol ec, xichi chcal vu'un li Muc'ul Diosune”.

Jeremías 31:20

“Li Efraine ja' jnich'on ti lec c'upil chquile, ti lec jc'anoje. Tsots laj cac'be taq'uiel, pero te ta jna'ilan o. Solel toj yan sba co'nton yu'un; ep c'ux o ta co'nton”, xi li Muc'ul Diose.

Oseas 11:8

“¿C'u x'elan xu' ta jcomtsanot, Efraín? ¿C'u x'elan xu' ta xquictaot, Israel? ¿Me xu' ta xculesot jech chac c'u cha'al laj cules li Admae? ¿Me xu' ta jinesot jech chac c'u cha'al la jines li Zeboime? Toj yan sba co'nton avu'unic, yu'un toj ep jc'anojoxuc.

Oseas 2:5

Yu'un li ame'ique puru mulivajel la spas; li boch'o la svoq'uesoxuque la soques sc'oplal ti c'alal jech laj yale: ‘Ja' te chbat jchi'in li jc'upiltaque, yu'un ja' chiyac'bun jve'el xchi'uc ca'al; ja' chiyac'bicun jtsots, lino no, caceite, xchi'uc c'usitic chcuch'’, xi.

Oseas 4:11

“Li mulivajele, li yuch'el pasem ya'lel ts'usube ja' chch'ayes li c'usi lec ta nopele, li c'usi lec ta pasele.

Oseas 7:5

C'alal ja' sq'uinal li ajvalil yu'unique, li banquilaletique ibolibic ta pasem ya'lel ts'usub, c'alal ta ajvalil mu xa'ay ti co'ol tstsacbe sba sc'obic xchi'uc li jlabanvanejetic yu'une.

Amós 2:8

Ja' la sq'ui svayabinic ta sts'el scajleb smoton sdiosic ta buyuc no'ox li c'u'il la spojic ta sventa prentaile. Li multa la sc'anic ta jech no'oxe ja' la smanic o pasem ya'lel ts'usub; te laj yuch'ic ta snail diosetic yu'unic.

Amós 6:6

Lec ta muc'tic vasoetic chavuch'ic li pasem ya'lel ts'usube; ta puru lequil muil poxiletic chamuibtas abaic noxtoc. Mu'yuc ta avo'ntonic c'u x'elan tsots svocol li jlumaltique.

Miqueas 7:7

Pero li vu'une ja' no'ox te chcac' o sat ta stojol li Muc'ul Diose; ja' no'ox ta jmala chiscoltaun li Diose, ja' li jcoltavanej cu'une. Li Dios cu'une ta ono'ox xiya'ibun li jc'ope.

Zacarías 1:16

Ja' yu'un jech chcal vu'un li Muc'ul Diosune: Ta xlic jc'uxubin li Jerusalene, ta xcac' ta cha'pasel li ch'ulna cu'une xchi'uc li lumetique’, xi li Diose”, uto xiyutun.

San Mateo 26:50

Li Jesuse jech laj yalbe: —¿C'usi tal apas? —xut. La stsaquic li Jesuse; la xchuquic.

1 Corintios 10:21

Mu xu' chavuch'beic sbel svaso Cajvaltic ti me ts'acal chbat avuch'beic sbel svaso noxtoc li pucuje. Mu xu' chave'beic c'usi oy ta xmexa Cajvaltic me ts'acal chbat ave'ic c'usi oy ta xmexa li pucujetique.

1 Corintios 10:7

Mu me xavich'ic ta muc' c'usitic cuybilic ta dios jech chac c'u cha'al oy jech la spasique. Yu'un jech ts'ibabil sc'oplalic ta sc'op Dios: “Scotolic ichotiic, te ive'ic, i'uch'bajic; te lic spasic c'usi tsc'an yo'ntonic”, xi ts'ibabil.

1 Pedro 4:3

Ep c'ac'al jech laj apasic jech chac c'u cha'al tspasic li boch'otic mu xich'ic ta muc' Diose; ja' laj avac' abaic ta spasel li c'usitic chopole, li c'usi tsc'an abec'talique, li yacubele, xchi'uc i'ech' ta bis avu'unic li ve'el uch'bajele, xchi'uc laj avich'ic ta muc' li c'usitic cuybilic ta dios ti toj chopol chil Diose.

Jueces 10:16

Jech lic sloq'uesic ta stojolic li yantic diosetic yu'unique; ja' lic yich'ic ta muc' stuc li Muc'ul Diose. Li Muc'ul Diose toj abul sba laj yil ti ep chich'ic vocol li israeletique.

Jueces 9:27

Jech bat stulic tal sat ts'usub; la spits'beic ya'lel. Te lic spasic jun muc'ta q'uin. Te ive'ic, i'uch'bajic ta sna li diosetic yu'unique; te lic chopolc'opojicuc ta stojol li Abimeleque.