Números 9:23 - Bible in Tzotzil de Chenalhó with Deuterocanon

²³ Ta smantal Muc'ul Dios ti bu chlic spas scarpanaique; ta smantal Muc'ul Dios noxtoc ti tstotsic batele. Jun yo'nton la xch'unbeic smantal li Muc'ul Dios ti albil li Moisese.

Bible in Tzotzil de Chamula

²³ Ta jbel no'ox smantal ti Diose, ta svol sbaic ta naclej. Mi mo'oje, ta jbel no'ox smantal ti Diose, ta stam batel sbeic. Ac'o mi jech un, ta ono'ox stunesatic yu'un ti Diose jech c'u cha'al yaloj ono'ox mantal ta sventa ti Moisese.

Números 9:23 Iomraidhean Croise

Génesis 26:5

Yu'un li Abrahame laj yich'un ta muc'. La spas li c'usitic laj calbee. La xch'un li mantaletic cu'une xchi'uc li chanubtasel cu'une”, x'utat.

Salmos 107:7

Ituq'uibtasatic batel ta tuq'uil be, yu'un ac'o baticuc te ta lum ti bu xu' chnaquiique.

Salmos 73:24

Laj atuq'uibtasun batel ta sventa li taq'uiel avu'une; ts'acal chavic'un batel ta lequilal.

Éxodo 17:1

Scotol li israeletique iloq'uic batel ta xocol banamil ta Sin; c'unc'un ixanovic batel yu'un jech albilic yu'un li Muc'ul Diose. Te c'ot spas scarpanaic ta Refidim, pero mu'yuc la sta vo' yuch'ic te.

Isaías 63:14

¿Bu oy li boch'o laj yic' tal steclumal jech chac c'u cha'al chijetic ti ic'bil chyal bu lec stenlejaltique?”, xi tsjaq'uic. Ta melel ja' jech laj yic' batel ta stsatsal svu'el steclumal li Muc'ul Diose, jech chac c'u cha'al vacax ti chbat xcux yo'ntonic ta stenlejaltique. Ja' jech la spasbe li steclumale, yu'un jech ac'o vinajuc batel sc'oplal ti scotol xu' yu'une.

Ezequiel 44:8

Yu'un muc xapasic li c'usitic tsc'an pasel ta sventa li c'usitic ts'u'iltasbil cu'une. Ja' laj avac'beic sventainic li yanlum cristianoetique’, uto.

Zacarías 3:7

“Li Muc'ul Dios ti tspas ta mantal scotol te ta vinajele jech chastaq'uiot: ‘Me ja' te chaxanov o ta be cu'une, me chach'un li chanubtaseletic cu'une, vo'ot te chachabi o li ch'ulna cu'une xchi'uc li yamaq'uiltaque. Jech noxtoc ta xcac'bot avabtel ta stojol li j'almantaletic li'i.

Números 10:1

Li Muc'ul Diose la sc'opan li Moisese. Jech laj yalbe:

Números 10:13

Ti c'u x'elan ixanovic batele, ja' jech chac c'u cha'al albil ono'ox yu'un Muc'ul Dios li Moisese.

Números 9:19

C'alal me ep c'ac'al te chcom ta sba yac'ol ch'ulna li toque, li israeletique mu'yuc tstotsic batel. Te no'ox chcomic o, yu'un ja' chch'unbeic smantal li Muc'ul Diose.

Josué 22:3

Muc xacomtsanic stuquic li jchi'iltactique; lic achi'inic tal ta sliqueb c'alal to tana. Ep xa c'ac'al laj achi'inic. Jech jun avo'nton laj ach'unbeic smantal li Muc'ul Dios cu'untique.