Números 9:3 - Bible in Tzotzil de Chenalhó with Deuterocanon

³ Ja' ta mal c'ac'al ta xchanlajunebal c'ac'al yochel li u li'i. C'alal chapasic li q'uine, pasic me scotol c'usi li sc'oplal tsc'an pasel jech chac c'u cha'al chal ta svunal li mantaletique”, xut.

Bible in Tzotzil de Chamula

³ Ti xcaltique, ja' ta xlic ta smalil c'ac'al ta xchanlajunebal (14) c'ac'al yu'un ti u li'e, ti mu xich' jelel jtosuc ta scotol ti c'u s'elan liquesbile, xchi'uc ti c'u s'elan xcholet caloj ta sventa sq'uinal sna'obil ta xich' pasele.”

Números 9:3 Iomraidhean Croise

2 Crónicas 30:15

Ta xchanlajunebal c'ac'al yochel xchibal u la smilic li ch'ium chij sventa q'uin Coltaele. Li paleetic xchi'uc levietique te no'ox lic q'uexovicuc stuquic, ja' yu'un laj yac' sbaic ta lecubtasel; laj yich'ic batel smoton Muc'ul Dios ta ch'ulna sventa chchiq'uic.

2 Crónicas 30:2

Yu'un li ajvalile sjac'ojbe xa'ox banquilaletic xchi'uc yajvaltac lum Jerusalén me xu' tspasic q'uin Coltael ta xchibal ue.

2 Crónicas 35:1

Li Josiase la spas q'uin Coltael yu'un Muc'ul Dios te ta Jerusalén. Ta xchanlajunebal c'ac'al yochel li sliquebal ue la smilic li ch'ium chij sventa q'uin Coltaele.

Éxodo 12:1

Li Moisés xchi'uc Aarone ic'opanatic yu'un Muc'ul Dios te ta Egipto. Jech i'albatic:

Levítico 23:5

“Ta sbatel c'ac'al ta xchanlajunebal c'ac'al yochel li sliqueb ue, ja' yorail tsc'an chapasic li q'uin Coltael sventa chavich'icun ta muq'ue.

Números 9:2

“Scotol li achi'iltac ta israelale ac'o spasic q'uin Coltael ti c'usi ual calojboxuque.

Números 9:4

Li Moisese lic yalbe scotol xchi'iltac ta israelal ti ac'o spasic li q'uin Coltaele.

Hebreos 9:26

Ti jechuc tspase, mu xa atbiluc jayib velta icham c'alal to ilic tal banamil ti jechuque. Pero li' ta ora ti slajebtic xa batel c'ac'ale jun no'ox velta laj yac' sba ta milel stuc, yu'un j'ech'el la xch'aybutic o li jmultique.