Números 8:22 - Bible in Tzotzil de Chenalhó with Deuterocanon

²² C'alal ilaj yo'ntonic ta spasel scotole, li levietique bat spasic scotol te ta ch'ulna pasbil ta nucul li yabtelic ti sc'oplal tspasique. Ja' q'uelbilic yu'un li Aarón xchi'uc xnich'nabtaque. Ti c'u x'elan i'albat yu'un Muc'ul Dios li Moisese, ja' jech laj yich'ic pasbel li levietique.

Bible in Tzotzil de Chamula

²² Laj scotol taj une, jech ti levitaetique bat yabtelanic ti c'usi sc'an pasel ta Axibalna ti bu nupel ta bee, ti ja' q'uelbilic yu'un ti Aarón xchi'uc ti xnich'nabe. Jech c'u cha'al albat ti Moisés yu'un ti Diose, ja' jech laj spasic ta stojol ti levitaetique.

Números 8:22 Iomraidhean Croise

2 Crónicas 30:27

Ts'acal lic va'iicuc li paleetic xchi'uc levietique; laj yac'beic bendición li jteclume. Li Muc'ul Diose laj ya'ibe li sc'opique; ic'ot c'alal ta vinajel yo' bu nacal stuc li Ch'ul Diose.

2 Crónicas 31:2

Li Ezequiase lic xchapan lec noxtoc c'u x'elan tsjelilan sbaic ta abtel li paleetic xchi'uc levietique, yu'un jech lec ta xchapalchapal tspas li yabtelic ta jujuvoq'uic c'alal chchic'beic smoton Dios, xchi'uc c'alal tsmilbeic smoton sventa co'ol yo'ntonic xchi'uque, xchi'uc c'alal tstojbeic ta vocol, c'alal chalbeic slequilal, xchi'uc c'alal chtunic ta stojol te ta ti'ch'ulnae.

Éxodo 12:50

Li israeletique la spasic scotol jech chac c'u cha'al i'albatic yu'un Muc'ul Dios li Moisés xchi'uc Aarone.

Números 1:50

Li levietique ja' no'ox te xavac' abtejicuc o ta jch'ulna pasbil ta nucule. Ja' ac'o sventainic o scotol li c'usitic te chtune xchi'uc scotol li c'usitic ja' sventa o li ch'ulnae. Ja' tsventainic yich'el batel noxtoc li ch'ulna pasbil ta nucule xchi'uc scotol li c'usitic te oye yu'un ja' te chtunic o ta ch'ulna pasbil ta nucul. Xchi'uc te ac'o spas scarpanaic ta spat xocon li ch'ulna pasbil ta nucule.

Números 8:15

Ts'acal ac'o baticuc te ta ch'ulna pasbil ta nucul yu'un te chbat tunicuc o cu'un. Ja' jech tsc'an chalecubtas, ja' jech tsc'an chavac'bun ta jtojol. Co'ol chac c'u cha'al muc'ta matanal chc'ot.

Números 8:21

Li levietique laj yich'ic lecubtasel, xchi'uc la xchuc' lec sc'u'ic. Jech li Aarone laj yac' ta stojol Dios. Ja' jech ic'otic jech chac c'u cha'al lequil matanal. Xchi'uc la spas li c'usitic tsc'an pasel ta sventa chich'ic lecubtasele.

Números 8:23

Li Muc'ul Diose la sc'opan yan velta li Moisese. Jech laj yalbe: