Números 8:3 - Bible in Tzotzil de Chenalhó with Deuterocanon

³ Li Aarone la xch'un c'usi i'albat yu'un li Moisese. La smeltsan lec li candiletique. Te laj yac'be batel xojobal ta stuq'uil yo' bu oy li candeleroe.

Bible in Tzotzil de Chamula

³ Ti Aarone jech laj spas jech c'u cha'al albat yu'un Dios ti Moisese. Laj sa'ananbe yavil bu ta xcom yo' jech ta xac' batel xojobal ta yeloval ti bu oy ti spajleb cantilae.

Números 8:3 Iomraidhean Croise

Éxodo 39:37

Xchi'uc laj yac'beic noxtoc li candelero pasbil ta c'anal taq'uine, xchi'uc li scandilaltaque, ja' li candiletic ti tsc'an te chich' vuchanel ta xvuchlebe, xchi'uc scotol li c'usitic te chtune, xchi'uc li aceite sventa tstsan oe,

Éxodo 40:25

Te lic stsanbe li scandilaltac ta stojol Muc'ul Dios jech chac c'u cha'al albil ono'ox yu'un Diose.

Números 8:2

“Jech xavalbe li Aarone: C'alal chatsan li candiletique, te xavac'be batel xojobal ta stuq'uil yo' bu oy li candeleroe”, uto.

Números 8:4

Li candeleroe ja' pasbil ta c'anal taq'uin. Tenbil lec ta martillo c'alal ta yoc, xchi'uc c'alal to ta yav yaceiteal ti lec volajtic ta q'uelele. Li Moisese ja' jech la spas li candelero jech chac c'u cha'al i'ac'bat yil senyail yu'un Muc'ul Diose.

San Mateo 5:15

Jech noxtoc me oy chatsanic candile, mu'yuc chanujmaquiic ta anmul. Ja' chavaq'uic ta xvuchanubil, jech ta xac' xojobal ta sbejel li yut anaique.