Números 9:19 - Bible in Tzotzil de Chenalhó with Deuterocanon

¹⁹ C'alal me ep c'ac'al te chcom ta sba yac'ol ch'ulna li toque, li israeletique mu'yuc tstotsic batel. Te no'ox chcomic o, yu'un ja' chch'unbeic smantal li Muc'ul Diose.

Bible in Tzotzil de Chamula

¹⁹ Mi jal volol ta xcom ti toc ta sba ti ch'ulnae, jech ti israeletique ta xlic spasic ti c'usi ta sc'an ti Diose yo' jech ta xac' sbaic ta tunel. Mu stac' xanavic.

Números 9:19 Iomraidhean Croise

Éxodo 40:37

Me mu'yuc tstots batel li toque, li israeletique mu'yuc tstotsic batel ec; ja' to tstotsic batel c'alal me tstots batel li toque.

Levítico 8:35

Ja' yu'un li vo'oxuque tsc'an te chacomic o ta c'ac'al ta ac'ubal ta sti' li ch'ulna pasbil ta nucule. Ich'ic me ta muc' li mantal yu'un Muc'ul Diose yu'un jech mu xachamic, yu'un jech mantal quich'oj ec”, xi li Moisese.

Zacarías 3:7

“Li Muc'ul Dios ti tspas ta mantal scotol te ta vinajele jech chastaq'uiot: ‘Me ja' te chaxanov o ta be cu'une, me chach'un li chanubtaseletic cu'une, vo'ot te chachabi o li ch'ulna cu'une xchi'uc li yamaq'uiltaque. Jech noxtoc ta xcac'bot avabtel ta stojol li j'almantaletic li'i.

Números 3:8

Ja' yabtelic chchabiic scotol li c'usitic chtun te ta ch'ulna pasbil ta nucule, xchi'uc ja' chtunic yu'un scotol li achi'iltac ta sventa scotol li c'usiuc no'ox tsc'an pasel te ta ch'ulnae.

Números 9:18

Scotol li israeletique, ta smantal muc'ul Dios ta stotsic batel, xchi'uc ta smantal Muc'ul Dios ti bu ta spas scarpanaique. Ti jayib c'ac'al te oy ta sba yac'ol ch'ulna li toque, te nacalic o.

Números 9:20

Me jun chib no'ox c'ac'al te chcom ta ba ch'ulna li toque, ja' no'ox tsmalabeic smantal li Muc'ul Diose. Tsmalaic albel me tstotsic batel, o me te chcomic.