Números 9:12 - Bible in Tzotzil de Chenalhó with Deuterocanon

¹² Mu me c'usi scomtsanic sventa yoc'omal, xchi'uc mu me sc'asbeic junuc sbaquil. C'alal ta spasic li q'uin Coltaele, ac'o spasic scotol jech chac c'u cha'al jchanubtasojoxuque.

Bible in Tzotzil de Chamula

¹² Ja' no'ox un, mu xavictaic scomelal ta yan c'ac'al. Mu xac'asbeic mi junuc ti sbaquile. Ti c'alal ta xapasic ti q'uin Colele, sc'an ti mu xich' jelel jtosuc ti c'u s'elan liquem ti caloj ta xich' pasele.

Números 9:12 Iomraidhean Croise

Éxodo 12:10

Mu me xanaq'uic ta sventa yoc'omal. Me oy to chcom avu'unique, chiq'uic ta c'oc'.

Éxodo 12:43

Li Moisés xchi'uc Aarone jech i'albatic yu'un li Muc'ul Diose: “Li'i ja' mantal ta sventa li q'uin Coltaele: Me junuc yanlum cristiano mu xu' tsti' li jmoton chich' milele.

Éxodo 12:46

Ja' tsc'an te no'ox ta jujubej anaic chati'ic li chij ac'bil ta smoton Diose. Mu xu' chich' loq'uesel ta na jlec'uc sbec'tal, xchi'uc mu xu' chich' c'asbel jbejuc sbaquil.

Éxodo 12:8

Te no'ox ta yac'ubalil xati'ic li chije. Vobil ta c'oc' xapasic. Capal ta ch'ail vomol xati'ic, xchi'uc ta pan ti mu'yuc yich'oj svolesubil xch'ute.

Éxodo 40:38

Ta c'ac'altique te oy ta sba ch'ulna li toc yu'un Muc'ul Diose. Yan ta ac'ubaltique c'oc' xa tsanem laj yilic li israeletique. Ja' jech ic'ot ta pasel ti buyuc no'ox ixanovic batele.

Números 9:3

Ja' ta mal c'ac'al ta xchanlajunebal c'ac'al yochel li u li'i. C'alal chapasic li q'uine, pasic me scotol c'usi li sc'oplal tsc'an pasel jech chac c'u cha'al chal ta svunal li mantaletique”, xut.

San Juan 19:36

Ti jech ic'ot ta pasele, yu'un ja' ic'ot o ti jech ono'ox ts'ibabil ta sc'op Diose: “Me junuc sbaquil mu'yuc tsc'asbat”, xi ono'ox ts'ibabil.