Números 8:21 - Bible in Tzotzil de Chenalhó with Deuterocanon

²¹ Li levietique laj yich'ic lecubtasel, xchi'uc la xchuc' lec sc'u'ic. Jech li Aarone laj yac' ta stojol Dios. Ja' jech ic'otic jech chac c'u cha'al lequil matanal. Xchi'uc la spas li c'usitic tsc'an pasel ta sventa chich'ic lecubtasele.

Bible in Tzotzil de Chamula

²¹ Va'i un, ti levitaetic une laj yich'ic mesel tusel. Laj xchuc' sc'u'ic. Jech ti Aarone laj sva'an laj yac' jelavel jech c'u cha'al junuc lequil matanal ta stojol ti Diose ti c'alal sye'ilan xa ti sc'ob ti ja' sc'oplal yu'un ti mesel tusele.

Números 8:21 Iomraidhean Croise

Éxodo 19:10

Li Muc'ul Diose jech laj yalbe li Moisese: —Batan, bat albo achi'iltac ti ac'o xchapan sbaic li' ta ora xchi'uc oc'ome. Ac'o xchuc' lec sc'u'ic;

Levítico 14:11

Li pale ti oy ta sventa tslecubtasvane ac'o sva'an ta jtojol li boch'o chich' lecubtasele xchi'uc li c'usi yich'oj tale. Te ac'o sva'an ta sti' ch'ulna pasbil ta nucul.

Números 19:12

Ta yoxibal xchi'uc ta svucubal c'ac'al ac'o yac' sba ta lecubtasel ta sventa li ts'u'iltasbil vo'e. Ta svucubal c'ac'ale lec xa chcom o. Me mu'yuc chac' sba ta lecubtasel ta yoxibal c'ac'al xchi'uc ta svucubal c'ac'ale, mu'yuc lec chcom o.

Números 19:19

Li vinic ti lec oye xu' ja' ac'o svij ta ya'lel stanil me' vacax ta yoxibal c'ac'al xchi'uc ta svucubal c'ac'al li boch'o soquem sc'oplale. C'alal me laj xa yich' lecubtasel ta svucubal c'ac'ale, ac'o xchuc' lec sc'u'. Ac'o atinuc lec; ta yic'ubel osil lecuben xa chcom.

Números 3:12

“Li levietique ja' la jt'uj loq'uel ta stojol scotol achi'iltac jech chac c'u cha'al ja' cu'un li sba avol anich'onique. Ja' xq'uexol c'otem li sba avol anich'onique. Ja' cu'un c'otemic o

Números 8:15

Ts'acal ac'o baticuc te ta ch'ulna pasbil ta nucul yu'un te chbat tunicuc o cu'un. Ja' jech tsc'an chalecubtas, ja' jech tsc'an chavac'bun ta jtojol. Co'ol chac c'u cha'al muc'ta matanal chc'ot.

Números 8:20

Li Moisés, xchi'uc Aarón, xchi'uc scotol israeletique la xch'unic scotol c'usi i'albat yu'un Muc'ul Dios li Moisés ti tsc'an tspasic ta sventa li levietique.

Números 8:22

C'alal ilaj yo'ntonic ta spasel scotole, li levietique bat spasic scotol te ta ch'ulna pasbil ta nucul li yabtelic ti sc'oplal tspasique. Ja' q'uelbilic yu'un li Aarón xchi'uc xnich'nabtaque. Ti c'u x'elan i'albat yu'un Muc'ul Dios li Moisese, ja' jech laj yich'ic pasbel li levietique.

Números 8:7

Ti c'u x'elan tsc'an chalecubtase ja' jech chac li'i: Vijo ta vo', ja' li vo' sventa lecubtasele. Ts'acal ac'o xjux loq'uel scotol stsotsil sbec'talic, xchi'uc ac'o xchuc' lec sc'u'ic, jech lec xa chcomic o.