Números 9:6 - Bible in Tzotzil de Chenalhó with Deuterocanon

⁶ Pero oy jayibuc viniquetic te xchi'uquic, mu'yuc yac'oj sbaic ta lecubtasel ta sventa la spicbeic sbec'tal jun anima, jech muc spasic o li q'uin Coltael ta sc'ac'alil le'e. Li viniquetic le'e ta ora bat sc'opanic li Moisés xchi'uc Aarone.

Bible in Tzotzil de Chamula

⁶ C'u stu un, oy viniquetic ti soquesoj sbaic ta scoj ti laj stic' sbaic ta spiquel ti animae. Jech o xal un, mu stac' ta spasic sna'obil ti q'uin Colel ti jech c'ac'al taje. Ta sc'ac'alil no'ox, bat sq'uelic ta anil ti Moisese xchi'uc ti Aarone,

Números 9:6 Iomraidhean Croise

Éxodo 18:15

Itac'ov li Moisese: —Yu'un li jchi'iltaque chtalic ta jtojol; chtal sjaq'uic c'usi tsc'an tspasic ta stojol li Diose.

Éxodo 18:19

A'yo ava'ay, li' chacalbot c'usi lec ta pasel; Dios chascoltaot ta spasel. Li vo'ote ja' no'ox te xava'i ta stojol Dios yu'un li achi'iltaque; vo'ot xavalbe Dios li c'usi sc'opique.

Éxodo 18:26

Ja' xa lic xchapanic scotol c'ac'al li xchi'iltaquic ta israelale. Yan ti bu tsotsique, ja' bat yac'beic xchapan li Moisese. Ja' no'ox la xchapanic ti bu c'unic no'oxe.

Levítico 21:11

Mu xu' ch-ochic ti bu oy animae, ac'o me stot, me sme'; mu xu' tsbolibtas sbaic o.

Números 15:33

C'alal laj yilique, laj yiq'uic batel ta stojol li Moisés xchi'uc Aarone, xchi'uc ta stojol scotol li xchi'iltaquique.

Números 19:11

“Scotol li boch'o tsta ta piquel sbec'tal jun animae, vucub c'ac'al chopol chcom.

Números 19:14

“Li mantal ta sventa c'usi tsc'an chapasic c'alal me oy boch'o chcham te ta yut scarpanae, ja' li'i: Scotol li boch'otic te oyic ta yut li carpanae xchi'uc li boch'otic te ta x'ochic batele, vucub c'ac'al chopol chcomic o.

Números 19:16

“Me oy boch'o la spicbe sbec'tal jun anima ta te'tic ti milbil ichame, o me jech no'ox icham stuque, o me sbaquil anima la sta ta piquel, o me muquinaltic, vucub c'ac'al mu'yuc lec chcom.

Números 19:18

Ac'o taluc junuc vinic ti lec oye. Ac'o stsac jecuc sc'ob hisopo te', ac'o sts'aj ta vo'. Ac'o svij ta sba li carpanae, xchi'uc scotol li sbele, xchi'uc li boch'otic te oyic ta yute. Xchi'uc ac'o svij noxtoc li boch'o la spic sbaquil anima, o me sbec'tal anima ti milbil ichame, o me ja' ti jech no'ox icham stuque, o me ja' la spic li muquinaltique.

Números 27:2

Li vo'ob antsetic le'e ibatic ta ti'ch'ulna pasbil ta nucul; bat sc'opanic li Moisés, xchi'uc li pale Eleazare, xchi'uc li banquilaletic yu'un israeletique. Jech c'ot yalbeic:

Números 27:5

Li Moisese bat yal ta stojol Muc'ul Dios li ya'yej antsetique.

Números 5:2

“Albo scotol achi'iltac ta israelal ti ac'o sloq'uesic te yo' bu nacalic scotol li boch'otic yich'ojic c'a'el chamele, o me chamel ta sc'unilic ti chloc' ya'lele, o me mu'yuc yac'oj sba ta lecubtasel me oy la spiquic animae.

Números 9:7

Jech laj yalbeic li Moisese: —Li vu'uncutique la jpicbecutic sbec'tal jun anima, pero mu'yuc to cac'oj jbacutic ta lecubtasel. ¿Me mu xavac' ti xu' co'ol ta xcac'becutic smoton Dios xchi'uc jchi'iltactic ta israelal ti c'usi ora yoraile? —xutic.

San Juan 18:28

Laj yiq'uic loq'uel ta sna Caifás li Jesuse, bat yaq'uic ta cabildo. Bats'i sob ic'otic. Li paleetic xchi'uc xchi'iltaque muc x'ochic ta cabildo, yu'un mu xu' tscap sbaic xchi'uc li yan lum cristianoetique, yu'un jech xu' tsti'ic li ch'ium chij ta sventa q'uin Coltaele.