Números 8:4 - Bible in Tzotzil de Chenalhó with Deuterocanon

⁴ Li candeleroe ja' pasbil ta c'anal taq'uin. Tenbil lec ta martillo c'alal ta yoc, xchi'uc c'alal to ta yav yaceiteal ti lec volajtic ta q'uelele. Li Moisese ja' jech la spas li candelero jech chac c'u cha'al i'ac'bat yil senyail yu'un Muc'ul Diose.

Bible in Tzotzil de Chamula

⁴ Ti pajleb cantilae, meltsanbil ta oro, ti anbil ta yanobil ti nitil ta jun xchi'uc ti xchotlebe, xchi'uc ti xnichimaltaque. Ti pajleb cantilae, ja' jech s'elan laj smeltsan ti Moisese jech c'u cha'al ac'bat yil yu'un ti Diose.

Números 8:4 Iomraidhean Croise

Éxodo 25:18

Ac'o chib sloc'obal querubinetic ta jujujot sjol pasbil ta c'anal taq'uin, tenbil lec ta martillo xapas.

Éxodo 25:9

Ti c'u x'elan chacac'bot avil senyaile, xchi'uc li c'usitic chacalbot tsc'an te chtune, ja' jech xapas.

Éxodo 26:30

Ja'o xlic ava'an li ch'ulna jech chac c'u cha'al laj cac'bot avil senyail te ta vitse.

Éxodo 37:7

Xchi'uc la spas chib sloc'obal querubinetic ta jujujot sjol. Ta bats'i c'anal taq'uin la spasbe li smaque; la sten lec ta martillo.

Números 8:3

Li Aarone la xch'un c'usi i'albat yu'un li Moisese. La smeltsan lec li candiletique. Te laj yac'be batel xojobal ta stuq'uil yo' bu oy li candeleroe.

Números 8:5

Li Muc'ul Diose la sc'opan yan velta li Moisese. Jech laj yalbe:

Hebreos 8:5

Pero ti bu itunique ja' senyail no'ox, yu'un ja' mero sc'oplal li vinajele. Ta jna'tic ti jech i'albat yu'un Dios li Moisés c'alal lic spas li ch'ulna pasbil ta nucule: “Co'ol jech xapas jech chac c'u cha'al laj cac'bot avil senyail te ta jolvitse”, x'utat.

Hebreos 9:23

Li c'usi laj yich' pasel ti ja' senyail sventa vinajele, ja' jech laj yich' lecubtasel chac le'e. Pero li c'usi ja' xa sventa vinajele, ja' xjelov to slequil li matanal laj yich'e.