Números 8:7 - Bible in Tzotzil de Chenalhó with Deuterocanon

⁷ Ti c'u x'elan tsc'an chalecubtase ja' jech chac li'i: Vijo ta vo', ja' li vo' sventa lecubtasele. Ts'acal ac'o xjux loq'uel scotol stsotsil sbec'talic, xchi'uc ac'o xchuc' lec sc'u'ic, jech lec xa chcomic o.

Bible in Tzotzil de Chamula

⁷ Ti smelol ti mesel tusele, xi s'elan jech c'u cha'al li'e: Ta xavijbe ti jmesvanej jtusvanej vo'e. Ts'acal to un, ta xch'ul sbaic lec sjunul. Ta xchuc' sc'u'ic. Va'i un, mesbil tusbil ta xc'otic.

Números 8:7 Iomraidhean Croise

Génesis 35:2

Li Jacobe laj yalbe ya'ay li yajnil xnich'nabe xchi'uc scotol li boch'otic te xchi'uque: —Loq'uesic scotol li sloc'obal diosetic avich'ojic tale. Atinanic lec; lapo yan ac'u'ic.

Salmos 51:2

Pocbun o loq'uel ta j'ech'el li jchopolile; ch'aybun li jmule.

Salmos 51:7

Lecubtasun ta isopo te', jech lecuben chicom o; pocun me, jech xjelov to jsaquil chicom jech chac c'u cha'al li tayoe.

Éxodo 19:10

Li Muc'ul Diose jech laj yalbe li Moisese: —Batan, bat albo achi'iltac ti ac'o xchapan sbaic li' ta ora xchi'uc oc'ome. Ac'o xchuc' lec sc'u'ic;

Isaías 52:15

ja' no'ox jech ep lumetic chch'ay yo'ntonic yu'un; ep ajvaliletic chmac yeic noxtoc ti c'alal chilic, c'alal cha'yic li c'usi mu'yuc ono'ox bu jech xilic, ti mu'yuc ono'ox bu jech xa'yic oe.

Jeremías 4:14

Jerusalén, ac'o ta poquel li sbolil avo'ntone, ja' no'ox jech xu' chacol. ¿Baq'uin to chaloq'ues ta atojol li c'usi chopol ta nopele?

Ezequiel 36:25

Ta jvijoxuc ta lequil vo', jech lec sac chacomic. Ta jpocboxuc loq'uel scotol li avic'ubalic ti toj chopole, xchi'uc ta jipboxuc loq'uel ta avo'ntonic li sloc'obaltac adiosique.

Levítico 15:27

“Boch'ouc no'ox ta spic li c'usitic soquemique, chopol chcom ec. Tsc'an ac'o xchuc' lec sc'u', ac'o atinuc lec; pero chopol chcom o c'alal to ch-och ac'ubal.

Levítico 15:6

“Boch'ouc no'ox ta xchoti te yo' bu chchoti li vinique ac'o xchuc' lec sc'u', ac'o atinuc lec; pero chopol chcom o c'alal to ch-och ac'ubal.

Levítico 16:28

Li boch'o chbat xchiq'ue, ac'o xchuc' lec sc'u'; ac'o atinuc lec, jech xu' ch-och tal ta acarpanaic.

Levítico 8:6

Li Moisese lic yic' ta stojol li Aarón xchi'uc xnich'nabe. Laj yatintasan.

Números 19:13

Me oy boch'o la sta ta piquel sbec'tal anima ti mu'yuc chac' sba ta lecubtasele, tsocbe sc'oplal li ch'ulna yu'un Diose. Ac'o loc'uc o ta atojolic, yu'un muc xac' sba ta lecubtasel ta ts'u'iltasbil vo'. Jech te chcom o ta sba stuc ti mu'yuc lecubene.

Números 31:20

Aq'uic ta lecubtasel noxtoc scotol li ac'u'ique, xchi'uc scotol li c'usitic pasbil ta nucul, pasbil ta tsotsil tentsun, o li c'usi pasbil ta te'e —xut.

Números 8:21

Li levietique laj yich'ic lecubtasel, xchi'uc la xchuc' lec sc'u'ic. Jech li Aarone laj yac' ta stojol Dios. Ja' jech ic'otic jech chac c'u cha'al lequil matanal. Xchi'uc la spas li c'usitic tsc'an pasel ta sventa chich'ic lecubtasele.

Hebreos 9:10

Yu'un ja' no'ox mantaletic sventa sba sbec'talic, sventa ve'liletic, sventa c'usitic chuch'ic, xchi'uc c'usitic yan tspasic sventa tslecubtas sbaic. Ja' jech la spasic o c'alal to la spas ta ach' li Diose.

Hebreos 9:13

Li xch'ich'al tot vacax, me xch'ich'al tot tentsun, o me stanil ch'ium me' vacax ti lec c'aq'uem te ta xchic'ubil smoton Diose, itun sventa laj yich' vijel o li boch'o tsbolibtas sbae, jech lecubtasbil icom ta sventa sba sbec'tal.

Santiago 4:8

Nopajanic ta stojol li Diose, jech chnopaj ta atojolic ec. Comtsanic c'usitic chopol chapasic vo'oxuc jpasmuliletic. Lecubtaso avo'ntonic vo'oxuc ti cha'jot bu avac'oj avo'ntonique.

1 Pedro 3:21

Li vo' le'e ja' senyail li vo' chquich'tique, jech chijcolutic. Li vo' chquich'tique mu ja'uc sventa chispocbutic jbec'taltic. Ja' sventa ti lecuben xa jol co'ntontic ta stojol Dios ta sventa ti icha'cuxi li Jesucristoe.

Apocalipsis 7:14

Jech la jtac'be: “Cajval, mu jna'. Vo'ot xana'”, xcut. Jech laj yalbun: “Le'e ja' li boch'otic imilatic ta scoj ti tsots liquem vocol ta banamile. Xchuc'oj xa lec sc'u'ic, yac'oj xa sbaic ta sacubtasel ta xch'ich'al li Ch'ium Chije.