Números 9:16 - Bible in Tzotzil de Chenalhó with Deuterocanon

¹⁶ Ja' jech ta spasilan o scotol c'ac'al: Ta c'ac'altique, ta xpix li ch'ulna pasbil ta nucule; yan ta ac'ubaltique, ta xc'ataj ta c'oc'.

Bible in Tzotzil de Chamula

¹⁶ Jech o ta spasilan, ti ta c'ac'altique, ta xvoliat ta toc ti Axibalnae. Ti ta ac'ubaltique, ta xvinaj jun c'oc' s'elan.

Números 9:16 Iomraidhean Croise

Nehemías 9:12

Ta c'ac'altique ta toc laj abeiltas tal. Yan ta ac'ubaltique ta c'oc' laj abeiltas tal, yu'un jech ac'o yil sbeic ti bu chbatique.

Nehemías 9:19

Pero ta sventa ti toj ech'em xc'uxul avo'ntone, jech muc xavicta comel te ta xocol banamil. Muc xaloq'uesbe ta stojolic li jvol toc ti ja' ibeiltasatic o tal ta c'ac'altique xchi'uc ti ic'ataj ta c'oc' sventa tsbeiltasatic o tal ta ac'ubaltic yu'un jech chil sbeic bu chbatique.

Salmos 105:39

Li Diose la slam batel toc sventa tsmac o li steclumale, xchi'uc laj yac'be c'oc' sventa chil sbeic ta ac'ubaltic.

Salmos 78:14

Ta c'ac'altique ta toc i'ac'bat yilic bu chbatic; ta ac'ubaltique ta xojobal c'oc' i'ac'bat yilic noxtoc.

Éxodo 40:34

li ch'ulna pasbil ta nucule ital pixatuc ta toc, jech inoj ta xojobal Muc'ul Dios li yut ch'ulnae.

Éxodo 40:38

Ta c'ac'altique te oy ta sba ch'ulna li toc yu'un Muc'ul Diose. Yan ta ac'ubaltique c'oc' xa tsanem laj yilic li israeletique. Ja' jech ic'ot ta pasel ti buyuc no'ox ixanovic batele.

1 Corintios 10:1

Quermanotac, ta jc'an chana'ic c'u x'elan li jmoltot jyame'cutic ta vo'onee. Scotolic tojobtasbilic tal lec ta toc, xchi'uc scotolic lec ijelovic tal ta Tsajal Nab.

2 Corintios 5:19

Ja' ta sventa Cristo lic sco'lajes yo'nton xchi'uc cristianoetic li Diose. Mu xa ja'uc tst'ab ta yo'nton li jmultic jsa'ojtic ta stojole. Ja' yu'un laj yac'bun cabtelcutic xcholel ti ico'laj xa co'nton jchi'uctique.

Deuteronomio 1:33

ja' ti ba'yucbe ono'ox ital avu'unique, ti laj yic'oxuc tal li' ta osil yo' bu chanaquiique. C'alal laj yac' tal avilic be ta ac'ubaltique, c'oc' la stojobtasoxuc tal. Yan ta c'ac'altique, toc la stojobtasoxuc tal.

Apocalipsis 21:3

Laj ca'ay oy boch'o tsots chc'opoj tal ta muc'ta chotlebal, jech laj yal: “Q'uelo avilic, li'i ja' xa snaic xchi'uc cristianoetic li Diose. Te ta xchi'in o ta naclej. Ja' xa steclumal chc'ot o, jech ec li stuquique ja' Dios yu'unic o.