Números 8:8 - Bible in Tzotzil de Chenalhó with Deuterocanon

⁸ Ts'acal ac'o smilic jcot ch'ium tot vacax sventa jmoton, xchi'uc ac'o yaq'uic arina ti bu ven leque, ti vots'bil o ta aceitee. Xchi'uc ac'o yaq'uic yan jcot ch'ium tot vacax sventa chich' milel ta sventa smulic.

Bible in Tzotzil de Chamula

⁸ Ts'acal to un, ta stsaquic talel jcot ch'iom tot vacax, jopuc juch'bil trigo ti lec t'ujbile ti vots'bil ta aceitee, xchi'uc ti sat ts'unubaletic ti ja' xa sts'aquebtac ti matanaletique, xchi'uc jcot ch'iom tot vacax ta xich' svocol ta scoj ti mulile.

Números 8:8 Iomraidhean Croise

Éxodo 29:1

“C'alal chavoc'bicun ta sventa paleal li Aarón xchi'uc xnich'nabe, tsc'an jech chapasbe chac li'i: Tsaco jcotuc ch'ium tot vacax, xchi'uc cha'cotuc tot chij ti bu ven lequique.

Éxodo 29:3

Ac'o ta jun biq'uit moch; ich'o batel ta ch'ulna xchi'uc li ch'ium vacaxe xchi'uc li cha'cot chije.

Isaías 53:10

Li Muc'ul Diose jech la sc'an ti laj yac' ta uts'intaele, ti laj yac'be xcuch scotol vocole. Ta sventa ti ivu' yu'un laj yac' sba ta milbil matanal sventa mulile, jech ta to xil noxtoc c'u to yepal chbol li yu'untaque, ta xnatub lec yorail. Li c'usi chapanbil yu'un Muc'ul Diose, chc'ot ta pasel.

Levítico 1:3

“Me vacax chaq'uic sventa chixchic'bicun jmotonine, ja' ac'o yaq'uic li stot ti bu ven leque. Ti c'u cha'al xu' chquich'beique, te ac'o tal yaq'uic ta ti'ch'ulna pasbil ta nucul ta jtojol, vu'un li Muc'ul Diosune.

Levítico 16:3

C'alal ch-och batel ta ch'ulna li Aarone, ac'o yic' ochel jcotuc ch'ium tot vacax sventa mulil, xchi'uc jcot chij sventa chic'bil matanal.

Levítico 2:1

“C'alal me oy boch'o chich'bun tal jmotonin li strigo xchi'uc c'usitic yan jech chac c'u cha'al trigoe, ja' ac'o yich'bun tal arina ti bu ven leque. Ac'o yac'beic aceite xchi'uc pom.

Levítico 4:14

C'alal me la sna'ic ti oy smulique, ac'o yaq'uic jcot ch'ium vacax ta sventa smul scotolic. Ac'o yich'ic batel ta ch'ulna pasbil ta nucul.

Levítico 4:3

“Me ja' stuc banquilal pale la sta smul ta jtojol, jech oy smul chc'ot yu'un li xchi'iltac ta israelale. Ac'o yac'bun jmotonin jcotuc ch'ium vacax ta sventa li smul staoje. Ja' ac'o yac'bun ti bu ven leque.

Levítico 8:2

“Ic'o tal ta jtojol li Aarón xchi'uc xnich'nabe. Ac'o yich'ic tal li lequil c'u'iletic sventa paleale, li aceite sventa ich'ub abtelale, li ch'ium tot vacax ti chich' milel ta sventa mulile, li cha'cot chije xchi'uc li jun unin moch pan ti mu'yuc yich'oj svolesubil xch'ute.

Romanos 8:3

Yu'un oy c'usi muc xvu' ta sventa li mantaletic ta scoj ti mu'yuc stsatsal li jbec'taltique, ja' yu'un la stac tal Xnich'on li Diose. Laj yac'be yich' sbec'tal jech chac c'u cha'al li jbec'taltic ti snainoj mulile, yu'un jech ac'o scontrain li mulile. Jech ta sventa sbec'tal ivu' yu'un laj yac' batel ta lajel li mulile.

2 Corintios 5:21

Yu'un li boch'o mu xotquin mulile jpasmulil ic'ot ta jcojtic, yu'un jech vu'utic mu'yuc jmultic lijc'ot, tuc' xa co'ntontic chijyilutic li Diose.