Números 9:14 - Bible in Tzotzil de Chenalhó with Deuterocanon

¹⁴ “Li yanlum cristianoetic ti te xa nacalic yo' bu oyoxuque, ac'o me spasic ec li q'uin Coltael sventa chiyich'icun ta muq'ue. Ja' jech ac'o spasic jech chac c'u cha'al calojboxuque. Li mantal calojboxuque, chtun sventa yanlum cristianoetic, xchi'uc ta sventa li boch'otic li' voq'uemique”, xi.

Bible in Tzotzil de Chamula

¹⁴ “Ti jyanlumetic ti nacal ta atojolique, tsots sc'oplal ta spasic q'uin Colel, yu'un ja' quich'el ta muc'. Jun smantalil jech c'u cha'al laj calboxuc ava'iique. Manchuc mi jyanlum, mi ja' yajval jteclum, co'ol oy yip ti smantalile.”

Números 9:14 Iomraidhean Croise

Esdras 6:21

Scotol li israeletic ti i'ayic tal ta chuquel ta yan banamile xchi'uc li boch'otic la scomtsanic spasel li c'usitic chopol tspasic li yanlum cristianoetique ti ja' xa no'ox chich'ic ta muc' ec li Muc'ul Dios, ja' li Dios yu'un Israele, scotolic co'ol la sve'ic li ve'lil sventa q'uin Coltaele.

Éxodo 12:43

Li Moisés xchi'uc Aarone jech i'albatic yu'un li Muc'ul Diose: “Li'i ja' mantal ta sventa li q'uin Coltaele: Me junuc yanlum cristiano mu xu' tsti' li jmoton chich' milele.

Éxodo 12:47

Ja' jech ac'o spasic scotol li israeletique.

Levítico 19:10

Jech noxtoc mu me xbat ac'uxc'ultabeic sat li ats'usubique, xchi'uc mu xa me xatamic li butic bajemique. Te ac'o comuc ta sventa me'onetic xchi'uc ta sventa yanlumetic. Vu'un li Muc'ul Diosun avu'unique.

Levítico 22:25

Jech noxtoc mu me xatsaquic me ja' jech x'elan chtal yac'boxuc ve'lil chtun te ta ch'ulna avu'unic li yanlumetique yu'un mu'yuc lequic, jech mu'yuc ta jtsac”, xi li Muc'ul Diose.

Levítico 24:22

“Ja' jech mantal ta xcom ta sventa li yanlumetique xchi'uc vo'oxuc li israeloxuque; vu'un li Muc'ul Diosun avu'unique”, xi li Muc'ul Diose.

Levítico 25:15

Li boch'o ta smane ja' te ac'o sliquesbe stojol ta yech'el li Sjabilal Colem Chcom Scotole. Jech ec li boch'o ta xchone ja' jech yepal ac'o sc'anbe stojol ti c'u yepal jabil xu' tsbalin c'alal to tsta li yan Sjabilal Colem Chcom Scotole.

Números 15:15

Li mantaletic laj calboxuque, ja' ta xtun ta sventa vo'oxuc, xchi'uc ta sventa yanlum cristianoetic. Ja' jun mantal ta xcom o avu'unic. Jech ta xcom o ta totil me'il c'alal ta alab nich'nab.

Números 15:16

Jun no'ox mantal ta xcom avu'un acotolic achi'uquic li yanlum cristianoetique”, xi li Muc'ul Diose.

Deuteronomio 29:11

Xchi'uc li' oyic noxtoc li ololetique, li antsetique, xchi'uc li yanlumetic te nacal ta alumalique, ja' li jcuch-si'etic, li jlupvo'etic avu'unique.

Deuteronomio 31:12

Tsobic scotol li jchi'iltactique c'alal ta vinic ta ants, ta ololetic xchi'uc c'alal ta yanlum cristianoetic ti te nacajtic ta avosilalique, yu'un ac'o tal ya'yic scotolic li smantal Muc'ul Dios chavaptaique. Yu'un jech ac'o xchanic yich'el ta muc' li Muc'ul Diose, xchi'uc jech ac'o spasic batel li c'usi cha'yique.